|
وعليكم السلام ورحمة الله وبركاته اول شي اختي هو المستقلي بس بعض اهل الشمال بالسعودية يقولون المستزلي عديت بالمستقلي من نايفات العداما عديت رقيت يعني صعدت المستقلي هو المكان المستقل البعيد عن الناس نايفات العداما المكان المرتفع يانجمة الصبح ياللي سارو عليك النشاما هي نجمة تطلع قبل الفجر يسمونها الاجداد نجمة الصبح يعني الصباح وسرو يعني سارو مشو عليك يعني مستدلين بك على الطريق النشاما الرجال الطيبين جيت المطوع يصلي صليت معه القياما يعني وصلت الشيخ وجدته يصلي فصليت معه القيام اتمنى افدتك |
نقول المستزلي ماخوذه من الزله او السقوط او النزول وليس كما ذكرت انها المكان المستقل حنا نقول للمكان المستقل والبعيد المتنحي او الاقصى
مشكور على شرح القصيدة |
اختي ام ياسمين انا كتبت المقصود من القصيدة وهو المستقلي كما ذكرت وسألي اي احد من اهل الشمال وبيقولك كيف يقولون المستقلي بالعاميه وعلى قولت المثل اهل مكه ادرى بشعابها |
المستزلي واضحه وضوح الشمس وهي الزله او النزول وحتى بالقصيده المستزلي المقصود فيها الزله او النزول لانه ذكر نايفات يعني عاليات وضدها النازلات من النزول اما كلمة المستقلي حنا نعرف انها المكان المستقل لكن عندنا في الشمال ننطق الكلمه بشكل غير لكن نكتبها المستقلي حرف القاف عندما ننطقها نغيره الى حرف غير موجود في الحروف الهجائية ولا يمكن كتابت هذا الحرف لانه موجود بالهجه النجديه والشمالية على وجه الخصوص وهذا انت قلت اهل مكه ادرى بشعابها
انشاء الله تكون وضحة الصورة |
هلا ام ياسمين شكله مابه الا وانتي بالموضوع وتريني شمالية يعني عارفه معناها وعلى العموم اكتبي معنى المستقلي بقوقل وشوفي وش يطلع لك كان ودي احط الرابط بس اخاف قوانين المنتدى ماتسمح |
مشكورة اختي انا من حايل انتي مدري من وين يمكن الكلمه عندكم غير عندنا لكن الي كتبته متاكده منه لاني سالت زوجي وقال لي نفس الكلام وانا قضيت نص عمري بالغربيه وعلى الرغم اني متاكدة من الكلمه شككتيني بنفسي وقلت مالي الا اسال زوجي احسن واكد الكلام لانه انولد هناك وعاش نص حياته هناك ويجالس الشيبان واجد ويعرف كلمات انا اول مره اسمع بها حتى هو يقول انتي وين عايشه هذا هرج اهلك وجدودك على الرغم اني ما عمري سمعتها من ابوي وامي يمكن يعرفونها لكنهم مايتكلمون فيها انا بدخل على قوقل وارد لك
|
نشيد عديت بالمستزلي
عـديــت بالمسـتـزلـي .... من نايفـات العدامـا يانجمة الصبح يا اللي .... سروا عليك النشاما يا خوي و ا عبرتن لي.... منها عيوني سقاما ابكي و لاحدن فطن لي.... راع الهوى ما يلامـا جيت المطوع يصلـي .... صليت معه القيامــا سمعت انا صوت خلــي.... سلمت قبل الامامـا يا ضامر الوصل ياللــي .... لا ذاق زادن و لا مـا هرجه ، حديثه ، يسلـي .... ريقه يداوي السقامـا واسم هذه القصيدة اطلال موجودة في موقع صدى نجد بصوت عبدالاله الصبيح وحذف منها بعض العبارات وعدلت في كلمات مرادفة اخرى اكتبي كلمة عديت بالمستزلي وتطلع بالقوقل ارجو ان اكون افدتك وتقبلي مروري |
مرحبا بكم
ساكون الفيصل بينكم كنت من المتابعات لبرنامج زد رصيدك وسمعت المتسابق وهو يشرح القصيده وشرح الاخ طيف & عابر صحيح ميه الميه المستزلي = المستقلي |
اختي صدقيني ان المستزلي ماهي نفسها المستقلي
عندنا المستقلي نقولها بطريقه غير وما اقدر اكتبها لان الحرف الي بدل القاف حنا ننطقه لكن صعب نكتبه لانه مو موجود من ضمن الحروف الهجائيه هي صح قريبه من بعضها لكن مع تغيير بسيط في الحروف والشاعر بالقصيدة يقصد بالمستزلي المكان النازل او المنحدر والدليل انه قال عديت بالمستزلي .....من نايفات العداما يعني من النزول الى الصعود وهذا متاكده منه مائه بالمئة |
خخخخخ مصممة ام ياسمين شكلك مابحثتي قلت لك ياقلبي اكتبي بقوقل معنى عديت بالمستقلي وبتلقين القصيدة ومعناها وبالصوت بعد |
أختي ام ياسمين اهل مكه أدرى بشعابها
ولكني اخبرك بما سمعته من المتسابق نفسه وهو يشرح القصيده إما أنا فليس لي في شرح القصيده لا ناقة ولا بعير :) |
| الساعة الآن 02:09 AM. |
Powered by vBulletin
Copyright ©2000 - 2026, Jelsoft Enterprises Ltd.
سبحان الله وبحمده :: سبحـان الله العظيم