لا انا بعيده جدا عنه وماابغى اسافر مسافات ثم مالقى الراقي الثقه واصير ضحيه

احسن شي داومي عند راقي قريب منك ومو لازم تسافرين لان الرقاة كلهم واحد وكلهم يرقون بالقرآن اهم شي يكون صاحب دين وخلق لان مو بالضروره سمعت عن هالشيخ انه تشافوا ناس كثر على يدة انت راح تتشافين عنده انا مثل ماقلت لك كل ماقيل لي عن راقي انه ممتاز وان ناس كثير تشافوا على يدة اروح عنده لكن ماتشافيت ولا حتى بين انا وش فيني بالضبط لذالك احسن لك روحي راقي قريب ولاتسافرين ولا شي واذا ماتوفر رقاة ارقي نفسك او يرقيك احد من اهلك

المشكله ان المدينه إلى انا فيها ماعندنا رقاة .. وبالنسبه ان احد يرقيني من اهلي بعض الحالات تحتاج لراقي يعرف كيف يتعامل ويتصرف مع الامراض الروحيه.. ..فعشان كذا اضطررت اني اسأل عن رقاة ثقه... والله يحفظنا من كل شر ومكروه.. واشكرك يااختي الفاضله

السلام عليكم
والله تعبت من كلمة ضرب الى اي مدى من التخلف الضرب
هل الجني يضرب اذا كان له القدرة على اختراق الضوء وحتى الذرة ابوسعك ضربه
اساليب غير علمية
مجرد ايهام المصاب وتحفيزه لا اكثر
نعترف بشيخنا ابن تيميه كعالم فقيه ولكن ليس بمعصوم ولا صحابي
ولا نتخذ من قوله شماعه او دستور لايقبل النقض
افعلها الرسول اي الضرب وهو ارحم الناس افعلها سيدنا سليمان عليه السلام ام كان يدعو ربه فيخضع الجن والشياطين ويحرقهم ويذقهم من العذاب
ارجو ان نكون علميين ناخذ بمفردات القران وما نص عليه في هذا الجانب
ارجو ان لا اكون قد تجازت تكلمت بعلميه

الله المستعان .. واسأل الله الشفاء لي ولجميع مرضى المسلمين

تكفووون يااخوه دلوني ع اي راقي. تعرفونه اهم شي ثقه

في اي منطقة انت ؟

الله يشفيك ويفرج همك يارب

انا من المنطقه الوسطى واسكن قرب مدينه الرياض...واذا تعرفين اي راقي في اي منطقه اذكريه مو لازم يكون قريب مني اهم شي يكون ثقه...وجزاك الله خير

آمين والله يجزاك خير..واسأل الله لك التوفيق

الله يجزاك خير اذكرلي الي تعرفه من الرقاة .والله لايحرمك الاجر.

اذا قصدك ابو عثمان العريني بالبدائع انا مانصحك تروحين بصراحه

لانه يضرب ضرب مبرح

والله شفت صديقتي يدينها جروح نخوف وواضح عليها التعب ولما سالتها من ايش قالت من العريني

هي نفسيتها تعبانه ويقرا عليها ويضربها رغم انها ماتعاني من مس الحمدلله ولاغيره مجرد ضيقه

و فيه راقي جربته بالرس اسمه ناصر الحناكي لكنه مايرقي رقيه مطوله ومو مره استفدت منه

لكن فيه راقي مره يمدحونه برياض الخبراء اسمه السحيباني يشتغل بالمستشفى العام

برياض الخبراء اذا تبين عنوانه اسالي بالمستشفى ويدلونك لاني والله ماعرف وين مكانه بالضبط

والله يشفيك ويشفيني وكل مسلم

اشكرك يااختي على افادتك لي فجز
زاك الله خيرا..ممكن يالغاليه تذكرين لي عنوانه بالضبط الشيخ الحناكي او رقمه وكيف اتواصل معه.. واناابي اسألك عنه بعض الاسأله اذا ممكن .. والله لايحرمك الاجر