|
بسم الله
جزاك الله خيرا على هذه القصه الرائعه وخاصة انها واقعية وحدثت بالفعل والسلام عليكم |
اقتباس:
اخوي الغالي السلام عليكم ورحمة الله وبركاته جزاك الله خيرا علي هذه الشهاده التي اعتز بها ووفقك الله ورعاك ونفع بك الاسلام والمسلمين الله يحفظك |
اخوي الغالي --- هاوي
السلام عليكم ورحمة الله وبركاته اليس لديك قصه عن الجن تريد ان تقولها لنا اني انتظر قصتك اخواني من لديه قصه يستفاد منها فليتفضل مشكورا |
اقتباس:
هلا اخوي ابو فيصل .. ايه عندي قصه توها طازجه هههه فيها اشياء مو طبيعيه ؟؟ بس طويله وهي حقيقيه ما ادري انزلها في نفس الموضوع او في موضوع منفصل وما ادري انزلها مره وحده عشان اللي يقراها يدخل في جو القصه او اقسمها اجزاء الراي لك بما انك صاحب الموضوع .. ولا يهونون بقيه ال***** سلااام |
اقتباس:
اخوي الغالي السلام عليكم ورحمة الله وبركاته الله يحييك اعتبر المنتدي كله منتداك انت وجميع الاخوان وهذه الصفحه خاصة لك وللجميع واني انتظر القصه التي لديك انت واي شخص لديه قصه عن الجن لعلمك يا اخوي يوجد لدي الكثير من القصص عن الجن وعمار الاماكن من الجن لكني لا بد من ان اترك فرصة لك وللاخرين ليشاركونا في هذه الصفحه وفقك الله |
بسم الله الرحمن الرحيم
السلام عليكم ورحمه الله وبركاته اسف للجميع على التأخير .. وخاصه اخوي ابو فيصل .. والان نبدا في القصه على طول لاني ما احب المقدمات هههه في البدايه انا انسان مالي علاقه بالكنوز والذهب .. والجن والرصد .. بس بدت قصتي مع الكنوز قبل فتره قليله .. وهي لها علاقه بالموقع ذا و أحد المشرفين .. وأحد مفسرين الاحلام .. شخصيات القصة ( انا - أحد المشرفين - أحد معبرين الرؤى - الجني او الرصد ) المهم .. في يوم من الايام رحت لمزعتنا وهي كبيره .. ومليانه بشي مهو طبيعي من العلامات والنقوش .. في البدايه انا كنت ماعرف عنها شي .. بس مره لقيت ناس حافرين فيها حفر .. على عمق 2 متر .. وبعضهم مكسر بعض العلامات الموجوده من قديم .. المهم قلت ياولد خلني اشوف السالفه .. ( حب استطلاع ) المهم دورت في الانترنت ولقيت الموقع ... المهم اني استفدت من الموقع كثير ( جزى الله القائمين عليه خير الجزاء ) في معرفه العلامات وانه صحيح فيه كنوز وليست خيال او كذب .. من هنا بدت قصتي : نزلت موضوع وفيه بعض الصور كأي موضوع في المنتدى طبعا اسال عن معنى العلامات .. المهم ارسل لي احد المشرفين رساله خاصه ( بدون ذكر اسماء ) وعلمني طريقه اقدر اكتشف من خلالها اذا فيه شي او مافيه .. الاكيد اني ما طبقت كلامه على طول .. وحبيت اخذ اكبر معلومات عن الكنوز وقصص الجن .. بس تكون عن مزرعتنا .. وتوجهت للشياب من جماعتنا ( كبار السن ) وبديت بحثي عن المنطقه .. المهم طلعت لي قصص مهي طبيعيه لدرجه اني جلست مع احد الاشخاص اللي صار لهم موقف مع الرصد .. وراح اقول لكم قصته .. في مزعتنا جبال وفي احد الايام من السنه يطلع عمود من الذهب بارتفاع 3 متر من اعلى الجبل ويختفي ثاني يوم وكل الناس تشوفه بس ما احد يقدر يروح له .. المهم ان الرجال اللي قابلته عمره الان حوالي 70 سنه قال لي القصه اللي صارت له بنفسه .. يقول وقتها كنت شباب وكان قصه عمود الذهب في وقتها هي كلام الناس قلت ليه ما اسوي طريقه ابين لهم ان اللي يشوفونه خيال ولافيه جن ولا ذهب ولا شي .. يقول قررت اجيب البندق ( السلاح ) وفي اليوم اللي يطلع فيه عمود الذهب اطلق عليه ونشوف وش يصير .. المهم تواعدوا هو واخوياه .. وراحو في نفس اليوم وبالفعل طلع لهم عمود الذهب .. المهم الرجال اطلق عليه بالسلاح .. يقول ( الكلام للشايب ) اول ما اطلقت على عمود الذهب حسيت ان واحد دخل حديده في عيني وطلعها من مكانها .. ويقول ما دريت عن نفسي الا انا في البيت وعلى عيني رباط وحولي اخويايي المهم قلت لهم وش السالفه لاني معاد اذكر اللي صار بعد ما طلقت على العمود .. يقول علموني اخويياي اني بعد ما اطلقت على العمود على طول رميت السلاح وجلست تصيح وانت ماسك عينك ويوم طالعنا فيك الا عينك على الارض ووجهك مليان دم .. واخذناك على البيت والحين توك صحيت .. والرجال حي للان ( وهو من جماعتنا القريبين ) بعد قصته تأكدت ان السالفه مطوله ومستحيل اضحي بعمري عشان كنز وذهب .. العمر اغلى هههه المهم قلت خلنا نشوف غير السالفه ذي ورحت أسال ناس من الجماعه حاولو في مواضيع الذهب .. المهم سمعت قصه ( ما قابلت صاحبها بس هو من الجماعه واللي ينقلها عنه من الجماعه بعد ) يقول انه راح للمغرب لساحر عشان يطلع له الذهب المهم مدري كيف قرأ في كتاب عند الساحر عن اسم المنطقه اللي احنا فيها وقرأ عن العمود حق الذهب .. ولقى اسم ثلاثه جبال مشهوره في المنطقه واحد منها اللي فيه العمود حق الذهب وموجود اسم المنطقه بعد .. المهم الساحر قال لهم هذي المنطقه ما اقدر اسوي لك فيها شي .. ورجع الرجال مثل ما راح وغسل يده من الذهب وطاريه هههه المهم نرجع للموضوع : بعد ما جمعت هذي المعلومات قلت خلني اروح واجرب طريقه المشرف على العلامه ( وطريقته سهله ومافيها شي من الشركيات ) وطبعا اول ما جيت انا وواحد من اصحابي أذنت الأذان كامل وقرينا المعوذات وجربنا الطريقه ( وصار نفس الكلام اللي قاله المشرف ) المهم حنا ما كنا مستعدين للحفر ولا معنا شي .. قلنا بنرجع لها في يوم الخميس وحنا كنا في يوم الاثنين المهم عادي الوضع رجعنا ونسينا السالفه والوعد يوم الخميس .. المهم تحلمت حلم ( رؤيا ) وانا من الناس اللي يحب تفسير الاحلام والرؤى كلمت واحد من المفسرين ( وهو موجود بالمنتدى وانا ما عرفت انه يكتب هنا الا بعد ما فسر لي الحلم ) لاني علمته اني رحت للمكان عن طريق المنتدى وكلام احد المشرفين وقال لي انه بعد هو يشارك هنا بس ما يفسر احلام .. المهم طلع تفسير الرؤيا .. ( تفسير الرؤيا : يقول اني كنت امس انا وواحد من اصحابي كنا في مكان وبغى يجينا ( مس ) وقال لي انتبه لا عاد ترجع للمكان تراه خطير وحذرني منه .. ) مع انه ما كان يعرف اني رحت للكنز وسويت طريقه المشرف .. المهم قلت ياولد توكل على الله والوعد يوم الخميس ومهو صايبنا الا ما كتبه الله لنا .. المهم كلمت خويي وقلت له السالفه وكلمت اثنين من اخوياي وقلت لهم ابيكم تروحون معي يوم الخميس صرنا اربعه اشخاص الحين .. يا حنا يالرصد هههه طبعا الكثره تغلب الشجاعه هههه بس قلت لهم كل واحد ياخذ دش قبل يجي ويحصن نفسه ويقرا المعوذات .. المهم اخذنا ادوات الحفر وتوكلنا على الله يوم الخميس الصباح للموقع .... يتبع في الجزء الثاني |
اخوي الغالي -- هاوي
السلام عليكم ورحمة الله وبركاته تسلم علي الموضوع الشيق خبرني عن الشايب هل عينه انقلعة من مكانها هل هو الان بعين واحده هل يشاهد بعينه الثانيه من من الذين شاهد العامود علي الطبيعه الان خبرني عن الشايب وماذا حصل معه بصراحه ودي اضارب هذا الرصد الارض التي امشي عليها تشرد الجن منها قبل يومين كنت جالس مع قط اسود يومين يمشي وراي واذا دخلة بيتي ينتظرني عند الباب واذا خرجة الي السياره يجلس تحت السياره اول ما اشغل السياره يطلع يقف امامي وعيونه قدام تناظر فيني اي وقت ادخل البيت او اخرج منه هو عند الباب ما ني داري من اين جاء بعض الاحيان يتشبهون من صورة بس ( قط ) الي انسان قبل يومين رجعة الي البية الساعه الثالثه قبل الفجر وجدته صاحي عند الباب ينتظرني نزلة من السياره واتجهة اليه الي ان اصبحة المسافه بيني وبينه مترين وقرية اية الكرسي والمعوذات واخذت انظر اليه تصدق عيونه ما ترمش ابدا عيوني ترمش بعد ما تحترق من طول ما هي ثابته تناظر فيه المهم جلسة اقراء عليه من بعيد وهو في مكانه ويناظر في الشارع خالي من الماره انا وهذا القط الاسود لوحدنا في الشارع المهم رفض ان يتحرك من مكانه تركته ولم يتقدم خطوه واحده خلفي بصراحه كنت اتمني ان يتكلم معي لو كان جني وانا متاكد انه جني عيونه ليسة مثل باقي القطط عيونه فاتحه لكنك لا تشاهد النور الذي يلمع في داخلها مثل باقي القطط عموما اكمل لاني احب قصص الجن فهم من خلق الله واني احب التأمل والتعلم من خلق الله لعلمك الجني المسلم لا يؤذي ابدا ولا يوجد حاس مال او رصد مسلم كل الارصاد وحراس الاموال من الجن الكفار او العفاريت المرده والشياطين الله يكفينا شرهم |
هلا اخوي ابو فيصل ..
اقتباس:
اقتباس:
اقتباس:
اقتباس:
اقتباس:
وانت ذكرتي بسالفه واحد الحين موجود .. في منطقتنا .. اظن انه مو طبيعي .. يتكلم اكثر من 6 لغات .. بس سالفته ان فيه حمامة جالسه قدام بيته على اسلاك الكهرب اكثر من 7 سنين .. ويطلع له حربا .. واشياء غريبه .. وهو عادي عنده .. وانتظرني راح اكمل لك القصه .. |
اخوي الغالي هاوي
السلام عليكم ورحمة الله وبركاته كيف حالك انشاء الله بخير اتمني لك دوام الصحه والعافيه اكمل القصه بارك الله فيك |
كنت ذات يوم بمزرعتنا و في الغابة دار هجرناها عندما بنينا أخرى جديدة كنت مارا بها ذات يوم أذ بي أرى فوق بابها "حنش" ثعبان صغير و كنت من هواة اللعب بالثعابين فقصدت الدار قصد المسك به رمى بنفسه من فوق الباب ليحتمي بصندوق بلستيك أخذت الصندوق ووضعته جانبا فلمن أجده وجدت سحليت صغيرة سوداء فرت هي الأخرى لتحتمي بصندوق آخر نزعت الصندوق جانبا فلم أجدها بل وجدت بدلها عقربا صفراء ما رأيكم في ذلك وما عسايا أفعل ........ قتلتها و خرجت من الدار أقسم لكم برب العزة انها من كثير من القصص وقعت معي و لربما تتاح الفرصة لسردها ......أبو القعقاع.....
|
أنها قصص عجيبة و غريبة و لا يصدقها العقل لكنها حصلت معي و سأذكر لكم العديدة منها عندما تحين الفرصة......
|
اخوي الغالي ابو القعقاع
السلام عليكم ورحمة الله وبركاته شكرا علي مرورك الطيب واني انا وكل الاخوان ننتظر ما لديك من قصص عن الجن فأتحفنا بما لديك بارك الله فيك وجزاك كل الخير |
اخوي الغالي // هاوي
السلام عليكم ورحمة الله وبركاته من طول الغيبات جاب الغنائم وانشاء الله غنايمك بها الخير الكثير اني وكل الاخوان ننتظر الجزء الثاني والنهايه للقصه الطيفه منك بارك الله فيك ووفقك |
اخوي /// هاوي
اخوي //// ابو القعقاع اني انتظركم وانتظر ما لديكم من قصص عن الجن انتم وكل الاخوان |
عندي قصة بسيطة حدثت قبل حوالي عشر سنين
وجدنا منطقة يشتبه فيها بوجود كنز ولم تكن العلامات ظاهرة ولكن هناك ما يشبه القبور او المدافن الجماعية وكنا اصحاب خبرة قليلة في ذلك الوقت المهم جاءنا صاحب الارض وقال لقد كنت احفر في هذه الحفرة وعندما وصلت لعمق نصف متر خرج نوع من النمل الكبير جدا وبدا التكاثر بصورة عجيبة واعداده بالملايين حيث غطى الحفرة كاملة وبدأ كانه ماء يفيض من كاس ويصب خارجه قال لقد تركنا الحفر وذهبنا المهم تواعدنا للذهاب الى هناك وكنا اربعة المهم انهم سبقوني وكان احدهم يلبس ثوبا ابيض وذهبت بعدهم بنصف ساعة المكان بعيد قليلا وهناك غابة من الاشجار الوقت بعد المغرب بقليل وما زال هناك ضوء قليل المهم لمحت من بعيد شخصا يلبس الابيض ويمشي تحت الشجرة اعتقدت انه صاحبنا توجهت للمنطقة فلم اجد احدا اعتقدت انهم يحاولون عمل مقلب وتخويفي ولكن لم اجد احدا بدات بالنداء عليهم ولكن ما من مجيب الا صوتا يشبه صوت الموسيقى او ربما اصوات بعض الحشرات ياتي من الارض عندما لم اجدهم عدت الى البيت ذهبت الى بيت احدهم فوجدتهم مجتمعين هناك اخبرتهم بالذي حدث وانهم يحاولون عمل مقلب ساذج ولكنهم اقسموا بالله انهم لم يذهبوا الى الموقع وانهم في الطريق غيروا رايهم فجاة وذهبوا الى مكان اخر والسبب انهم لا يعرفون ما هو السبب طبعا في البداية لم اصدقهم واعتبرت ذلك اما خيانة او غدرا مع انهم اقرباء ولا يمكن ان يفعلوها بعد فترة قليلة اخبرني احدهم ولم يكن يعلم شيئا عن الموضوع وكان راعيا للبقر انه كان ذاهبا لاحضار البق خاصتهم هو واثنان من الرعاة الاخرين وعند اقترابهم من الشجرة التي رايت فيها ذلك الشخص اذا بنار تخرج من الشجرة وبدات الشجرة تهتز والنار من اسفلها الى اعلاها كان احدهم ذو قلب قوي جدا والاخران خائفان لايدريان ماذا يفعلان المهم ان الاول مسك حجارة وحاول ان يضرب باتجاه الشجرة فخمدت النار فجاة المهم تابعوا مشوارهم لانهم لابد ان يحضروا بقرهم ........... وحدثني اخر عن منطقة قريبة جدا عليها انه في صغره كان يرعى الغنم وهذا قبل اكثر من خمسين عاما وكانت نساء المنطقة لا تعرف الغاز ولا الكاز كل ما يعرفنه هو الحطب للطبخ والتدفئة كان هذا الراعي مستلقيا تحت شجرة واذا بطفل يخرج له من وراء الشجر وكان الطفل عاريا فقال له الراعي من ان تيا ولد هل اضاعتك امك وكان يعتقد انه ابن احدى النساء اللواتي يجمعن الحطب قال : فتبسم ذلك الطفل واذا اسنانه كلها سوداء وبدأ برمي الحجارة الكبيرة علي التي لا يستطيع حملها حتى الرجال فهرب الراعي وترك الاغنام التي عادت لوحدها |
| الساعة الآن 07:54 PM. |
Powered by vBulletin
Copyright ©2000 - 2026, Jelsoft Enterprises Ltd.
سبحان الله وبحمده :: سبحـان الله العظيم