اخي الكريم بالاضافة الى الحجامة في الاخدعين والكاهل

عليك بافراغ المعدة كل قترة من الزمن يعني كل شهر او اكثر بالملح الانجليزي تقرأ عليه الرقية الشرعية وتكرر سورتي الفلق والناس مع النفث في الخليط.

فالمعدة هي بيت الداء ومستقر الوساوس والشياطين يستغلونها هي والقولون للوصول الى مبتغاهم ولا يستطيعون الا اذا اصابوك بالامساك او الغازات او تهييج القولون

الله يجزاك خير ابي اتواصل معك لاني انا اعاني من مرض الوسواس وابي اسم العشبة اللي تساعد على العلاج باذن الله وايضا لو كان عندك علم في اي موضع للحجامه تفيد لمرضى الوسواس القهري افدني جزاك الله خير

السلام عليكم
انا عندي مشكلة تعبت منها وهي نفسية...انا انسانة اعاني من جهل امي واختي بالتعامل معي
دايما تحبيط واستهزاء مع العلم ان اختي اصغر مني بس عينها قوية ..واللي مشجعها امي
انا انسانة حساسة لأبعد الحدود..خلوني افقد الثقة بالنفس مع العلم انا الله مفضلني عليهم لكن
حسبي الله على جهل العباد ..انطويت على نفسي وركزت ع دراستي..الحمدلله تخرجت بتفوق
بفضل ربي ...واهلي كلهم فشلة ولا احد فيهم تخرج ..جو الناس يباركون لأمي كأنها هي اللي بنتني
مو اللي بس تهدم فيني ...ودايم تقارني مع البنات شفتي شكل فلانة ولاعلانة ياحلاته ...والله ان في ناس ارخص من الرخص ولاتسوى شي خلتني اهابهم اذا قعدت معاهم مع اني افضل منهم من كثر ما تحسسني اني مالي قيمة بالوجود ...دايما في بوجهي علامات خجل واحساس بالنقص من اسلوبها مع اختي الصغيرة
حتى الناس اللي ما تسوى الكلام كله لهم اذا جونا وانا ما انطق بحرف من الحياء تعبت من التحبيط واذا لاحظت ع وجهي خجل حتى لو مافي موقف محرج ..تقولي ليش وجهج فيه وفيه ليش تحسين انج اقل من غيرج ...تعبت نفسيتي لأخر حد ...احس اني عشت عشان اموت ..يشهد الله ان بقلبي حكمة وعلم ولا احد حولي يملكه لكنها دفنته هي وبنتها نفس ما ادفنوني ...اتمنى تفيدوني حتى لو تعطوني رقم شخص اختصاصي ...وانا الان مقبلة ع اول سنة جامعة وتقول لي شلون تعاملين مع الناس وانتي ماتقدرين ....بإختصار تعبت وابي الحل ...لاني فقدت ثقتي وقيمتي بالحياة ...حسبي الله وكفى