|
ارق ثلاثه آيام متواصله هل آموت ؟
السلام عليكم ورحمه الله وبركاااته
انا عندي مشكله اني دااائما اشووف منامات تفسيرها حلوووو ودائما ماافسرها انا اخلي مشااايخ يفسرونها المهم الاحلام هذي ماتتحقق يعني الاشياااء الزينه ماتتحقق ابداا انا والله زهقت من حيااااتي لابعد درجه الفراااغ مسيطر علي .. متخرجه من الجامعه لاوظيفه ولاااازواااج ولاااطلعات ولا شي 24 ساعه جالسه بالبيت لو اقولكم شي مااتصدقووون لي ثلثه آيام مااانمت كل محد شااافني يقووولن وش فيك كااانك وجه وحده مدمنـــــه من قله النوووم والسهر ماايرضى يجيني النوم اشغل الرقيه واستغفر ربي واقراا الاذكااار لكن قلبي عليل وتعرفون النفس البشرررريه تياااس وانا اليااااس تسلل الى قلبي اشوووف الزمن كل يوووم يتغير للي حولي آقول لامي نفسي بجواز سفر نسافر حالنا حال الناس تقولي لعرستي قلت لها امي انا موب عااارسه محد يتقدم قالت اجل مراح تفرحين فيه وانااا جالسه لاجديد اعرف ناااس كثير بييقولون لي روحي دورات وكذااا لكن انا ظروووفي الماااديه مااتسمح اني اضيق على اهلي واروح يررربي تعبااااانه نفسيا جلست ادور حديث يدل ان الانتحار حلال ومالقيت والله تعبت من هالحياااه يقولون غدااا يوم آخر مشرق المصيبه يجي غدا يكون نفس البااارح والبااارح نفس اللي قبله والله ماااكذب عليكم لي 5 شهور على نمط وااااحد حياااتي تمشي اي احد يشووفني يقووولون غديتي نحيفه ووجهك اصفر وانا هلكت اجل وحده عمرها 23 وزنها 42 ؟؟؟؟؟ كان في الخمسينااات بس تدحدرررر انا ماانكر رب العالمين معطيني نعم كثيره مثل نعمه الصحه ونعمه الستر والحمد لله رب العالمين والله احيانا اجلس ابكي لاشعوريااااا امي البارح تقول لخالتي هلكت هالبنت معاد تاكل وربي بكيت بالرغم انها ماااقالت شي يدعي للبكاااء وربي الحين اكتب وابكي نفسي امووووت يمكن ارتااااح واريح الله ياااخذني يااارب ^ اتمنى اللي يدخل يآمن على الدعوه حبيت افضفض يمكن ارتاااح شوووي من جبل الهم اللي كاتم على صدري |
لاااله الا الله ...
استغفري يابنت الناااس فرج ربي قريب.... قومي في الثلث الاخير من الليل وادعي ربك وصيحي واكثر من البكاء عند بابه قولي يارب ترزقني السكينه يارب ترزقني الرجل الصالح... رتبي جدولك لاتخلين لروحك يوم فاضي....اذكري الله كثير....اشغلي روحك بخياطه بطبخ...اي شي اهم شي الدعاء صديقيني ماراح تندمين.. انا وزني قريب لك مره وعمري مثلك بالضبط...واعاني من امراض ونفسيتي مره تعباانه .. احمدي ربك انتي بالف نعمه... ولاتخلين الشيطان يوسوس لك ..الافكار اللي تجيك منه.. قولي اللهم اني اعوذ بك من همزات الشياطين واعوذ بك ربي ان يحضرون.. اقري اذكارك بتمعن...تذكري الجنه قدامك...تذكري كل ماقلتي سبحان الله وبحمده سبحان الله العظيم صارت لك نخله بالجنه... تذكري مهما صار ومهما بيصير دامك دعيتي رب الكون ماراح يخيب رجاك... قوي املك بالله..انتي مؤمنه ارضي بقضاء الله وقدره... لاتخليييييييين لروحك مجال للتفكير.....ولادب اليااس بك...ع طول افتحي المصحف واقري واقري واخشعي صدقيني رحمة الله وسعت كل شي... يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) كوني مع الله يكن معك... لاتايسي الحياة حلوه بطاعة الرحمن... |
لا اضيف لكلام ( ربي اغقر لي )
والاستغفار والصلاة وقراءة سورة البقرة تشفيك إن شاء الله من همومك والله يوفقك ولا تخليين الشيطان يلعب براسك وانا أخوووك ترى اللي يشوف مصيبه غيره تهووون عليه مصيبته |
يااختي انتي ماشاء الله توك صغيره انا ربي اذن لي بالزواج 31
وكنت مثل حالتك متخرجه وجالسه وبس هي بعد عقد القران ايام وشافني زوجي وماكان يشوفني طبيعيه لأني مسحوره وكرهني وتعلقت وتطلقت تخيلي لاتوفيق في زواج ولا في عمل ولا في طلب علم ولا في اتفاق اسري ومرض ووسواس والحمدلله وياربي ترضى علينا احمدي ربك اختي اللي بس نعمة الصحه ماتعادلها كنوز الدنيا ونعمة الطمانينه والسكينه واهم شي الدين والعباده والقرآن والنبي عليه افضل الصلاة والسلام ونعم كثيره احمدي الله واستغفريه وشوفي اللي فيهم نعم ناقصه وشوفي المجانين والايتام وامك بعد اختي اعظم نعمه لا تزعليها يجيها مرض وتخسريها ساعتها بتعضي اصابع الندم انصحك تدخلين دار تحفيظ وتشغلين وقتك بالمفيد واسمعي كلام اللي ذكروا الاعضاء جزاكم الله خيرا |
انا مثلك تماما وبسبب هذا رجعت ادرس ولو ادرس نفسي !!!
وجهي وجه مدمنات او مصابين بسرطان انا استغفر وادعي واتصدق لكن لا التزم بالرقية ! لن تموتي لا تخاافي انا حياتي واقفة وفوقها شكلي وجسدى تمرض من السحر حسبي الله على الساحر الانسي ولجني كفرة |
الله يجزاكم خيررررر
لااملك لكم سوااء الدعاااء والله يخفف عليكم ويشفي الجميع من السحر والحسد |
اختي العزيزة يائسة
ابشري نحن اخواتك واخوانك هنا وفضفضي ستجدين المساندة بإذن الله والاخوان والاخوات لم يقصرو وقالو كلام اكيد خفف عليك الكثير. عزيزتي لما الواحد يشوف هموم الناس تهون عليه همومه وهذا ما حصل معاك اكيد. عزيزتي لن اضيف على ما قيل لانهم كفو ووفو ولكن ادعوا الله ان يفرج عليك وعلينا اجمعين |
انت فكرك ان حياة الناس ماهي روتين زيك بالعكس اغلب الناس يعانون من الروتين انا رغم اني متزوجه يمكن يمر علي اسبوع نفس الروتين لكن احاول اخترع اشياء اصنع تحف واشياء حلوة للبيت خصوصا ان زوجي عسكري في الجنوب يعني مرابط واجلس ليلة كاملة بروحي انا واطفالي اتفرج على التلفزيون وادخل النت واطبخ لنا كل يوم طبخة جديدة اسوي اي شي عشان ما حس بالملل الحياة حلوة كنت دايم طفشانه وماني طايقة الدنيا لكن بعد مامرضت عرفت قيمة الحياة وعرفت اني ضيعت سنين من عمري في هم ونكد وانتي لا تنكدين على نفسك عيشي شبابك ومراهقتك وراح تتزوجين وتعيشين في بيت زوجك وراح تمرين بظروف اصعب من كذا فلازم يكون عندك قوة تحمل وصبر لان كل ضيق يتبعه فرج ولو ضاقت اليوم بكرة بتنفرج
حبيبتي انتي سوي لك جو انت غيري بحياتك لاتكونين مثلي عشان ماتندمين صحيح الحين انا عرفت كيف اعيش احسن من اول لكن بعد فوات الاوان اتمنى لك كل السعادة والراحة النفسية والبدنية |
إنما يأكل الذئب من الغنم القاصية ، أمك أمرأة كبيرة لا تشعر كما تشعرين ، ولا تلام على ذلك ، فعليك بصحبة طيبة ستجدين بإذن الله لن تعدمي ، لا تضعين عوائق ـ المشكلة ليس فحالك بل فيك وانغلاقك على نفسك ، والاستمرار على ذلك لن يخدم إلا الشيطااااااااااااااااااااااااااااااااااااااان . اللهم ألهمها الصبر والرشاد
|
سبحانك اللهم وبحمدك ، أشهد أن لا إله إلا أنت أستغفرك وأتوب إليك
|
اعراضك تدل على اكتئاب لازم تراجعي طبيب نفسي لاتهملي روحكوسجلي بتحفيظ القران
|
الحمد لله رب العالمين ابشركم فرجت علي
الحمد لله رب العالمين مو زواااج ولكن شي ثااااني شكراااااا لكم على كل حرف وكلمه كتبت اتمنى لكم التوفيق بحيااتكم |
ربي يرزقك الزوج الصالح ويديم عليك السعادة وتنفتح لك ابواب الرحمة
|
اللة يوفقك دنيا اخرة دعواتكم لاختنا الكريمة
|
انا مثل حياتك بالظبط واكثربعد
|
السلام عليكم ورحمة الله وبركاتة
اقوول لكي يا اختي لا تحزنى والله وانا بقرا قصتك اكني بتحكي قصتي بالنص الي ان من عليا ربنا وانا بتصفح ع النت قريت عن تجارب قيام الليل بسورة البقرة قولت اعمل بها وفعلا اعملت بهاوقمت بقيام الليل بسورة البقرة وقرا سورة النور والاستغفار عاوزة اقولك والله قعت فترة شهر وشوية ملتزمة ع كدة لحد ما لقيت نفسي ربنا رزقني بشغل ومن الشغل اتقدملي شخص والحال تيسر الحمد لله بس سبحان الله لما لقيت الحياه اتيسرت معايا وسبت سورة البقرة لقتها رجعت اتقفلت تاني قولت لا انا ارجع اقراها تاني و جربي وهتدعيلي وكل شئ بمعاد |
بالعكس في أشياء وايد تقدرين تسوينها وانتي في البيت
أنا أعمل ,,,وما عندي وقت لعمري ,,,هم العمل والعيال ولكن عندك متسع من الوقت لكي تهتمي بنفسك ,,, امشي على حمية غذائية وكثري من الخضروات والفواكه ,,,عشان البشرة والصحة ,, واهتمي بنفسج أكثر يعني سوي ماسكات للوجه والجسم عموما "بتقولي هاي فاضية على الاخر..." بس صدقيني والله أذا اهمتميتي بنفسج أكثر راح اتحسي بتغيير بنفسيتج للأفضل وسوي لج حمامات مهدئة وريحي بالج ... ومن الناحية الدينية ,,,, اقري سورة البقرة يوميا أو كل 3 ايام مرة فأخذها بركة وكثري من الاستغفار ولا تنسي أذكار الصباح والمساء وخصوصا الدعاء التالي "اللهم أني أعوذ بك من الهم والحزن وأعوذ بك من العجر والكسل وأعوذ بك من الجبن والبخل وأعوذ بك من غلبة الدين وقهر الرجال" واسمعي المحاضرات خصوصا للشيخ نبيل العوضي أسلوبه جدا رائع وكذلك المحاضرة "لا تحزن"لعائض القرني ممتازة جدا وراح اتحسين بتغيير واضح في النفسية وقناعة ورضا بم قدره الله لك... وبالنهاية ترا ماحد في الدنيا مرتاح ,,,,والحمد لله أولا واخرا فقد رزقنا وأعطانا ن نعمه الكثير , أنا حاسة في كل كلمة قلتيها واللي نصحتج فيه انما هو نتيجة خبرة طويلة في هذي الحياة,,,,, والنتيجة اللتي توصلت اليها بعد معاناة قاسية ,,,حشا تعبير انشائي ,,, وتقبلي مروري اختي العزيزة |
حبيبتي كيف علاقتك بربك لازم ترضين ولا تتجزعين كيف الصلاة معك تأدينها في وقتها تصدقي كثير يوميا ريال وش المانع تزورين طبيب نفسي موأنتي أول وحده تجيله وبعين الموت الي يتتكلم في الموت مو طبيعى الشخص إسمحيلي الدعاء أهم شي ورقيه شرعيه كتاب أرق نفسك وأهللك بنفسك لتكن أنت الشيخ أنت الراقى دخالد بن عبد الرحمن الجرسي بترتاحين عليه أنا الحمد الله مصابه بعيون
|
السلام عليكم ورحمة الله وبركاته اختي الحبيبه اختي الغاليه يا فتاة الاسلام لما الحزن غاليتي وانتي مسلمه لما الحزن وانت مأجوره في كل احوالك لما الحزن والله ربك ومحمد رسولك!!! انظري اختي الى من هم اقل منك واحمدي الله انظري الى اصحاب الامراض ومن فقدوا الاحباب000انظري الى اهل افريقيا المساكين الذين لا يجدون الماء ولا الطعام والله المستعان 000وانا معاك يا قلبي وحاسه فيك ولكن اصبري واحتسبي واقضي وقتك في ذكر الله وطاعته والله اني متزوجه واتمنى متى اعجز ويكبروا اطفالي عشان اقدر اصلي بخشوع وبدون ازعاج واصوم متى ما احب مو اصوم وانا اطبخلهم ويكون نفسي في الاكل!!! اوصيك يا غاليه بالاستغفاااااااااااار والذكر الكثير وكل ما زاد طفشك اذكري الله اكثر واستشعري ان وقتك لم يذهب سدى بالعكس فانتي تزيدين حسناتك وبها تعلوا درجاتك في الجنه باذن الله ودائما قولي هذا الدعااااااااااء والله العظيم مجرد ما ادعوا به الا وينقلب حالي بدون ما احس (اللهم اني عبدك ابن عبدك ابن امتك ناصيتي بيدك ماضي في حكمك عدل في قضائك اسالك بكل اسم هولك سميت به نفسك اوانزلته في كتابك او علمته احد من خلقك اواستأثرت به في علم الغيب عندك ان تجعل القرآن العظيم ربيع قلبي ونور صدري وجلاء حزني وذهاب همي وغمي) واكثري منه وسترين انك احسن باذن الله 000000000امنياتي لك بالسعاده في الدنيا والآخره اختك في الله |
الله يهديك ويشفيك
|
| الساعة الآن 08:20 AM. |
Powered by vBulletin
Copyright ©2000 - 2026, Jelsoft Enterprises Ltd.
سبحان الله وبحمده :: سبحـان الله العظيم