شوفوا وش حصل لي عند الراقي...حسبي الله ونعم الوكيل
 

مافهمت ليش طلعك برى اول مره اسمع بشئ مثل كذا هذا شكله مو راقي انت برايك ليش طلعك برى يعني سبق وطلع غيرك ولا بس انتي

بعد ماطلعوا الحريم من عنده قالت لي وحده ان هذا اسلوبه مع اي وحده تصيح...


كان في الغرفة ثلاثين حرمه ماشفت ولا وحده تأثرت...يعني انه مايرقي حالات المس والسحر...يرحب بالحلات العادية...

بس المفروض قال لنا العامل الي عنده...مو نضرب مشوووار ونترك اشغالنا وننتظره مده من الوقت وبعدين يطلعنا برا...حسبي الله عليه من اليوم لبكرا ونعم الوكيل

هو شيخ معروف في الرياض...يقرأ بالملز...حتى لو سألتي اي احد هل هو يطلع الي عندهم حالات صرع برا...بيأكدون كلامي

هذا لم يرد لا عن النبي صلى الله عليه و سلم و لا عن الصحابة رضوان الله عليهم و لا عن السلف الصالح.
سبحان الله من اين يأتون بعلمهم.
حاولي تتبيني امره فربما يكون محتال او ما شابه.
اتصلي بالشيخ خالد الحبشي في جدة او باحد تلاميذه وان شاء الله سيتحرون الامر و ستتم معالجتك ان شاء الله

عجيب !!
ليش فاتح عيادة ويقرأ على الناس إذا كان بيهرب !!!!
الراقي يتوقع تأثر المريض بالآيات والمفروض يعرف كيف يتعامل مع مثل هذه الحالات !!
شفاكِ الله وعافاكِ ,,,

وين الحكمة في تصرفه تقول السيدة انه اخرجها في فناء المنزل وجلست وحدها هل هذا من الحكمه انا ذهبت رقية جماعية ورئيت راقي كان يعزل النساء اللاتي يصرعن بطرق هستيريه عن غيرهن في غرفه اخرى فيها مكبرات صوت ويمر عليهن فليس كل من تصرع بطريقة هستيرية يكون من فعل القرين ربما صرعت امراءه واخرجها الى الحوش وحدها وهرب بها الجني الى مكان مجهول دون وعي منها من الحكمه ان يعزل المصابات بحالة هستيريه بغرفه مكيفه وفيها مكبرات صوت هن لم ياتين للتنزه لم ياتين الا ان ضاقت عليهن الدنيا فلماذا هذا التصرف المشين من هذا الراقي والذي اضن والله اعلم ان هدفه مادي او انه يخاف من حالات الصرع ولا اعرف لماذا امتهن هذة المهنه

انا متاكد انه بعد ما طردك الى الحوش ثلث ساعة

بطلت الصياح والشتم والسب صح والا لا؟

انا اول مرة اشوف شيخ كذا الضاهر اعتقد يخاف من الجن
او يمكن انه يخاف من تكشف المرأة امامه من فعل الجني
لانه في بعض نساء اذا انصرعت تتحرك من مكانها وتصارخ وتناقز
والجني الي فيها يجعلها تتكشف امام شيخ انا مرة رحت عند الشيخ
يقرأقراءة جماعيه اذا شاف وحده تبكي او تصارخ من رقيه مايتهرب منها
لا هذا يجي و يوقف امامها ويقرا ويكثر قراءة عليها حتى تستفرغ ويطلع السحر

اهل الرقية....


اسمك بعيد نوعا ما عن ردك!!



اكيد ياذكي بيتوقف الصياح والشتم لان القراءة انقطعت فارتاح المس...



حقيقة اتعجب من بعض الردود الي تنم عن فكر اصحابها!!

حكيم مره وحده!!


كان المروض يقول حطوها بالغرفة الثانيه على اقل تقدير...ثم اذا بدأ بالنفث يمر علي وينفث ...اما طلعوها برا الحوش ويهرب فهاذا جبان ...اجزم انه يخاف من الجن...


الراقي الحكيم في هاذي المسأله هو الراقي الي يهدد المس ويقول لو صرخت فسوف احرقك بالايات...مو يعذب المريضة الضعيفه الي لاحول لها ولا قوة...لكن مااقول الا الله يعامله بما هو اهله..

ام ياسمين...اريام ...الله يرفع قدركم ويجزاكم خير على ردودكم الطيبه...ممكن تدلوني على الرقاة الي رحتوا لهم ولكم مني دعوة بظهر الغيب...لان ظروفي ماتسمح لي يكون معي محرم على طول...عشان كذا رحت لهالراقي لاول مره وياليتي مارحت.

ابو سليمان جزاك الله خير...من المؤسف ان اقولك انه يشغل بهيئة الامر بالمعروف والنهي عن المنكر...وامام مسجد والله المستعان...

ذهب حسن الخلق بخيري الدنيا والاخره!

لحن الغربة جزاك الله خير ع الدعاء

أنت راقي ولديك خبرة وتجارب في هذا المجال ,,
من خلال معلوماتي البسيطة أوليس من المفروض أن يضغط الراقي أكثر ويستمر في القراءة والنفث ويواصل الرقية حتى يخرج الجني الخبيث ,,


لأنه توقف عن القراءة ,,

اسفه انا مو في الرياض ولا اعرف رقاه هناك

الراقي مش موجود في الرياض
موجود في دمام اذا كنتي تبين تروحين له

بارك الله فيكم الاولى والافضل والاكمل ان تسالو الراقي عن السبب قبل الكلام فيه حتى لا تظلموا احدا ولا داعي للتجريح في الردود
فادا ظهر السبب بطل العجب

الله يسترنا و يشفيكي اختي

الاخت كاتبت الموضوع
عندي سؤال
الرقاه هم من اهل الحسبه نحسبهم كذلك وسؤالي :
ماذا كنتي تلبسين ؟
فقد تكونين لم تلبسي جوارب ولابنطال طويل وشراب لستر العورة
الاولى انه راقي يتحمل الحالات ولكن نلتمس له العذر
واذا انتي من ساكنات الرياض
خذي هذا العنوان بارك الله فيك
طريق الخرج القديم
حي اسكان طريق الخرج رقم 2
اسألي عن الشيخ محمد الشهري ((ابوعبدالرحمن))
راقي لوجه الله لايأخذشيئا
بعد المغرب للحالات التي ليس فيها صياح والاطفال والعجائز
ومن بعدصلاة العشاء للحالات الصعبة جدا مثل حالتك
يقرأمن يوم السبت الى يوم الثلاثاء جزاه الله خير
شروط دخل المرأة الى المقرأه صارمه جدا
لبس عبائه واسعه
وجوارب وشراب وبنطال اسودطويل الى الكعبين
وغطوه للوجه دبل وليس برقع وهناك حارسه تمنع دخول اي مخالفه
اذااردتي الذهاب فلكي ذلك
ومن باب اولى رقيتك نفسك هي الاولى
وحاولي مسك نفسك وانا اعرف ان ذلك صعب ولكن حاولي

انا ماطلعت من عنده حتى سألته ...ليش يحسب الناس بهائم مالهم مشاعر؟


قلت له ياشيخ اتق الله ليش تطلعني برا وانا اصرع؟؟


قام تلفت يمين ويسار وحوله الحريم وقال بميوعه انا طلعتك برا؟؟ ويسألهم انا طلعتها برا؟؟


حاولت الاقي منه جواب مايرد...وكل شوي يدخل غرفه ثانيه عشان يتهرب من الاجابه...



وبالنسبه لصراخ المس والتشنج فهاذي الحاله تجيني في البدايه عند الرقاة الضعفاء لان المس حريص على قطع القراءه لكن الراقي الذكي هو الي يعرف كيف يسكته مو يهرب!!


وانا رحت له اول جلسه مع زوجي كانت قراءه خاصه...ماعرف يشخص حالتي قال جيب واحد من اولادها نقرا عليه وراح تشفى امه ...الحين وش دخل ولدي بمرضي؟!


وغبت سنه كنت اروح لراقي ثاني وبعد سنه سألنا هاذا الي يطرد المرضى عن القراءه الخاصه قال مافيه الا قراءه عامه فاضطريت اروح لاسباب خاصه..والحمد لله اني ماشفت خير منه عساه خير لي ورحمة..


وحقيقة ماشفت معه محرم وهو داخل يقرا على النساء..دخل لوحده...وبعد القراءه جلس معهم يسولف بحجة اسألوني وانا اجاوب...اجل وش خلا لخلوة الاسواق؟!!

الله يحاسبك على كلمتك هاذي...انا امراه ملتزمه ولله الحمد والشكر.. وكنت قبل المرض داعية معروفه في المدارس والدور...وانا مجتهده برقية نفسي وصلتي عظيمة بالله لكن المارد المتلبس اقوى مني فااحتاج لدعم.. وكنت ارقي زميلاتي قبل سنين من المرض..وكنت اصبر على مريضهم واراعي حالتهم النفسيه...عشان كذا انا مستغربه من تصرف رجل يدعي الدين امام الناس ولا يصبر على مساعدة المرضى..اهم شئ طلعوها ويريح دماغه!!
بعدين انا من سنين رحت لرقاة كثير..وما عمر راقي قال لزوجي ترا زوجتك تتكشف خلها تتستر...لاني احرص منهم جميعا..وما خلاني اروح من راقي لراقي الا من حركات التحرش الي شفتها من بعض الرقاة...المشكله رحت اشتكيهم للهئيه وطلعوا رقاة الهيئه ازفت منهم

تتكلمين من فراغ...ومن الصحه والعافيه الي انتي فيها...تخيلي عندك صداع شديد وسخونه ودوخه ويجي واحد يطلعك الحوش في هذا الجو الحار المغبر..ثلث ساعه..وحوش ملي بالوساخ والوزغ..


ناس فعلا ماعندها احساس...


!!كل الي فعله انه طلعك في الحوش!!...


من عير اخاه بذنب لم يمت حتى يفعله...وانا اقول اذا تشوفين اني افتريت عليه فما راح تموتين حتى يجيك اليوم الي يسلط الله عليك مثل هاذا الشخص المتجبر..ووقتها تذكري حالتي.

هذا يدل على أنه راقى غير شرعى مبتذ للمرضى هدفه مادى

بسم الله الرحمن الرحيم
كان عليه أن يرد بوضوح وينفى أنه أخرجك ويثبت لك قوله بل ويطيب خاطرك لأن المرض مضيق عليك
أما أن يرد عليك بإستفهام وإستنكار ويكتفى بذلك يعنى أنه غير صادق


الحمد لله على إلتزامك
الذى فهمته أن الأخ يبحث عن سبب إخراجك من قبل الراقى وقال لك ذلك من باب التوقع
وهو مأجور إن شاء الله على إخبارك بالراقى الشرعى الذى فى طريق الخرج القديم

اختي ام مجووود وسعي صدرك كلنا مرضى وحاسين فيك انا مثلا لي 3 سنوات ونص اعاني حالة نفسية صعبة ولاتبين معي شي مع الرقية ولا اتاثر وصرت مثل المجنونه من كثرة التفكير حتى العلاج النفسي اخذته وعانيت مع الاطباء ومع الرقاة وكلنا عانينا بسبب بعض الرقاة الجاهلين وابسط شي تسوينه غيريه براقي ثاني يكون معروف ويخاف الله ويتقيه ولو تقدرين ارقي نفسك او زوجك يرقيك ترى العلاج بيكون اقوى في هالحالة وتستفيدي من الناحيتين اجر وشفاء باذن الله
ربي يعجل بالفرج لي ولك ولجميع اخواننا المسلمين

اختي بارك الله فيك حاولي ان تغيري الراقي وابحتي عن اخر يكون معروفا لدا الخاصة والعامة واهم شيئ يكون معروفا لذا الرقاة المعروفين بالامامة في الصلاة اسال الله ان يعافيك فقد يكون الراقي من النوع الذي لا يستطيع ان يرقي الحالات الصعبة خصوصا وان الرقية تكون جماعية وهذا من اكبر المفاسد لهذا النوع من الرقية الافضل ان تبحتي عن راقي يرقيك رقية فردية والا فرقية نفسك اولى ويجب على زوجك ان يتعلم كيف يرقيك فالامر يسير بادن الله

السلام عليكم
اختي ام مجود
انتي تقولين ايشتم الجني وا تشنج
هل انتي تحسين بنفسك او انتي مغيبه عن الوعي!!؟؟

حسبي الله عليه

اكثر الرقاه استغلاليين

ما عليهم من المريض وحالته

اهم شي عندهم الفلوس والتحرش بالنساء

الواحد قبل يروح لرقاه يفكر مليون مره

وأحسن شي ماتروحين لاحد

لان شفائك مؤ بيديهم

وحتى قراتهم يمكن ماتصير بنيه شفاء المرضى

فما احد يستفيد منهم

الله يشفيك ويفرج عنك مااهمك

الله يشفيكي ويفرج همك بأيسر الأسباب
الله يعافيكي مما ابتلاكي ويغنيك عن الناس
وحسبنا الله ونعم الوكيل للأسف بعض الرقاه يعتدي على المريض بجهله ويحسبه أمر هين
هي مسؤليه للراقي قبل تكون قدره وقوة ورقيه فلا بد ان يراعي الذمه في المريض وخصوصيته
كلنا نعاني الامرين فلاتحزنين

نسال الله العفو والعافية

اختى ما حدث لك ما هو الا ابتلاء .. اتقى الله فى كلامك مع اخواتك فأرى انك تزيدى ف الكلام السىء وهذا لا يصح لاخت ملتزمه مثلك و اقول لك الحمد لله ان ما حدث فقط هو طردك وانتى ذهبتى بمفردك له فأحمدى الله كثيرا
وارقى نفسك ولا ترقى اخواتك مره اخرى لان والله اعلم ما حدث لك هو بسبب ذلك وتسلط عليك الجن وانت الان لا تجدى لنفسك مفر فمن الاولى لا تساعدى احد فى هذا الباب بل فقط انصحيهم ببرامج علاجى و من الاصل المفروض انه بلاء ابتلاه الله للعبد فيجب عليه هو فقط ان يطلب من الله العون ولا يطلب من غيره وان الرقاه يفتنون بالنساء ويجب عليهم عدم رقيتهم وانا اجد ان الراقى والله لا يستطيع فعل شىء مدام المريض ضعيف اصلا لا يتوكل على الله حق توكله ويتوكل على شخص مخلوق ضعيف فكيف يشفى مثلا

اختى تأكدى انك لست مريضه لا نفسيا ولا روحيا وحاولى تشوفى المشكله اين وتتبعيها ولا تعلقى الامر على امراض ممكن تكون اشياء حياتيه طبيعيه تحتاج منك التعقل واتخاذ القرار السليم استعينى بالله واطلبى منه العون

الحمد لله تم القبض عليه ومنعه من الرقية نهائيا.

الاخت مون لايت...اتقي الله ...انا ماقلت كلام سؤ لايجوز ان تتهميني ظلما...
انا نبهتها انها لاتتكلم من فراغ حتى تخوض التجربه!
وارجو ياختي الا تنصحي الناس بهذا الاسلوب...فالنصيحه بالحسنى مو بهذا الاسلوب.

الله يشفيك

اما مسالة هروب الراقي عنك ..الجن اللي فيك يضرب الراقي فاكيييد راح يهرب عنك هههههههههه

اختي moon
اللي عندي فعلا مرض وليس اشياء حياتيه طبيعيه لان كل شئ صار فجاءة وغير حالي الى الاسواء يعني ما اشعر به ليس بسبب ضروف اعيشها لان حياتي الحمدلله خاليه من المشاكل والمرض استيقظت من النوم ووجدت نفسي مريضه من بعد عافيه

الله المستعان