دار الرقية الشرعية - ماابي عيالي كان انا مت يبكون

[align=center]

ماابي عيالي كان انا مت يبكون

ان مت مانيب اول اللي يموتـون

مات النبي قبلي وكل الصحابـه

والموت حق وللمخاليق مسنـون

ولابد من قبر ٍ يواسـى ترابـه

ولابد من يوم ٍ عليـه يصلـون

ويقـال ياربـي تعظّـم ثوابـه

واليوم في الدنيا وباكر يقولـون

فهدالمفـرج مـات لاواسفـابـه

يقوله الغالي ومن لـي يحبـون

والا الردي ماهمني وش حكابـه

والرابح اللي له هل الخير يدعون

والخاسر اللي راح عمره نهابـه

ماابي عيالي كان انا مت يبكون

من مات راح وعند ربي حسابه

ولاجوك يامشهور ربعي يعزون

ماابي عليك آثار حـزن وكآبـه

:tears:

للشاعر فهد المفرج التميمي -- أبو مشهور

[/align]