|
افراح.....لكن....اسلامية
بسم الله الرحمن الرحيم
الموضوع دة فى بالى من زمان اتناقشت فية مع ناس كتير... وهو موضوع الافراح الاسلامية..... ناس كتير اوى مش مقتنعة ابدا بحكاية الافراح الاسلامية...وشايفين ان دة مش فرح دة نكد على حد تعبير واحدة من الناس اللى اتكلمت معاهم... وناس تانيين شايفين ان الافراح الاسلامية حلوة بس عيبها ان الستات بتبقى فى ناحية والرجالة فى ناحية...بيقولوا يعنى اية اب وام واولاد يدخلوا فرح هو يقعد فى ناحية وهما فى ناحية ... وناس تانية شايفة ان اية المشكلة فى الاختلاط ؟ ما الاختلاط فى كل مكان ...فى الشارع والمدرسة والشغل والجامعة ...فيبقى ملوش معنى اننا ننفصل فى الفرح...عادى يعنى!!! وناس تانية شايفة ان الفرح بفرق موسيقية كاملة احسن بكثير من الدف بس... دى متطلبات العصر!!! الحقيقة اننا خلاص اتعودنا على الاختلاط بشكل غير عادى لانة موجود فى كل مكان بالفعل...لدرجة اننا نسينا انة حرام. كفاية انة ميتقلش فى الغنا اى كلام فية معانى فاسدة ومفسدة ...ودة على عكس الافراح الاسلامية اللى بيبقى المنشدين فيها كلهم ملتزمين اخلاقيا ودينيا مش قبل ما ييجى شارب خمور ومخدرات عشان يعرف يغنى... يا جماعة لية فية ناس لسة مش قادرة تفهم ان الدين حاكمنا فى كل تصرفتنا فى احزانا وافراحنا فى مناسبتنا كلها... ربنا علمنا ازاى نحتفل فى كل مناسبتنا فى الافراح والاعياد... كل حاجة فى دينا محددة وليها طريقة تتعمل بيها مش اى حاجة وخلاص... الدين منهج حياة كاملة مش صلاة وصوم وبس ... اللى بيقولو الاختلاط فى كل مكان ..هوة اة فى كل مكان بس احنا اللى بنعملة وفى ادينا نتلافاة ..مثلا يوم فرحك انتى اللى مجمعة الناس دول عندك يعنى لو كان اختلاط وخلطبيتة يبقى مين اللى هيتحاسب ؟؟؟انتى طبعا ... يعنى يبقى الاختلاط فى كل حتة وانتى بالذات تاخدى الوزر لية؟؟؟لية تعملى فى نفسك كدة ؟؟؟ ودايما نلاقى فى الجرايد تريقة على الافراح الاسلامية ..يقولولك كل حاجة فيها اسلامية ومش اسلامية؟؟؟ والله هوة دة الاسلام ...بيتدخل فى كل حاجة فى حياة المسلم ...فى ولادتة وازاى يحتفل الاب والام بية وفى كل حياتة حتى فى العزاء والمأتم ...اللى عايز يقبلة كلة على بعضة كدة يقبلة ...مش يمشى على سطر ويسيب سطر... والناس اللى بتقول الفرح الاسلامى مفيهوش فرفشة ... والله اذا كانت الفرفشة فى الاختلاط والغناء الهابط ورقص الستات مع الرجالة ..مش عاوزينها وبناقصها خالص!!! انا مقصدش ان الفرح الاسلامى دة اهم حاجة فى الدين لكنة جزء مهم منة لانة بيدل على اننا مش بنفتكر ربنا فى الحزن بس لكن فى الفرح كمان ... دينا كدة داخل فى كل حاجة والا مكنش الرسول قال لما نصحى من النوم نقول اية ...وقبل ما ننام ...وقبل ما ندخل الحمام ...وعند الصعود والهبوط من المنزل ...والخوف...والضيق...وارتداء الملابس الجديدة...و...و...و,...و...... احنا دينا كدة داخل فى كل حياتنا مبيفرقناش لحظة ... اتمنى ان رسالتى تكون وصلت واتمنى ايضا ان اقرأ تعليقاتكم عليها ...واللى هيسعدنى اكتر لو بعتلى ناس عملوا افراحهم اسلامية .... اطلب من الله الهداية لية ولكم ....والسلام عليكم ورحمة الله وبركاتة |
شكرا لك ...فعلا الموضوع يستحق اعدة النظر فهو جد مهم لان في الاختلاط تقع معصيات....فقد كنت احضر اعراس وكان هناك اختلاط...وهناك من يتعارف على الاخر هناك والاغرب هو ان النساء ترتدي احسن ما لديها لتخرج الى الزفاف ولا ترتديه لزوجها و...و...و...بل قد تنشأ علاقات غير شرعية والسبب فيها زفاف فلان او فلانة...
ونطلب من الله ان يلهمنا الصواب ويجنبنا الفواحش ما ظهلر منها وما بطن... اخوكم في الله صقر الاطلس |
[align=center]السلام عليكم ورحمة الله وبركاته
• مما لا يخفى علينا ونراه رأى العين أن كثيرا من الناس قد ابتعد عن المنهج الشرعى فى الأفراح وراحوا يتابعون غير المسلمين فى أفراحهم فأخذوا منهم ما يصطدم صراحة مع شريعتنا الغراء التى هى خير الشرائع ويصطدم كذلك مع قيمنا وأخلاقنا الإسلامية. - والأمر كما قال النبى صلى الله عليه وسلم كما عند البخارى ومسلم" "لتتبعن سنن من كان قبلكم حذو القذة بالقذة حتى لو دخلوا حجر ضب لدخلتموه. قالوا يا رسول الله: اليهود والنصارى؟ قال : فمن؟" - وفى رواية عند البخارى وأحمد "لا تقوم الساعة حتى تأخذ أمتى مأخذ القرون شبراً بشبر وذراعاً بذراع. فقيل: يا رسول الله كفارس والروم؟ قال: ومن الناس إلا أولئك". • فتجد فى أفراحنا الآن ما يُندى له الجبين ويُخجل كل شريف ويُؤلم كل حى فلقد اصبحت أفراحنا سوقاً للفسوق والعصيان ومرتعاً لإراقة الحياء وهتك الحجاب. - أخرج ابن ماجة وصححه الألبانى من حديث زيد بن طلحة أن النبى صلى الله عليه وسلم قال: "أن لكل دين خلق وخلق الإسلام الحياء". • ولما كان الاسلام أشرف الرسالات أعطاه الله أسمى الأخلاق وأشرفها ألا وهو خلق الحياء. فإذا انسلخ الناس من الحياء فلا عجب أن ترى ما تراه الآن فى أفراحنا وفى غيرها من تبرج وسفور وعُرىّ وسماع للمعازف واختلاط وغير ذلك من المعاصى التى يحارب بها رب الأرض والسماء ولا حول ولا قوة إلا بالله ويسمون هذا فرح. أهو فرح بمعصية الله!!! - ولهذا قال العلماء: "أن الدعوة إذا كان فيها منكر فإنها لا تجاب". - وقال الأوزاعى رحمه الله: "لا تدخل وليمة فيها طبل ومِعْزاف". - وكذلك نص الأئمة فى كتبهم المعتبرة على أنه لا يجوز إجابة وليمة فيها منكر. ونسأل الله عز وجل أن يصلح أحوال المسلمين وأن يكفينا شر المفسدين ونسأله تعالى أن يبارك لكل زوجين وأن يجمع بين قلبيهما بخير . بارك الله فيك اخيتي ولا حرمك الله الأجر والثواب على ماسعيت إليه[/align] |
| الساعة الآن 09:39 PM. |
Powered by vBulletin
Copyright ©2000 - 2026, Jelsoft Enterprises Ltd.
سبحان الله وبحمده :: سبحـان الله العظيم