انا واختي والرقيه ارجو ارشادي
 

[align=center]السلام عليكم ورحمة الله وبركاته ..اول شي احب اشكركم على كل ماتقدمونه فالمنتدى الرائع والله يجزاكم خير ... وثاني شي حبيت اقولكم اعراض حصلت لي ولاختي بعد الرقيه وياليت القى لها تفسير لاني بجد بديت اخاف على اختي لان انا الي اعطيتها الرقيه المسموعه وعطيتها نصايح تسويها واخاف اني تسبب لها بشي ياذيها اختي غير متزوجه امور الزواج عندها متعطله وانا متزوجه ولي 9 سنوات مارزقت بااطفال ... اول شي اول ماسمعت الرقيه حست بصداع فضيع لمدة كم يوم وخف ودوخه غريبه وحكه وكدمات بعدها بفتره طلع لها زي المخوش في يدها كن احد ممخشها وحسب كلامها نامت وقامت لقتها وفزع يعني تجيها حالات هلع تقول مره كنت اصلي الظهر بغيت اقطع الصلاه واروح لامي حست بخوف غريب والاعراض هذي خفت الحين بس جاها الم في اسفل الظهر منطقة الحوض الم شديد قعد معها كم يوم وخف شوي وهبوط حتى وهي نايمه حسب وصفها تحس انها تنزل من مكان عالي مدري كيف اوصفه بس هبوط حسب كلامها واحلام بثنتين من معارفنا من يوم بدت الرقيه وتشوفهم فالحلم وحده تعبانه والثانيه متضايقه وفي واحد من الاحلام المراه التعبانه هذي عطتها ارنب طبعا حلم طويل .. وفي حلم ثاني طويل لقت في فراشها جراده وقبل لااعطيها الرقيه هي تسمع سورة البقره وشافت فيل يخوفها ويحاول يتهجم عليها وتحلم بالاسد بس مايسوي لها شي هي ماشاء الله محافظه على الصلاه والاذكار والاستغفار وكل الادعيه من سنين والحين لنا انا وهي شهر على الرقيه انا حسيت بصداع ودوخه وحكه فالبدايه يمكن اول اسبوع او عشره ايام بعدين عادي بس احس زي كني في ظغط جوي اول مااسمع الرقيه مازال هذا الشي معي وجبت زيت مقري فيه ومويه من الشيخ سدحان ثاني يوم حلمت بحرمه تقولي انتي وزوجك فيكم سحر مرشوش ومشروب في رمضان واكثر من متااذي زوجك ..الرقيه الي نسمعها رقية الشيخ السدحان ونسمع البقره انا واختي يوميا بس انا لي اسبوع اتكاسل الله يهديني .. واخذت من عطار الطبيعه التابع لمنتداكم خلطة الرومي وبخور فيه اشيا واجد ولااستخدمته للحين كل يوم ااجل مدري ليه ...هذا الي حصل لي انا واختي ليت احد يفيدنا وبذات بنسبه لاختي وهل فيه اضافات نسويها مع الرقيه ياليت ترشدوني وااكون شاكره لكم والله يجزاكم خير[/align]

حياكم الله اختنا الفاضلة نسأل الله لكم الشفاء عاجلاً غير أزرا

يراودني سؤالا وهو لماذا التردد وتاجيل التبخر بالبخور هذا طالما حصلتي على الخلطة

ياختي اعلمي ان غيرك يتمنى لو كان ساكنا في الرياض ليتمكن من الحصول على الخلطة وانتي يوم الله يسر لك وحصلتي عليها طاوعتي الخبيث يثنيك عارفة ليش لانه طبيعي سوف يتأذى

ياختي لاتجعلي الخبيث يثنيك عن الاستخدام العلاجات والرقية

أرجوا مراجعة العطار مرة اخرى ليتم تزويدكم بحلتيت والذي اجدة قد يفيدك كثيرا وخلطات اخرى

هذا هو الكلام الصحيح ...

الشيطان متضايق من الرقية ومن الخلطة

الله الله بالاستمرار وان شاء الله انكم على خير

واوصي اختك بخلطة الرومي اللي اخذتوها من عطار الطبيعة والله يوفقكم

شاكره مروركم ونصايحكم اخ متعب والاخ سهيل... صدقني ياشيخ متعب انا قد جربت هالخلطه مرتين قبل كذا اول مره بعد زوجي بفتره بسيطه واخرها من سنتين اول ماتكلمت الخبيثه الي في زوجي والبخور انا استخدم الشذاب تبخر وشرب اول مااشربه احس بكتمه بس الحمدلله استمريت فتره بس وقد جربت سبع ورقات سدر مدقوقه وكلها جربتها انا وزوجي .. بس الحين اعوذ بالله ماني قادره كل يوم ااجل مدري وش السبب مع ان الى فتره قريبه يمكن قبل الرقيه وانا اتبخر بالشذاب واحيان قسط هندي وااكل القسط الهندي وااكل الحلتيت واحيان اتبخر فيه يعني كل شي عندي الحمدلله وكل شي مستمره فيه وغير كذا قد رشيت البيت بمويه مقري فيها وملح وافكر اسويها ثاني مره الحين ماعندي مشاكل بس الحين متكاسله مدري من البرد ولا بجد قدر يسيطر علي :( ماابي اوهم نفسي لاني الحمدلله اشد على نفسي وزوجي وانا الي ادور العلاج واجبر زوجي عليه فالاخير يقدر علي الخبيث لا ان شالله الله يهديكم خليتوني اوسوس :( والحمدلله سورة البقره شبه يوميا مشغله في بيتي ان شالله ان شالله بحول الله وقوته ببدى اليوم بالخلطه والبخور .

وعليكم السلام ورحمة الله وبركاته

ياختي استخدام الشذاب بمفردة لا يسمى خلطة

والاشياء التي ذكرتيها ليست بشي مقارنه بعلاجات قد نصفها لك

والخلطة لما تكون مجموعة اعشاب مثل التي حصلتي عليها


دعي عنك وساوس الشيطان واستخدمي البخور التي حصلتي عليها من العطار وسترين تحسن بأذن الله
كما انصحك بمراجعتي في العطار لتزويدك علاجات قد تفيدك بطريقتي انا

الله يجزاك خير ياشيخ متعب ... ابشرك اليوم سويت الخلطه حقت الرومي وتبخرت فالبخور الي اخذته من عطاركم يالله لك الحمد مابغينا ... زوجي كل يوم يقول طيب الحين اتغدى ونصلي ونتغسل مدري الا الرجال نام وكنت انقهر لان ودي ابدى معه .. اليوم تحلفت فيه لو مابغى يتغسل ولايتبخر بروشه فالسرير علي وعلى اعدائي :( والحمدلله الله هداه ... واليوم الاول .. حبيت اقولك اني مااستخدمت الخلطه على الراس لاني قريت انها ماينغسل فيها الراس هل صحيح؟ ... والبخور على طوول بعد الخلطه تكفي مره ولااستخدمه اكثر من مره فاليوم؟ وعندي اقتراح لكم بنسبه للبخور ليه ماينطحن لاني لقيت فيه احجار كبيره مدري وش بسوي فيها ؟ ... والي حسيت فيه وانا اتغسل حسيت بثقل على كتوفي وانا اتغسل والم بسيط اسفل الظهر بس بشكل عام ارتياح الحمدلله قاعده اسمع الرقيه الحين والله ينفع بها وينفع بكم والله يجزاكم خير وراح اعطيكم اخباري اول باول ان شالله .. دعواتكم