|
ابغى مساعدتكم ومشورتكم ضروووووري
بسم الله الرحمن الرحيم اول شي السلام عليكم ورحمه الله وبركاته الصراحه انا لي شهر اتصفح منتداكم الرائع ولي فتره مسجله ودائما ما ادخل هالقسم اقرا مواضيعكم ومشكلاتكم ومشوراتكم وهذا الشي شجعني اني اكتب مشكلتي هنا وان شاء الله القى عندكم الحل اللي يريحني من تعب السنين البدايه كانت من قبل 14 سنه تقريبا في البدايه كانت حياتنا بسيطه وحلوه وتربط اسرتي محبه وتفاهم اقدر اقول اننا انحسدنا عليها طبعا احنا كلنا بنات المشكله بدات بعد زواج اكبر خواتي انا كنت وقتها لسى بالابتدائيه بعد زواج اختي سافرنا كلنا بيت عمتي طبعا هي عايشه مع ولدها وعياله المهم كانت اخر سفره لنا لانه الاسواء في حياتي لان التغير اللي صار علينا وقتها كان غرييييييب فجأه واحنا ببيت عمتي ابوي تغير على امي 180 درجه وهذا اللي لاحظته واحنا راجعين من السفر ان ابوي كان معصب على امي بشكل مو طبيعي ابدا حتى لون وجهه كان احمرمن كثر التعصيب يعني باختصار حاله ماعمري شفت ابوي عليها وصلنا البيت وابوي على نفس حالته واستمرت الحاله لفتره طويله وبعد هالفتره جات الصدمه القويه ابوي يشكك في امي وفينا اننا بغيابه ندخل احد عالبيت امي وقتها عصبت كثير وردت عليه لكن لاحياة لمن تنادي استمر ابوي في شكه لدرجه انه صار يعتدي على امي بالضرب ولما يكون طالع من البيت يقفل الباب بقفل ومع مرور السنين ياليت الوضع تظور الا زاد سوء وصار ابوي يشك فينا ويقول اننا نبغى نموته واننا نحط له شي بالاكل وصار كل ما اكل شي يقعد يقول ان بطنه يوجعه ويروح يسوي تحاليل بالمستشفى لكن كل مره ماتطلع اي نتيجه غير انهم يقولون له مره قولون ومره الام المعده المعروفه احنا لجأنا لولد عمتي عشان يساعدنا فجا هو ومعاه مويه قال اعطوه يشرب منها لانها مقروء عليها وكان معاه ورقه مكتوب فيها اسم امي وابوي ومعاهم الظاهر انها اسماء جن والعياذ بالله وكان يطلب من اختي تنسخ الورقه عدة مررات ةتحرقها بالنار والله احنا وقتها فرحنا وحسبناه حل لانه قال جابه من عند شيخ لكن للاسف الظاهر انه انضحك علينا وتمرالايام والحال على ماهو عليه الين وصلنا ليوم كان يوم اسود راح ابوي يصلي العشا ولما رجع دخل البيت وهو معصب وقال امكم طالق بالثلاث وقتها انهارت اختي الكبيره وياليت ابوي حس الا كان ناوي يضربها والله انا قاعده احاول اختصر القصه عشان ما اطول عليكم لانها مرره طووييييييله المهم احنا رفضنا خروج امي من البيت لان بصراحه مالها احد تروح له سكت ابوي وما قال شي لكنه مصمم على تصرفاته اللي ذكرتها فوق وفاجأنا مره بيوم جمعه كان راجع من الصلا ومعاه الشرطه دخلهم للبيت يقولهم ادخلوا فتشوا تراهم يدخلون واحد بغيابي لكن الشرطه لما دخلوا اختي كانت تتكلم معاهم من ورى الباب واحنا كلنا منهارين بكى وصدمه الشرطه كانهم فهموا الموضوع فقالوا خلاص انتوا لازم تصبرون عليه يعني هم فهمو ان ابوي مصاب بمرض الشك زي ماكان في بالنا بس الظاهر احساسنا كان غلط لان ابوي بعد فتره صار ينادينا عنده بالغرفه ويقول انه يشوف طير قاعد يطير فوق الباب ويقول شوفوه احنا كنا نقوله لايتهيأ لك فيعصب علينا ويطردنا واحيان يقول انه يشوف رجال فوق راسه شجره اويشوف الغرفه مليانه شجر او نار وصار ابوي كل ماتقدم لخواتي عريس يرفضه وبعدين لما يطير العريس يقول لا هذي امكم السبب هي مابتزوجكم وبعدين فجاه صار العرسان مايجون نهائي او اللي يجي يكلم ابوي وياخذ موعد وماعاد يجي ومع مرور الايام والسنين هداء ابوي عننا شوي لكن الوضع ماتحسن ببيتنا ابد كثرة المشاكل بين خواتي وصار الكل يعصب على اسخف كلمه وتعسرت علينا دراستنا كنا طول عمرنا مانرسب وخصوصا انا لقيت نفسي فجاة ارسب واعيد سنه لكن صبرت واجبرت نفسي الى ان تخرجت من الثانويه وسجلت بالكليه فصل دراسي واحد سحبت لاني حسيت نفسي مخنوقه ومو قادره ادرس حتى اختي اللي اصغر مني انقطعت وهي لسى بالثانويه والثانيه سحبت من الجامعه ووالله الحاله ماتسر بتقولون ايش اللي خلاني اكتب الموضوع بعد هالسنوات كلها ورح اقول ليش لاني الان وبعد الضغط اللي واجهته شوي فكرت بحياتنا كلها وبدات ادور حل بس انا موعارفه اللي ببيتنا سحر والا عين والا الاثنين سوا اقول ان اللي عطانا ولد عمتي سحر وكمان ابوي له سنوات طويله يراجع المستشفيات ومالقي سبب لاالام بطنه المستمره بس اشوف احوال بيتنا اقول لاشكلها عين طبعا لاسباب وهي كثرة المشاكل بيننا وكمان الاقي ببيتنا حشرات غريبه ونمل كثير بدون داعي ارجوكم ارشدوني وساعدوني الا قي حل واتمنى تدعولي ان الله يفرج كربتي اعذروني مو عارفه كيف اطرح المشكله لاني اول مره اكتب اضافه,, انا لما تناقشت مع اخواتي بالموضوع لقيت ماعندهم استعداد لحل اي مشكله من مشاكلنا ياريت انتوا تساعدوني |
السلام عليك أختاه لقد تأثرت لوضعك وأهلك كثيرا و أسأل الله الكريم رب العرش العظيم أن يصلح أحوالنا و أحوالكم و جميع المسلمين آمين انه ولي ذلك و القادر عليه
نصيحتي لك أخيتي الإلتزام بشرع الله واقامة الصلاة في وقتها والتزام الحجاب الشرعي مع كثثثثثثثثرة السجود والدعاء و لا تفتري عن ذلك فان الله يجيب دعوة المظطر اذادعاه و يكشف السوء أما عن الأهل فحاولي اخلاء البيت من التماثيل و الصور ان وجدت و عليك بسورة البقرة داومي قراءتها في البيت جهرا و في الماء الخاص للشرب لكل العائلة و ان شاء الله ييسر الله الأمر هذا ما لدي أختاه ولكي علينا أن ندعو الله لك و لجميع المسلمين بالفرج و السلام عليكم |
باينة سحر من حرق الورقة التي عليها اسم امك وابيكي والله اعلم
اما الحسد قد يكون مع السحر لان هناك ناس محسودين ومسحورين بان واحد اختاري راقي وياريت قريب من موقعك وهو سوف يخبرك بما يتوجب عليكي عمله واذهبي الى قسم علمني كيف ارقي واجيبي عن الاسالة التشخيصية عند الراق الذي اخترته الله الشافي امين |
جزاكم الله خير
|
الله يفتح لكم ابوابه يارب ويبعد عنكم كل ماهو سي ومكروه يااااااااارب اسئل ربي ان يفرج عنكم هالغم
|
جزاك الله خير
|
لاحول ولا قوة الا بالله العظيم ,قصتك ياابنتي محزنة جدا أسأل الله ان يفرج همكم ويشفي مريضكم ويرد كيد من آذاكم في نحره . اللهم فرج كربتهم انك على كل شيء قدير .
|
أأأأأأأأأسال الله العظيم رب العرش العظيم أن يشفيكم
|
الاخت الكريمه اسال الله العلى العظيم ان يرفع عنكم كل بلاء مع التواصل مع شيوخ المنتدى يوجد علاج ذكرته لمشاكل البيت فاعملى به وسترين خيرا باذن الله وستهدى النفوس وتذهب عصبية الوالد وشكه لان شكه هذا يعتبر مرض ولايقدر يسيطر عليه فاعذروه وساعدوه حفظكم الله
|
جزاكم الله خير
عرضت الحاله باذن الله خير |
| الساعة الآن 06:16 PM. |
Powered by vBulletin
Copyright ©2000 - 2026, Jelsoft Enterprises Ltd.
سبحان الله وبحمده :: سبحـان الله العظيم