مشكلتي...
 

السلام عليكم ورحمة الله وبركاته

كيفكم اخواني واخواتي

ان شاء الله طيبين وبخير

وكل عام انتم بألف صحه وسلامه بمناسبة قدوم شهر الخير والبركات

اخواني واخواتي

انا قصتي طويله شوي

وياليت انكم تكونون طويل بال معي وتقهمي قصتي

بدت قصتي سنة 1418-1419 سنة تخرجي من الثانويه العامه

حيث كنت وقتها من الطلاب المتفوقين والمتميزين

كانت عندي شويت مشاكل عائليه شخصيه بيني وبين اهلي

لكن كانت مشاكل ممكن تصير في اي بيت

بعد تخرجي من الثانويه

تقدمت لجامعة الملك فهد للبترول والمعادن وانقبلت فيها والحمدلله

كان وقتها شي عظيم وكبير اني ادخل جامعه كبير وعريقه ومتميزه


لان مستواي الدراسي كان ممتاز وكانت الجامعه حلم من احلام اي شاب مثلي

لما جاني القبول في جامعة التبرول

اهلي واقاربي انبهرو فيني

واقامو لي حفل كبير

ومن هنا بدت رحلتي اليائسه

كان الحفل خلال فترة الصيف

تقريبآ كان وقتها الصيف من شهر 3 الى 6 بالهجري

لما بدت الدراسه

وانتقلت الى الجامعه

كنت ما زلت بمستواي

الى ان انتصف الفصل الدراسي الاول

انا كنت قبل الجامعه ..خلال فترة الثانويه ..جدولي اليومي ...اروح المدرسه ..وارجع من المدرسه ..

اذاكر الى العصر ..بعدها مع اهلي الى بعد العشا وانام ..

كنت مكبوت ..واشيا كثيره يمر فيها اي مراهق وقتها ...

ماكنت اطلع كثير ..ولا كان لي اصحاب كثير ..

لما رحت عالجامعه ..وخاصه انها كانت خارج مدينتي (انا كنت ساكن بالرياض والجامعه بالظهران)

حسيت بالحريه ..

والكبت اللي كنت عايش فيه ..راح ...كنت سيد نفسي ...

اللي صار ان ممكن ان حريتي كانت سبب في نزول مستواي الدراسي ..مع اني كنت اذاكر بشكل مو طبيعي

لكن احس ان كل شي اذاكره يطير وانساه

صارتلي مشاكل كثيره في الجامعه مع الجامعه ومع غيرها

من نزول مستواي الدراسي الى ان صرت انسان لا مبالي جدآ ولا همي اي شي

(كانت مشاكلي مع الجامعه تصير...في فترة الصيف بس ..وطول السنه عادي جدآ ..على مدى سنتين

كانت فترة الصيف فترة شؤم بالنسبه لي..)

بعد سنتين ...انسحبت من الجامعه ..ورجعت للرياض ..

قعدت تقريبآ سنه كامله ما اسوي اي شي ..دايمآ خامل ..دايمآ كسلان ..ما اصلي والعياذ بالله ..وطبعآ الصلاه

من بعد ثاني فصل دراسي لي بالجامعه تركها

دايمآ متضايق وطفشان ومتكدر ..ما احب النصايح ولا شي



المهم اني قررت بعد مرور سنه اني اسجل في جامعة الملك سعود

وفعلآ سجلت فيها ..والحمدلله ... كانو مرحبين فيني لاني كنت محول من جامعة البترول ..

كنت مغرور ..شايف نفسي ..لان اللي بجامعه الملك سعود ..مستواهم الدراسي ...مو نفس مستوى الدراسي للطلاب جامعه البترول

وانا كان تحصيلي الدراسي بالنسبه لطلاب الملك سعود ..ممتاز جدآ ..عشان كذا كنت ماخذ مقلب في نفسي

كان اول ترم لي فيها ماشي احلى ما يكون ..

نسبه عاليه ...وتقدير من الدكاتره ..ولي اصحاب مره خلوقين وطيبين والحمدلله

بعدها بعد ثاني ترم لي في جامعه الملك سعود بدت الانتكاسه ...خلال اول صيف لي في الجامعه

المستوى الدراسي نزل ..علاقتي مع اهلي ..دايمآ مشاكل في مشاكل ..على كل صغيره وكبيره ..

ولكن اللي كنت الاحظه ...ان مع المشاكل العاديه اللي تصير...يجي الصيف وتصير طامه كبرى ..مشكله كبيره ..

لدرجة اني اضطر اني اطلع من البيت ...

وارجع بعد فتره ..تكون ما كنه صار شي ...

جسمي صار نحيف مره ..ارق غير طبيعي ..انواع الهموم والمشاكل ..ما اطيق اقعد في البيت ..واذا طلعت من البيت ..

احس اني لازم ارجع البيت ...

الصراحه كانت حالتي مزريه جدآ

وكانت مشاكلي دايمآ مع امي ..واحيانا مع ابوي ..بس الاغلب مع امي بشكل كبير جدآ وواضح

وخلال ما اطلع من البيت فتره شهرين او ثلاث ..نفسيتي ترتاح بشكل كبير وواضح للعيان ...وجهي يتغير للاحسن ...

وجسمي يمتن ويوضح علي التغيرات الكبيره ...للاحسن .بل اقول ..الى الافضل بكثير ..

وان رجعت البيت بعد فتره ..انتكس ..وانهار ..وارجع لحالي الاول ..الى ما يجي الصيف ..ونفس الشي يتكرر كل سنه على مدى سنوات

طبعآ حالي في الجامعه من سيء الى الاسوء ..مع اني اسوي المستحيل من مذاكره ومراجعه وعلاقتي اللي احاول احسنها مع دكاترتي في الجامعه

تخرجت من الجامعه ...اخيرآ ...بعد جهد جهيد جدآ ...بعد سبع سنوات في جامعه الملك سعود ...

انا تخصصي هندسه ...لكن معدلي جدآ سيء ...وعمري يوم تخرجت 28 ...طبعآ مع مشاكلي اللي كانت في البيت

كانت لي مشاكل بالجامعه...الاحظ وكانت العالم تلاحظ...اني على كثر ما اجتهد واعاني واذاكر...ما ألقى نتيجه طيبه ...

طبعآ تخرجت وتأمل ان حالي ينصلح بمشيئة الرحمن...لكن كنت كل ما رحت اقدم في مكان ...تكون الامور ماشي واحلى ما يكون وفي اللحظه الاخيره

يرفضون طلبي ...وصارلي سنه ونص على هذا الحال ...عاطل..عمري 30 تقريبآ ساكن لحالي في شقه مفروشه ...مع ان بيت اهلي بيني وبيه 10 دقايق بالسياره

حالي من سيء لاسوء جدآ ...من الناحيه الوضيفيه ...لكن من الناحيه النفسيه مرتاح جدآ..لأاني بعيد عن اهلي ..وعلى قولت اقاربي ان نعمة ربي بانت فيني لما طلعت من البيت

الكل عارف ان في شي فيني ...ماهو ؟؟...الله العالم ...هل هو في اهلي؟؟ وخاصه امي ؟؟..الله العالم ...لكن هو في شي غلط يصير

وما ادري اش هو ...هل هو عين ..هو مس..هل هو عمل ...الله العالم ...

انا خلال فترة تواجدي في بيت اهلي ...كنت ألتزم بالصلاه ...لكن استغفر الله مو دايم ...طبعآ اعمل معاصي والعياذ يالله ...وهذا شي ما افتخر فيه ...بس كنت اسويها وبعد ما اسويها ..

ابكي ندم عليها ...لكن ارجع اسويها من جديد ...

خلال الفتره الاخيرة التزمت بالصلاه بشكل كبير ..والحمدلله ..وقللت من المعاصي بشكل اكبر واكبر ...

لكن مازلت احس ان فيه شي فيني ...عين او مس او عمل ..والله العالم ...

طبعآ انا متيقن ان كل شي بأمر ربنا ..والنعم بالله ...والتوافيق من الله سبحانه وتعالى ...لكن انا اتعب واجتهد ..وغيري ياكل الحلو وانا اكل المر ..

صارلي الحين فترة 8 اشهر ما شفت اهلي...لكن نفسيآ مرتاح ...عمليآ عاطل ...وكل ما رحت مكان ...ما اتوفق فيه ...مهما دخلت في المساله واسطه او والعياذ بالله رشوه(طبعآ الرشوه استفتيت فيها واجازوها لي من باب ان ما في حل الا كذا
وان الذنب على المرتشي)..اكيد اني محبط ويائس ...لكن موكل امري لله ..والحمدلله على كل حال

هل تتوقعون ان تفكيري صحيح ؟؟..ان فيني عين او بلا ؟؟....

ارجو من الكل قراءة الموضوع ..والادلاء برايه ...واسف جدآ على الاطاله

وألف شكر لكم جميعآ ...

شخصيا كنت مثلك تقريبا مشكلتي اني فتاة لا استطيع الهرب من جحيم وجن المنزل والاهل

حسبي الله من السحرة والحسدة

اختر راقي من قسم عيادتي وو سيعملك كيف ترقي نفسك
واهلك كذلك

شفاك الله و عافاك يا أخي و حسبي الله و نعم الوكيل على كل ظالم.
فيما يخص الدراسة مررت أنا أيضا ببعض ما ذكرت، بعد أن كنت من المتفوقات في مستوى التعليم الثانوي تراجعت كثيرا بعد أن تم قبولي في معهد عالي مرموق و لكن الحمد لله، و يمكرون و يمكر الله، أتممت سنوات الدراسة و تخرجت. صحيح أني قعدت مدة بدون عمل و لكن الحق يقال لم تكن بالمدة الطويلة دعوت ربي و أكيد دعوات أمي رحمها الله لي نفعتني فرزقني الرزاق بعمل في مؤسسة مرموقة، الحمد لله. غير أني لا زلت أعاني من بعض المشاكل و العوائق... أسأل الله العظيم أن يفرج عنك يا أخي و عني وعن كل مكروب.
اذهب لقسم عيادتي و تشخيص مرضي، أجب عن الأسئلة الشخصية و اخترأحد الشيوخ الرقاة الأفاضل و الله يشافيك.
ادعولي بالشفاء يا أخي.

انا مريت تقريبا بنفس المشاكل الدراسية بالجامعة واخيرا رضيت بما قسمه الله لي.

والحمد لله وجدت وظيفة وماشي الحال.

المهم ان ترضى بما قدره الله لك وان تعود الى احضان امك وتبكي بين قدميها التي سوف تدخل من تحتهما الجنة فرب دعوة من امك في لحظة اجابة تفتح عليك بركات من السماء والأرض وثق تماما وتذكر كلامي ولو بعد خمسين سنة انك لن تربح ابدا ما دمت قاطع لرحمك لأي سبب فما بالك بوالديك والله تعالى يقول (ولا تقل لهما اف ولا تنهرهما) ويقول تعالى ( واخفض لهما جناح الذل من الرحمة وقل رب ارحمهما كما ربياني صغيرا).

والله اعلم