يارب جعل جنة الفردوس مثواكم،،انجدووني
 

السلام عليكم ورحمة الله وبركاته،،، ارجووووكم ساعدوني ابي ايميل الشيخ احمد الحازمي علشان اتواصل معاه لاني مريضة ابي اتعالج بالرقية الشرعيه لماقرأت عنه كل خير وانه يعالج باذن الله وفي علاجه الشفاء التام بأمر الله،،انا رحت تعالجت عند شيخ بالكويت وجزاه الله خير خفيت لكن رجعتلي الاعراض نفسها ولما رحت له قال تجدد لك السحر،،وصرت اعرف اذا اللي فيني سحر متجدد ولا لا،،لاني جربت اتعالج منه اول مره وعرفت الاعراض، الله يخليكم ردولي خبر بسرعه عن ايميله لاني بالكويت واحب اتواصل معاه من البيت،لاني مااقدر ازور الشيخ اللي رحت له باستمرار،ارجوكم تعبت نفسيا وعانيت الكثير واسمحولي على الاطالة بشرح بالتفصيل اللي مريت فيه لعله يفيد اللي يقراه،،،وانا حامل بطفلي بالشهر التاسع كانت تطلع مني ريحة غريبة من اسفل البطن،،والم فظيع احس اني بنزل الطفل لكن الحمدلله الله ستر وانجبته،،وقبل حملي عندي طفلين غيره كنت احس بنفس الالام تقريبا بس كانت اخف وزادت بأخر طفل اللي هو ذكر وكانت في مشاكل دائمة بيني وبين زوجي توصل للضرب منه،وكان دائم العصبية لاي سبب،ويشوفني ومايطيقني وانا نفس الشي وما شكيت بلحظة ان في شي غريب كنت دايما اقول اللي فيني يمكن من التعب او الهموم لين وصلت المشاكل بيني وبين زوجي انه يرفع علي مسدس والله ستر وقبلها حاول يخنقني،لكن كنت استغرب فعله لانه يحبني ،،وغير الرائحة الغريبة اللي كانت تطلع من اسفل بطني وقت حملي الاخيروبعد انجابي وانا نفاس،وآلام ااسفل الظهر والبطن،بعدها قررت ازور شيخ مع محارمي والحمدلله شخص حالتي بانها سحر مشروب،وعالجني وخفيت وقالي سحرك بالارحام وعشت حياتي مرتاحه مع زوجي وعيالي لكن رجعتلي الاعراض واكثرها الم بالبطن وكره للعيال وزهق من الحياه،،وملل من الزوج//عرفت اللي فيني ورحت للشيخ مرة ثانيه،،وقالي سحرك تجدد ماتذكرين عند منو اكلتي؟قلت اكلت عند ناس كثيره اهلي واهل زوجي ،المهم حتى راسي امتلأ شكوك بناس حولي وتعبت نفسيا ومارحت له الا مره لصعوبة الاستمرار بالذهاب اليه لظروفي ولهالسبب ابي اتواصل مع الشيخ احمد الحازمي بالايميل يعالجني الله يجزاه كل خير والله اني تعبانه الحين وزاد فيني وماقدر احتى اصلي ادوخ وتجيني افكار وقت الصلاة وكأن في ناس تخرب علي صلاتي واتعب بالسجود واختنق بالركوع والسجود والحين في وجع بأسفل الظهر والبطن،وفقدان شهية فظيع لدرجة ان الكل لاحظ نقصان بوزني بشكل كبير واعصب على عيالي واضربهم واكتم باعصابي قدام زوجي/واحاول ماابين له لان حالتنا مايعلم فيها الا الله كل مانحاول نحسن حالتنا ونبحث عن شغل نلقى الابواب مسكره بوجوهنا ومالنا نصيب،،حالة زوجي دايما الخمول والكسل والاحباط،اتضايق حيل لما اشوفه وودي احسن الحال واحافظ على بيتي وعيالي لاني خايفة نهايتنا تكون الانفصال وخايفة على بيتي يتدمر،احاول بشكل شبه يومي اشغل على الرقية الشرعيه واسمعها غصب لاني ادوخ واتعب لما اسمعها،،لكن زوجي مايصلي ولايسمعها وبس يسمع الاغاني،،الله يهديه ادعووله بالهداية،واناكنت اصلي لكن في شي يمنعني واحاول اقاومه و اطوف كثير من صلواتي،،والله تعبت نفسيا ابي ارتاح واتعالج من هالمرض واحمي بيتي وعيالي وونعيشهم زوجي وانا
وتفتح بوجوهنا ابواب الرزق،لان حالنا الحين اليأس والفقر والكسل،ارجوووووووكم ساعدوني ولاتهملوني بالتأخير لان النت مايتوفر عندي لشهوور،،ارجوكم ابي ارتاح نفسيا والله مرات يجيني وسواس ان الانفصال ارحم لنا واحسن لنايمكن الرزق والراحة يجونا بعد الانفصال لكن الحمدلله اقاوم هالوسواس بحبي لزوجي وبيتي ولعيالي،،ومرات اقول اكلمه بهالموضوع وننفصل احسن علشان يتحسن حاله وحالي لكن مانقدر ننفصل عن بعض الحمدلله للرابط القوي اللي يجمعنا ادعولنا بالصبروتحسن الحال وان مايفرقنا عدو لامن الجن ولامن الانس،والله يحفظكم من كل شر وحاسد،،والله ان الحب والايمان هو اللي خلاني اصبر من اول زواجي لان حالي تغير من اول سنة زواج ومريت بظرووف قاسية والسحر كان بالارحام مثل ماشخصني الشيخ لكن الحمدلله جبت عيال من زوجي والحمدلله((ويمكرون والله خير الماكرين))،وبودي اتعالج على يد الشيخ احمد الحازمي معالجه كامله ياريت الله ييجزى كل خير من يرد علي بايميله.

ليش ما تستخدمين الملح الانجليزي ملعقة كبيرة على كاس ليمون مرة واحدة يقرأ عليه آيات ابطال السحر وآيات الشفاء وباذن الله تعالى يبطل السحر ان كان ماكولا او مشروبا جربي وشوفي ان شاء الله ما تندمين هذا من تجربة طويلة مع السحر.

اخوي مشكور على الرد وان شاءالله اجرب هالعلاج لكن من وين اجيب الملح الانجليزي؟مايصير اي ملح عادي؟