|
تكفوووووووووون ساعدووووني
السلام عليكم ورحمة الله وبركانه . ثالثا : انا بعرض حالتي وابي منكم قبل كل شي الدعاء لانه سلااااح المؤمن الخفي ... ولا يرد القدر الا الدعاء يا جماعة الخير رمضان العام رحت لاهلي في اجازه وقتها حسيت ببعض الصدود من الناس بشكل عام وكمان لما يجي وقت الفطوووور يادوب اكل حبتين سمبوووسه واشبع ... احس بطفش فكرت الموضووووع طبيعي ونسيته لما خلص رمضان رجعت مقر عملي بجده ومشا الوضع بس بعض المرات يجيني حاله مابي احد واتضايق لما احد يجيني شقتي .... وبديت اعيش حياه منعزله مابعد الدوام ( طبعا بعض المرات اقابل شباب واتمشى انا واياهم بس في نفسي ابي اكوووون بروووحي ) فكرت الموضووووع طبيعي الي صار اني انسان يجاهد مجاهده في الصلاه ما احافظ عليها وفي كثير من الاحيان اتركهاااااا ( ماصلي) طبعا هالموضووووع دايم براسي الي هووو الصلاه بس ماقدرت اتصلووو الاهل وقالو حنا حناخذ عمره .... قلت كوووووويس اول مررررره احس نفسي ابي اخذ عمره من قلب وانوووي بها الاجر وادعي ربي ان يهديني ويعينني عالصلاه ليلة الخميس في الليل توجهت لمكه المكرمه واعتمرت معا الاهل ومنجد اعتمرت بضمير ودعيت الله سبحانه يانااااااااااس ياعااااااااااااااااااااااااااااااااااااااااالم من وقتها وانا تعبااااااااااااااااااااااااااااااااااااااااااااااا ااااااااااااااااااااااااااااااان اليوم الثاني الجمعه حركنا على جده في الطرررريق انفصلت عن الدنيا مثل ما ينفصل الكومبيوتر من الكهرب صررررت سرحااااااااان وما اتكلم وضايق صدري اليوم الثاني داومت ولما جا وقت المغررررررب حصلت نفسي فاصل اكثر من اووووول صار النوووم في وادي وانا في واااادي الى الحين ماحد يدري عني من اهلي اقووولهم تعبان من الدوام رجعو اخواني معي لشقتي وسمروا وبسطو وانا تعبان احس نفسي ابي ابكي ابي اصييييييييييح ضيقه في صدري تبي تقتلني صلينا الفجر ورجعو ناااااامو وانا لما استويت على فراشي فجاه بديت ابكي بصووووووووووت مرتفع ( عمري 28 عشرين سنه يعني مابكي بسهووووله ابدا ومرت سنوات علي ما بكيت ) قامو اخواااااني مفجوعين ووضعتهم امام الامر الواقع نصحني واحد من اخووووواني بصورة البقره كل يووووم والاذكار وسووويت الي قاله ازداد المرض ساااافرو الاهل ورجعت للوحده ثاني وكل يوووم يزيد صرت مااكل ولا اشررررب ,, اقووووم الليل مفجووووووع وخايف وابكي زي الظفل ... والله ياناس اقووووم ادور احد اتصل عليه افتح الجوال ومادري مين اتصل عليه وعلى هالحال ما يقارب العشرررر ايام وكل يووووم الاذكار وصورة البقره والصلاه في المسجد ويزيد المرض وصلت الى درجة اني مادري كيف اسافر لاهلي ,,, مو قادر ,,,, انا مهندس وماعلي قصوووووووور بس موقادر خلاااااااص اصبحت مكتف ما اقدر اسووووي شي وجميع انواع التعب والرعب والخوووووف وما احس باحد حوووولي ولا اقدر افكر واصبحت انسان عاااااااااجز يا جمااااعة الخير حتى الخطووووط السعووودية ماني قادر اتصل عليهم واحجز لي مقعد واهررررب لاهلي اتصلت باخوووووي وقلت الحق علي ماقصر حجز لي وانا الي اشييييل غترتي بس وعالمطااااااار ماخذت شي معاي مادري كيف وصلت لاهلي شاااافتني الوالده انفجعت في عشر ايام صرررررررررت زي المسواك من غير اكل وشررررب الا الي يبقيني على قيد الحياه ويمر يوووم كامل ونص الى يمومين من غير اكل طبعا حنا عايله واعيه في الامراض ذي نمت كم سااااعه وبعدها على طوووووول عالشيخ يقرا علي الشيخ ما تاثرت يقرا علي واحد ثاني ما تاثرت قالي بعطيك خلطه الرومي وتعالني بعد سبع ايام في اليوووم السادس بدات الاحلام نساء اجامعهم بعضهم اشوووف وجييهم وبعضهم لا اغمض عيني دقايق على طووووول اشوووف حلم بعد كم يووووم صار جسمي يرتجف على طووووووول اليوم السابع ولاول مره اقوووم من النوووووم ماني مفجوووووع ولا خايف بس جسمي تعباااااااااااان ومكسر استمريت على صورة البقره والرقية الشرعية وخلطة الرومي لدمة شهر وكم يوووووم طبعا خلال الفنتره هذي يجيني التعب الشديد ويروح ويبقى تعب متوسط ومررااااااات انهار وابكي وخلاص احس ان موووووتي رحمه تحسنت حالتي وصرت اقدر اختلط ببعض الناس سافرت جده ومعاي اخوووووووي وداومت كم يوووووم ورجعت من الدوااااااام تعبان قبل المغرب وفضلت انتظر صلاة المغرب عشاني اصليها واصلي العشا وانام ( من شهر ونص ما نمت قبل 2 ) طبعا نمت من غير مادري قبل المغرب وقمت الساعة 12ونص تعباااااااااااااااااااااان وشوفت في الحلم اني اجامع امراه وقتها اتصلت باحد المشايخ في جده الساعه وحده وقالي تعاااااااااااااال وروحت له اخوووونا في الله اخذ المووووضوع بسرعه لما قلت له عن حالتي والاحلام وقال هذي عاشقه اجلس الحين اطلعها وترتاح بدا يقرا دقايق بسيطه ويحط ايدينه على رقبتي ويضغط وقتها فقدت الوعي ومادري عن نفسي ولما صحيت..... وربي يا نااااااااااااااااااااااااااااااااااااااااااااس اني منتهي وتعب الدنيا فيني .... صحيت وانا اصييييييييييييييييح باقوووووووى صووووووووووت احس ان هالشي قاعد ينزع عروووووق صدري وانا اشوووووف يقوووول الشيخ ابشرك خرجت وانا تعبااااااااااااااااااااااااااان وارتجف النتائج اني اليوم الثاني روحت فصلت من عملي ورجعت لااهلي اول كنت انام ولما اصحى من النوووم مرعووووب بعد الشيخ وانا صاااااااااااحي احس برعب وخووووووووف وصارو اهلي مرابطه عندي الشيخ صورني فيديو وشوفت نفسي لما فقدت الوعي تنافضت ثواني وصحيت مرعوووووب طبعا مازلت اقرا صورة البقره يوميا واستخدم الزيووووت والخلطات والماء المقري عليه والعسل والحبة السودا وماء زمزم والاذكار والادعيه وصلاة الليل لما اسمع الرقيه صرت ارتجف بقوووووه واحس حركه في جسمي واجزاء في جسمي تنبض وزي الكهرب يتحرك فيني ومره من المرات ضاقت علي وتعبت وبدت عيوووووووني بالدمووووووع وانسدحت وبديت اذكر الله شوووووي حسيت هالشي يمشي في جسمي ويطلع من رجوووووولي وربي زي ما احس باي شي ملموووووس واقدامي صااااااااارت حااااااره واقوووووووم بعدها اضحك مافيني شي غير اشياء بسيطه واليوم الثاني ترجع حليمه على عادتها القديمة وعلى هالموووووووال روحت لمشايخ كثير كل واحد محتار ... رقبتي صارت تعورني من كثر الخنق تحسنتي حالتي ولله الحمد قلت في نفسي اذا الشوووويخ مايدروووون الله يدري سبحانه بس جسمي صار ضعيف ويرتجف وماقدر اسوووي شي وماقدر ارجع لعملي وماقدر اطلع من البيت الي مشاوير بسيطه جدا اجووووووووواء المطر اكرهها لاني اتعب فيها اشوووف احلام اتعب من يوم ليوووووم واسمع الرقيه على طووول ويخف التعب بس حياتي مازالت تعب وضيق ورجفة واهلي تقطعت قلوووووووووووووووووبهم علي كل يوووووم لما يجيني الوالد يصحيني يخاف اني بقوووم مرعووووووب سمعت الرقيه عشرات المرات قريت البقره عشرات المرات ومازلت اقراها غرفتي ما تقدر تدخلها من ريحت المسك انا ثقتي بالله كبيره الحمد لله صرت محافظ على صلاتي وقيام الليل بس ابي العافيه والله تعبت تكفووووووووووووووووووووووووووووووووووون اذا في احد يعرف وش الحكاية يقووووووووووووووووووووووول لاني شوووفت تاس عليهم مس وسحر وقاعدين يطلعووون وينزلووون وعند الشيخ يتكلم من عليهم جان بس انا ماني قادر اطلع ولا انزل وما يتكلم من نعلي شي ومو عارف وش الحكاية والتعب انهكني اسال الله ان لا يحرم الاجر ولا يجعلني من الساخطين لكن منجد وصلت مراحل اليئس.... قالوووو حسد ..... معا العلم ان انساااااان وسيم ومهندس وموظف وظيفه مرررغوب فيها ومن عايله لها سمعة ( قوولي بسم الله ماني ناقص) لكن الاعراض ماتدل على انه حسد لان جسمي احس فيه رووووح تتحرك الي مررررة عليه حاله زي كيذا يقووووول\ قلت بسافر مكه وافضل هناك بس ماني قادر اروحي بروووحي والاهل مرتبطين ارجووووووووووووووووووووووووووووووووووووووووووووووو وو منكم المساعده تكفووووووووووووووووووووووووووووووووووووووووووووووو وووووون اخووووووووكم مبتلى لا تبخلووووون عليه بنصيحه او معلوووومه[/color] |
[color="rgb(221, 160, 221)"]انا بنت ومثل حالتك
هل عندج برنامج للرقية ان كان لك برنامج رقية يجب ان تستمر كما ان الاستغفار له فوائد عظيمة [/color] |
عندي برنامج ومستمر عليه
لو تسمحين لي اسالك اختي كم صار لك تعانين من المشكلة |
منذ عمر صغير جدا فلنقل 8 سنوات وعمري الان 25
وانت؟ لكن بدات الرقية بصورة متقطعة منذ عام ونصف وانا مستمرة على البقرة والاستغفار منذ شهر واريد ان ابقى مستمرة الى ان اشفى ان شاء الله عااجلا غير اجل |
الله يشفيك عاجلا غير اجل
طبعا انا فتره قصيره من حسيت بالاعراض بس كانت شبه مفاجئه من حوالي شهرين وعشرين يوم ومن وقتها وانا مستمر عالبقره والرقية الشرعيه وباقي الاسباب طبعا تحسنت حالتي 60 في الميه ولله الحمد بس باقي 40 تزيد او تنقص ومن ثلاثة ايام بديت استخدم المسك ( احطه في موية واضيف عليه الملح واتروش به واخليه علي ساعتين او ثلاث ساعات ) من وقتها بدت تخف الرجفة الي فيني وماصرت ارتجف كثير |
انت تستحم بماء مرقي
؟؟ |
أخي انسان مبتلى أنصحك بأمرين لا ثالث لهما:
-الإستعانة بالله وأن تستقيم أي: تلتزم؛؛؛ فوالله تتحسن أمورك وينشرح صدرك -بإذن الله- وأنصحك بطلب العلم الشرعي. - أخي برنامجك قوي ولكن لابد أن تعلم أن لكل حالة دواءها طبعا إذا تبينت الأعراض وانكشفت؛؛؛فكما قلت أنت شاب وسيم وتحلم بامرأة تجامعها طبعا هناك شبهة (مس عاشق) فعليك بقراءة آيات العشق والزنا المعروفة مثلا:(يوسف؛؛؛النور)...والتدهن بالمسك الأبيض المقروء فيه بالأماكن الحساسة والرقبة والصدر... ×××أبقولك شيء بصراحة: لا تكون كالذي ينفخ بقربة مشقوقة, بمعنى لاتفسد البرنامج بمعاصي الخلوات××× واعلم أن لا يبتلى إلا المؤمن والأجر على قدر المشقة. |
نسأل الله لك الشفاء العاجل، وأن يشرح الله صدرك، و ييسر أمرك، وأن يجعل لك من كل هما مخرجا، ومن كل ضيقا فرجا، وأن ينعمك الله بالصحة والعافية، وأن ينصرك على أعدائك، وأن يحفظك من كل شر، وأن يذهب عنك أذى الجن والأنس، وأن يثبت قلبك بنور الإيمان والقرآن... آآآمين.
|
وعليك بالأستعانة بالله وحده، (إياك نعبد وإياك نستعين)،و التوكل على الله، والتمسك بكتابه العزيز، التي لا تزيغ به الأهواء، وتلاوة آياته بتدبر، فهو حياة القلوب وغذاء الروح، وشفاء الصدور من أدوائها وجواها، فمن لم يشفيه القرآن فلا شفاء له، ففيه سر الخلق والأمر والشفاء، من آسقام القلوب والأبدان، وعليك بالمداومة على الأستغفار، وجعل لسانك ذكرا لله، في كل وقت وحين،و لاتلتفت إلى الوارد الشيطاني القاطع لذلك، وأن تلح على الله بالدعاء، والصبر ثم الصبر، ومجاهدة النفس، وأعلم أنه أبتلاء من الله، وعلى قدر الأبتلاء تكون محبة الله لعبده، فإذا أحب الله قوما أبتلهم، فعليك بتقوى الله والأخلاص، وتقوية إيمانك وصلتك بالله عزوجل، والتسليم لحكم الله، وعدالة قضائه، وتفويض أمرك للحي القيوم، والرضا بأمر الله على ما قدر وحكم، ونسأله عز في علاه، أن يذهب البأس، عن جميع المسلمين، وأن يفرج كربهم، وينصرهم على الشيطان الرجيم، فأدعوا الله وأستقم كما أمرت، وأصبر فإن نصر الله قريب.
|
اخي في الله...
لاتآيس ..توكل على الله..اكثر من الذكر والصلاة على النبي والاستغفار... اكثر من قراءة القران بتدبر وخشوع.... انا نفس حالتك لكن لم اايس...الفرج قريب باذن الله... الله مابتلانا الا لحكمه هو يريدها سبحانه.... سمعت عن خلطة الشيخ المحارب...(حناء الجسم +تعجن بماء الورد+خل طبيعي) توضع على الجسم للمده اللي انت تبغاها... باذن الله يكون شفاءك فيها... |
الحمد لله
الحمد لله و الصلاة و السلام على خير خلق الله
وبعد أخي وحبيبي في الله أنت يا أخي أبتلاك الله وأحبك و نسأل الله أن تكون نعمة وليست نقمة نعم هي في ظاهر هذا المرض الشر ولكنفي باطنه هو خير بإن الله قلت إنك لم تكن تصلي و الذي لا يصلي لا يقراء القرآن لكن بعد هذا المرض أصبحت تداوم على الصلاة و تقراء القرآن ومتمسك في رب الارض و السماوات فعليك بقرع الباب حتى يفتح لك فمن سأل الله أعطاع ومن أستعانه أعانه نسأل الله أن يضفي عليك نعمته وفرجه ويشفيك ويقويك على مرضك ويثبتك على طاعته نصيحتي أخي العزيز بالذهاب الى مكة والدعاء هناك وتحرى أماكن الدعاء و أوقات الإجابة فهناك أحب الأرض الى الله أخوك أبوعاصم |
اسال الله العظيم رب العرش العظيم ان يشفيك
من رايي انك تلتحق باحدى عيادات المشايخ في قسم الاستشارات وتطبق نصائحه وانصحك بالحجامة وبسرعة والاغتسال والشرب من ماء زمزم وصلاة الليل وسورة البقرة وحاول تعود لعملك وتصبر وتحتسب والله الموفق |
سبحان الله كانك تصف حالتي انا عمري 25وقبل سنه وثلاث شهور بدت معي الحالة والى يومك هذا استخدم العلاج النفسي احس اني هاديه واقدر اقوم باشغالي واختلط بالناس لكن احس اني مبرمجه على كذا من تلقاء نفسي يعني احاسيسي لحد الان غريبه واحساسي بالعالم غريب واشياء كثيرة والمشايخ ما اتاثر عندهم لكن منهم من يقول مس عاشق ومنهم من يقول حسد وبعضهم سحر وحسد وهلم جر والله تعبت وتعبت زوجي معي المسكين ماهو عارف وش يسوي علشان ارجع نفس اول في البدايه اهملته واهملت اطفالي لكن الحين الحمدلله قادرة اني اقوم بواجباتهم مو مثل قبل بس احسن من بداية المرض لاني ذيك الفترة كرهتهم وتمنيت اني اعيش بعيد في صحراء ما اشوفهم فيها ولا اشوف اي انسان احس ان حملي ثقيل وراسي شاب من كثرة الخوف والتفكير احس عمري خمسين الله يعين الجميع اخوي لا تياس وحاول قد ماتقدر لان كيد الشيطان ضعيف ومثل ما تعبت تعبهم وربي راح يلعنوا الساعه الي فكروا يدخلوك فيها اختي نفس الحالة لكنها الحين احسن بكثير صارت تصلي واذا حست ان الحالة جاتها تقراء الكرسي والمعوذات وترتاح المشايخ قالوا معاها حسد بدون مس تطلع في افخاذها كدمات مخيفه بعد الرقية مباشرة لكن زوجها الله يهديه ماهو مساعدها يقولها انت تدلعي وحتى اهله موافقينه في هالكلام الله يسامحهم ويشفيها وما يحيجها الى احد ويخليها لاطفالها وربي يشفيك ويرزقك الزوجه الصالحة والذرية الطيبة
|
ناديت نفسي في ظلام غربتها ، من أي شيء تشتكين ؟ ولم صدى آهاتك له تسبيح ؟ أفي معركة كنت تقاتلين ؟ أهذه الدماء النازفة من أشلائك ، أم هي أكذوبة بها تستعطفين ؟مالي لا أسمع صوتا ! أهي أنفاس انقطعت أم الجراح برئت ! وبعد صمت طويل .. سمعت صوتها خاشعا يقول : حسبي الله ونعم الوكيل .. حسبي الله إن بعد عني الرفيق الأنيس ..حسبي الله إن تلاطمت أمواج الهموم في بحر قلب مريض .. حسبي الله من نفث عشيقة وحقود وقس حسود .. عذت بربي ملاذي ورجاي وبه كشف بلواي..(((((((هذا حال كل مصاب بمس ، وعلاجه صعب عند الناس وسهل سريع عند رب الناس ))))))))
|
| الساعة الآن 08:56 PM. |
Powered by vBulletin
Copyright ©2000 - 2026, Jelsoft Enterprises Ltd.
سبحان الله وبحمده :: سبحـان الله العظيم