|
> شيء غريب <
السلام عليكم ورحمة الله وبركاته اخواني واخواتي ابي اسئلكم عن شيء غريب يصير لي واتمنى منكم الاجابه جزاكم الله خير انا احيانا اذا ناظرت المرايه اشوف نفسي علي حجاب ابيض عاد استغرب لاني بالحقيقه ماعلي حجاب واذا ناظرت مره ثانيه يختفي على طول ومره رحت بالليل للمخزن وانا اشوف الباب مفتوح من بعيد وجايه ابدخل لما وصلت بغيت اضرب الباب لانه بالحقيقه مغلق وانا اشوفه مفتوح |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!! !!
اختي سارعي للعلاج .. وواصلي ... استغرب ايش قاعدة تنتظرين ؟؟!!!!!!!!!! |
انا راجعت شيوخ اول الحاله وراجعت كثير وبدا يخف وبعدين معد اراجعهم عاد بدت تجيني هالاشياء والحين ما اقدر اروح لحد ومقدر اقرا وش اسوي يعني وانا اسال ابشوف فيه احد كذا جزاكي الله خير |
اقتباس:
فللعبرة الرجاء زيارة هذا الموضوع للعضوة" قلب محطم" وكيف الجن دمروا حياتها والرجاء قراءة الموضوع بالكامل لكي تعرفي حجم المعاناة.. http://www.rogyah.com/vb/showthread.php?t=40055 بارك الله فيك؛؛ |
قاريته اول ماسجلت على العموم جزاكم الله خير على الرد انا عارفه كل شيء لاني قعدت شهر كامل ما اكل وكنت اعاني من الصرع كثير ونقصان الوزن وتساقط الشعر وفتحات الراس بس زهقت معد اهتم ولا احس صرت خاليه من المشاعر مدري وش فيني ماني قادره اسوي شيء احاول اهتم بس عجزت احس اني تعودت على وضعي كأن المس صار جزء مني وانا سجلت هنا قلت يمكن اتشجع واستفيد بس مافيه امل ومافيه فايده مني واذا كنت ازعجتكم بمواضيعي ولا ردودي سامحوني لاني خلاص ابنسحب من المنتدى |
اقتباس:
تكـفـــيـــــــــــــــــــــــــن ... ما اقدر اشو ف المنتدى بدون مواضيعتس تكفى ترى تكفى تهز الرجاجيل .. قصدي الحريم ............... نجي للجد أفاااا عليتس يانجد ماهقيتتس كذا تستسلمين بسهولة .. انتي زي أختي دايما تبدأ بالشي وتآخذ كم يوم وتخليه الله يهديكن بس .. انتي وحدة فاهمة وعارفه مرضتس .. وهذي نعمة غيرتس كثير ماهم عارفين وش فيهم .. يختي نص العلاج انتس عرفتي مرضتس .. وهالمرحلة مرحلة احباط واكتئاب كلنا مرينا ونمر فيها .. بس ادعي الله وهونيها وتهون .. وعندي لتس طريقة حلوة وسهلة .. بس اهم شي تأكدي من الشيخ اللي تتابعين عنده بالمنتدى اذا تصلح لتس الطريقة اذا عندكم بالبيت حمام سباحة اذا مافيه عادي اشتري المسبح البلاستك حق البزران الحجم الكبير وعبيه مويه وحطي فيه مويه مقرية وكبي اي شي عندتس مسك.. دهن ورد .. ماي ورد.. سدر .. ملح.. خلطة رومي ..مسك جامد ابشريه .. اذا فيه ماي بحر..ويفضل انها مقري فيها يعني كل شي ذكروا في المنتدى انه طيّب وينفع للمس .. ووالله اني حتى الشذاب والقسط الهندي صرت اكبه فيه ماعاد باقي احط الا العسل :rolleyes: واغطسي واقرأي فيه الرقية واذا قدرتي سورة البقرة واذا ماتقدرين تقرين خلي امام المسجد يقرا في هالأشياء وحطيه وانقعي أطول مدة وكرريها قد ماتقدرين .. بالنسبة لحالتس تأكدي تناسبتس هالطريقة والا لأ .. على فكرة كم عمرك؟ |
اقتباس:
فأقل شيء أكثري من الدعاء في كل لحظة ولفظة,,, والبرامج تقريبا على نوعين: أ- منها مايحتاج إلى جهد ذاتي وعمل ومثابرة, وهو على حسب نوع العارض وعلى حسب همة الرجل وتوفيق الله له, مثل ذلك: قراءة البقرة يوميا الإغتسال شبه يومي الإدهان بالزيت شبه يومي وغيره من أمور....إلخ فهو ماشاء الله لاقوة إلا بالله مجتهد وصابر,,,وهؤلاء كثر,,, ب- برامج اتحتاج إلى كثير بذل وهي: سماع القرآن وتشغيله شبه يومي,, الإكثار من شرب الماء المقروء فيه ليتشرب الجسم القرآن وليضايق العارض, ومثلا التطيب بشيء من المسك المقروء وخصوصا عند النوم, قراءة أذكار الصباح والمساء فهي لاتكلف في اليوم والليلة 5 دقائق إلى 15 دقيقة,,, الدعــــــــــــــاء--الدعــــــــــــــاء--الدعــــــــــــــاء على الظالم ووالله ليتقطع ألما وحسرة العارض ولتجدون أثر الدعاء عليهم والله,,, وغيره من برامج لا تحتاج إلى جهد وهذا مناسبة لصاحب الهمة الضعيفة أو من كان عارضه قوي في البداية,,, وأقولها مدوية وأصدع بها فليسمعها كل البشر ولينقلها من يسمعها: "من ليس له نصيب من هذه فهو مخذول ومحروم -إلا من رحم الله-" كتبه أخوكم/ أبوهمـــــــام |
نجد تعالي هنا شوفي موضوع حلو ومناسب لك ..
جزى الله كاتبة خيراً http://www.rogyah.com/vb/showthread.php?t=41783 |
ابوهمام جزاك الله خير الجزاء وبارك الله في علمك وعملك بكالوريوس مشكوره اختي الله يعافيك وجزاك الله خير انا قلت ابنسحب لاني كنت طفشانه وفكرت بالموضوع وقلت ارجع احسن لي يمكن استفيد هنا |
والله هالأمور كثيرة جدا وماعرف الله يشفيكي
كنت مثلك والحمد لله شفيت بفضل الله مسبب الأسباب |
اختي بارك الله فيكي.....اصبري واحتسبي الاجر عند الله.........فانا ايضا اعاني ومند سنوات ....فليس اسواء من الجن العاشق لانه يدفع للمعصية وانا احكي عنه لاني اعاني منه وتعالجت لكنه يعود الامر......اختى لما انتي تقولين انكي ترين اشياء وبعدها تختفي فما بالك......بمن ياتيه نوبات انه غريب ولايعرف اهله...ممكن تقولين يجن ...او يفكر ان ينتحر بعض الاحيان ...ياتيني احساس اني اريد ان اشعر بالالم اجرح نفسي وارى دمي يتدفق افكر بعض الاحيان ان هدا شئ سيكون ممتعا لي...لكني يااااختي صااااااابرة لا استسلم لافكار الشياطين........فهم يريدون منا ان يحزوننا.........وللشفاء من هدا يجب طاعة الله لان الله يبتلي من يحب....وما اعنيه اوتعانينه هو خير لانه يبقينا على تواصل دائم مع الله
|
الله يعينكم خواتي انا نفس الحالة بدون مشاعر واحيان استغرب من اهلي ومن الحياة واحيان استغرب من نفسي وكان شخص ثاني جواتي يبغى يحل مكاني وساوس مالها نهاية وهلع وخوف
لكن الصبر ثم الصبر |
الله يصبرك ويعينك على العلاج اختى واصلي وثابري
ربي يحفظك |
لاحول ولا قوة الا بالله اسأل الله العظيم ان يشفيك وكل مبتلى الرقيه ثم الرقيه ثم الرقيه اقرأيها انت ولو الفاتحه في البدايه حتى تتمكني من قراءتها كامله
لاحول ولا قوة الا بالله احزنتيني والله من رأى مصيبة غيره تهون عليه مصيبته حتى انا اعاني والحمد لله ولكن ربك رحيم والقرآن شفاء ومدمر لأعتى الجن ولكن الصبر.... |
اقري على عيونك آلايه > (فكشفنا عنك غطائك فبصرك اليوم حديد )
وآية ( الله نور السمآوآت والآرض .. الخ ) من سورة النور ورشي البيت خاصه الزوايا وعتبات المنزل حتى المرايه رشيها بماء وملح مقروء عليه والله يشفيك يارب |
| الساعة الآن 10:29 PM. |
Powered by vBulletin
Copyright ©2000 - 2026, Jelsoft Enterprises Ltd.
سبحان الله وبحمده :: سبحـان الله العظيم