|
قلبي محروق على طفلي
السلام عليكم ورحمة الله وبركته
مشكلتي بدأت ياشيخ من كان عمر طفلي 3 سنوات وبعد هروب الشغاله السيرلانكيه برغم اني كنت طيبه مع شغالتي واعطيها واعاملها بما يرضي الله وهي تحب ولدي وحبوبه معه بس ليش هربت مدري تقول تبي تتزوج وماتبي تكمل السنه الثانيه المهم ولدي تغير بعد سفرها صار يمشي ويطيح اموره كل مالها تزداد سوء ومره من المرات كما باستراحه لاحظت على ولدي تغير كبير في مشيته صار يسحب رجله اليسار ويمشي بصعوبه ويطيح وفورا اخذته على مستشفى الملك فهد واشعه ورنين مغناطيسي وفحوصات كامله وشامله والنتيجه طلع عنده ضعف بسيط في خليتين من خلايا المخ والعضلات ضعيفه هو بنيته نحيف ومولود خديج اللي محيرني ياشيخ ولدي الحين عمره 5 ونص وعلى ادوية المستشفى يوم نروح نرقيه وندهنه بزيت تطلع علامات عيون برجله مرسومه رسم سبحان الله وولدي ماشاء الله تبارك الله حليو ويهبل وعليه شعر لاشفته تقول بنت من شعره اسود وناعم وزمان كل من يشوفوه ينهبلون عليه لين مرض وطاح ماعاد يمشي زين يمشي ويطيح والحين انا ارقيه بماء زمزم وخلطة الرومي لي سبعه ايام احممه فيها بس اللي غريب ان ولدي احيانا يمشي زين مافيه ولا شي ويركض ويطلع وينزل سبحان الله ولا رحنا اي استراحه ولدي مستحيل ينام يجلس طول الليل يبكي وماينام الا الصبح الساعه 6 لي الحين من مرض 3 سنوات ونص الاستراحات مايجي منها الا يتعب ويبكي طول الليل ياترى وش تشخيصحك لحالة ولدي تكفى الله يسعدك دنيا واخره تساعدني وترشدني بالحل لان قلبي يتقطع والله العظيم عليه الحين عمره 5 ونص ومدري هل حالته عين او سحر او شي ثاني |
سبحان الله ولا حول ولا قوة الا بالله
والله ان قلبي انقطع عليك وعلي حالت ابنك ادخلي لاحد الرقاة واكتبي قصتك ومن تم يبعثون لك اسئلة تشخيصية وجاوبين عليها هذا الي اقدر افيدك بيه والله يكتبلك الشفاء في ولدك لانه حرام صغير انشاء الله تكون حاجة بسيطة مو كبيرة وماتكون الشغالة ليها يد في مرضه ........................ الله معك اختكي بارقة |
حالته والله اعلم من خلال كلامك عين قوية المرجو منك استخدام العلاج الشرعي اخد اتر العائن ادا كنت متاكدة من احد تاخدين شيئا من اتره بعد غسله تم يغتسل به الطقل وسيبرا بادن الله وان لم تستطيعي ان تاخد اتر احد او لم تحددي احد فعليك بعليك بايات الرقية الشرعية اقرئيها في ماء تم يغتسل الطفل بها يوا بعد يوم حتى الشفاء بادن الله كما ان الادهان بزيت الزيتون المرقي نافع بادن الله ويمكنك ان تتواصلي معنا ونحن في خدمتك واسال الله ان يعافيه ويحفظه من كل سوء بارك الله فيك وفي الجميع |
الله يقومه لكم بالسلامه عاجلآ غير اجل
وإن شاء الله تشوفيه قريب ينط من مكان لمكان ادخلي لاحد العيادات وهم راح يساعدونك |
افعلي ماقلت لك وان شاء الله يتبدل حاله بادن الله اسال الله العلي القدير ان يعافي كل مريض مسلم |
المشكله اني ماعرف العائن وبالنسبه للرقى عندي ماء زمزم
مقري فيه وعسل وخلطة الرومي هل استمر عليها وكم المده بس انا اتمنى لو احد يعرف شيخ راقي كبير ومعروف في الرياض يعطيني العنوان عشان اودي ولدي له وارقيه ويارب يتشافى ويقوم بالسلامه |
الله يشفيه ويقومه بالسلامه
|
اللهم عجل بشفائه يارب
وعساكم ماتذوقون حر كل غالي شاكره للجميع تواصلهم وان شاء الله بتواصل مع الرقاة واحصل العلاج باذن الله دعواتكم لطفلي بالشفاء الله يخليكم لعين ترجيكم ،، |
طيب باشري رقيته بنفسك لحين ايجاد راقي قريب اسال الله ان يعافيه ويوفقك لما يحبه ويرضاه |
اختي الكريمه قصتك مع طفلك نفس قصة ابنة اختي تقريبا
اختي الكريمه كيف اتواصل معكِ اود ان ارقي طفلك فلقد رقيت ابنة اختي فكان الشفاء بفضل من الله تعالى ولا ارجو سوى الدعاء لوجه الله بارك الله فيكِ |
طيب بالتوفيق ان شاء الله |
اقتباس:
ياليت تتواصلي معي لو عندك رقيه ولا شي الله يوفقك ويسعدك انا مسروره بمساعدتك لي |
اقتباس:
انا اسمع طفلي الرقيه الصوتيه بصوت المشايخ رقية العين هل هذا يصلح ويمكن تكون رقيه حالها حال اي رقيه ولا لازم اوديه لراقي بنفسي ويقرا عليه ،، |
اقتباس:
وانا اللتي رقيتها ولا ادري كيف اتواصل معك وللعلم اختي الكريمه انا لا ارجو سوى الدعاء لي لو اذن الله بالشفاء انا اقيم في مدينة جده ولا اعلم ما هي قوانين المنتدى هنا حيث تسمح لنا بالتواصل وباي طريقه |
بارك الله فيك اختي محبة الرحمن وجزاك الله كل خير
لكن شلون اتواصل معاك الرسائل الخاصه مقفله يمكن لأني عضوه جديده ومدري كم الحد من المشاركات حتى يفتحون الرسائل ياريت يشوفون لنا حل ادارة المنتدى عشان اقدر اتواصل معاك بارك الله فيك اختي الحبيبه ويارب ماتشوفي شر في اي غالي ،، |
| الساعة الآن 05:52 AM. |
Powered by vBulletin
Copyright ©2000 - 2026, Jelsoft Enterprises Ltd.
سبحان الله وبحمده :: سبحـان الله العظيم