السلام عليكم

اسمحولي اقولكم قصتي وبصراحه وعشان ارتاح ..

انا دخلت النت مندفعه وسجلت في منتديات مختلطه وكان فيه شخص يحاول يتقرب مني فارسل لي بنت تقول لي هالكلام والبنت لحووحه مره وقلت لها اني مخطوبه عشان تبعد عني وطبعا انا اكذب لاني مو مخطوبه وقتها ..

بعد فتره حسيت اني رابطه نفسي بينهم بهالخطيب الوهمي وتقدرون تقولون بدى الشيطان يوسوس لي فقررت اقولهم ان هالخطيب مات واني معتده عليه وبرضوا هالشي كذب ..

وكذبت هالكذبه اللي خلت المنتدى بأكمله يتفاعل معاي وحسيت إنهم تعاطفوا مع قصتي وحزنوا علي ونزلوا موضوع للعزاء , طبعا هالفتره كنت ادخل بس قليل

وسبحان الله بعد هالكذبه ماصار لي نفس ادخل كل المنتديات اللي اسجل فيها وشوي شوي لما اعلنت رحيلي من عندهم خاصه لاني حسيت ان حزنهم بسبب مشكلتي الوهميه ..



وبعد ماتركتهم انخطبت في الحقيقه لواحد واستخرت وارتحت له واهلي حبووه بس انا مو قادره انسى الكذبه اللي كذبتها خايفه ربي يحط عقوبة كذبي في ولد الناس ويموت او شي واعتد عليه ,, وخايفه اكمل هالخطبه , بسبب هالكذبه مع اني تركت المنتدى وتبت لربي واستغفرت وناويه اتصدق عن قريب ..



تكفوف اوافق والا لا على هالشخص المتقدم لي , لان الخوف يحاصرني دايم من هالكذبه وافكار تودي وتجيب ؟..
وخايفه ابقى طول عمري بدون زواج والسبب خوفي لا اتسبب في عيال الناس بسبب كذبتي .


صح ان ربي غفور رحيم بس انه شديد العقاب و انا دايم اخاف انه مايغفر لي هالذنب لاني اثرت على نفسيات الناس وتفاعلوا مع الكذبه ..


الله يسعدكم ريحني والله ماحسيت بالسعاده اللي تحسها اي مخطوبه ؟؟..

حبيبتي توكلي على الله وإذا ولد الناس اللي متقدم لك على قدر

من الدين والخلق وااااااااافقي


وحاولي تنسي المنتدى المختلط اللي كنتِ فيه والحمد لله ربي

يحبك وحفظك من شر هالإختلاط

وصدقيني ماراح يصير لك إلا كل خير ولا تخافي

أهم شيء أستخيري للخطوبه وثقي بما عند الله

وبخصوص كذبتك فصدقيني أغلب المنتديات المختلطه كذب في

كذب ، واللي فهمته من كذبتك في البدايه لتحافظي على نفسك


ولأن ربي عارف نيتك الطاهره حب يحصنك وارسل لك إنسان

طيب بعد ما رحلتي من المنتدى المختلط


لا تجعلي الشيطان يوسوس لك ويخرب عليك

الله ييسر لك أمورك وتتم الخطوبه ويكون هالزواج خير عليك



ولا تنسي تطمنينا عليك يا قمر

آآآآمين ما أحلى دعائك أثلج صدري .. الله يجزاكـ الفردوس

شوفي يا غاليه صدقيني محد بيموت قبل يومه

وبإذن الله عمره طوييييل

انتِ بس أستغفري من كذبتك وثقي ان ربي بيغفر لك

ولا تعطي الشيطان اذنك و توكلي على الله


وخيـــــــر البر عاجله .. وألف مبـــــــــروكـ مقدماً :)


ملاحظة أخيرة .. لا تخبري زوجك مستقبلاً عن موضوع المنتدى

المختلط ... وحياة موفقة بإذن الله .. :thumbsup:

المشاركة الأصلية كتبت بواسطة آلمهمومه (المشاركة 291235) الله يريحك مثل ماريحتيني بس انا خوفي من الكذبه الثانيه ربي يحطها في ولد الناس ويموت ..!! الله يسعدك دنيا و آخره ويحقق لك اللي في بالك ويسخر لك خلقه ..