استشارة عن حالتي ووضعي الله يفرج همكم دلوني
 

السلام عليكم اخوني واخواتي انا ضيفة جديدة عليكم من امس ولا احد رحب فيني انا دخلت هالمنتدى بالصدفة سابد اسرد لكم معاناتي
وهي اني من فترة طويلة مااقدر انام في الليل والحالة في ازدياد عرضت مشكلتي على العديد من الرقاة البعض يقول مس وفية معالجة قالت معاك تابعة والبعض يقول مجرد حالة نفسية ونصحني بالذهاب الى طبيب نفسي وبالفعل ذهبت واخذت علاج صحيح نومي تحسن بس مارتاح في نومي الا ايام معدودة وايام ماقدر انام المهم الحلم اللي دايم يتكرر علي جماع المحارم ونساء مثلي هذا الحلم دايم اشوفة يمكن من سنتين تقريبا واشوف قطط لكن مو دايم من فترة لفترة المهم اليوم اللي اشوف فيه قطط في منامي اصحى تعبانة هذاك اليوم كله وانا في الواقع صاير لي فترة اي مكان ادخلة او اي تجمع اتعب احس بآلام متنقلة في جسمي كلمت الشيخ الراقي متعب العتيبي قبل يوم ووصف لي اشياء اجيبها من العطار واستخدمها وهي:ليتر زيت زيتون و(3) ملاعق قسط هندي و(3)ملاعق حبة سوداء و(3) ملاعق شذاب مطحون وملعقة واحدة مسك اسود وطريقتها نضع الزيت على النار حتى يدفى وبعد ذلك اضيف الية المقادير التي ذكرتها مع الالتزام بالصلاة والاذكار وقراءة سورة البقرة يوميا لمدة (40)ليلة وسورة آل عمران والأحقاف والسجدة لمدة (21)ليلة انا الحين ملتزمة بكل اللي قاله لي طبعا البارح كانت اول ليله مسحت جسمي بالزيت وحسيت بالام متنقلة في جسمي ووخز وحس اشياء تلمس جسمي مع العلم اني احس بأشياء تلمس جسمي من قبل مااكلم الشيخ كل ماحاولت انام تجي تصحيني 0
سؤالي انا سمعت عن بخور ابو مشاري وحقيبته ماادري هل اجيبها ولااكتفي بهاذي الوصفة ابي مشورتكم لاني تعبت من وضعي كثير ارجو منكم الرد في اقرب وقت ممكن انا اتصلت على جوال الشيخ مارد علي وارسلت رسالة على جوالة ومارد ياليت اذا كنت موجودياشيخ او اي واحد عنده خلفية وجزاكم الله خير
ولكم فائق احترامي (حنين العمر)

اهلين اختي مابعد الضيق الا الفرج
انا نفس الشي انا اللي ادور عليهم واجيهم
يقولون مس والله اعلم فسر لي مفسر احلام والشيخ متعب العتيبي بس ابي اساللك عن وضع اختك هل حياتها ماشية بشكل طبيعي وتنام عادي انا حياتي صعبة ومعقدة كثير حتى موضوع الزواج بالنسبة لي معقد مع ان جميع الصفات فيني وجميلة لكن حياتي معقدة معقدة كثير ومحافظة على صلاتي يشوفوني الناس وينشدون لي لكن مايصير شي مثل الشمعة اللي تنطفي وقالت لي معالجة عندي تابعة (ام الصبيان) وتقول انها عالجتني منها لكن للاسف لاجديد الا انه يتقدم لي اقل الناس واخسهم من فترة لفترة طويلة ياليت توضحين لي وضع اختك وهل عرضت نفسها على راقي وايش حصل معاها

والله ياشيخ حطيت استفساري في العيادة ولم اجد رد منذ خمسه ايام

السلام عليكم ياشيخ انا دخلت عيادة الشيخ متعب العتيبي من يومين لاني كلمته وشخص حالتي على انها مس واستخدمت الوصفة اللي قالي عنها لكن في اليوم الاول من استخدامها حسيت بالام في جسمي ونغزات لكن الليل الثاني ماحسيت باي شي لكن نمت احسن وكانت نومتي هادئه كثير بس اللي محيرني ليه ماحسيت بشي من بعد استخدام الوصفة ارجو افادتي ياشيخ في اقرب وقت ممكن وجزاك الله الف خيروهل عرفت ايش عندي من خلال اطلاعك على خالتي ارجو الرد ضروري ياشيخ مع العلم اني احس بضغط في ارجولي من فترة لفترة يتعبني ويألمني ولك فائق احترامي وتقديري

اختي اتوقع ان معها مس لانها تحس بتنمل وحراره في جسمها وعصبيه جدا

تقول ما ابي ارقي عند شيخ ويتكلم الجان خليه راكد ...وانا برقي نفسي ؟؟؟

تزوجت رجل مريض نفسي فصام وتطلقت منه ؟؟؟

لكن الحمد لله رزقت بأطفال ونفكت عندها عقدت الزواج ( ما تزوجت الا بصعوبه لما صار عمرها 34

سنه..بعد الدعاء والتضرع لله اخر الليل ...كل يوم اقوم القاها تصلي وتدعي )

كانت تجيها كتمه في النوم وتصحى ...وكانت تحس بضغط في قمت راسها ما تقدر تنام ( الضغط

عندها سليم )
بعد الزيت والاستماع للقران خفت حالتها ....

الحين عايشه ومتأقلمه مع حالتها مره طيبه مره تعبانه ؟؟؟

الاحلام خفت عنها شوي ؟؟ الله يشفيها ويشفيني وجميع اهلي وكل مسلم ؟؟

السلام عليكم ورجمة الله وبركاته (مابعد الضيق الا الفرج)
اختي انا صحيح تعبانة لكن الحمد لله وضعي احسن بكثير من وضع اختك بس ابي استفسر ايش سبب المس عندها انا قال لي الشيخ متعب العتيبي ان سببه عين تحولت الى مس وتم تشخيص حالتي عن طريق التليفون وبعدها دخلت هالموقع والاشياء اللي وصفها لي جبتها وسويتها في البيت اليوم الاول حسيت باالالم في جسمي متنقلة ونغزات وتعبت هاذيك الليلة الليلة الثانية الحمد لله حسيت براحة ونمت بشكل احسن من اللي قبلة مع العلم ان عندي ارق من فترة طويلة واعراضي خفيفة اخف من اختك واكثر شي متعبني في حالتي مااقدر انام في الليل وهذا اليوم الثالث من استخدامي للوصفة بس ماادري هل هو عادي اني ماحسيت بهذااك الاثر الكبير من العلاج اللهم اني احسن واهدى من قبل بعني ماتعبت بعد مادهنت جسمي وذهبت لرقاة لكن مياشخصوا حالتي على انها مس انا عرفت من خلال تفسير عدة مشايخ لاحلامي انة عندي مس
الله يجزاك الف خير ويشافي اختك وكل ميتلى الله يشافيها والله اني حزنت كثير من وضعها الله يعافيها ويحفظها من كل سوء ودعتك الله يالغالية

خلطة الزيت الي ذكرها الشيخ لك ؟؟؟؟؟؟ عشان ايش ؟؟ وش قال لك ؟؟

هل تناسب حالتي .... معي مس عاشق متوارث عن طريق حسد او سحر الله اعلم

مساء الخير جميعا اخواني واخواتي(الشيخ ابو هاجر الراقي)
اتقدم بجزيل الشكر والتقدير للشيخ ابو هاجر الراقي لاهتمامه واطلاعه على موضوعي والله يجزاك الف خير ويكثر من امثالك ياخوي لكن عندي سؤال هل عرفت ايش مشكلتي بالضبط يعني ابي اعرف ايش اللي معاي بالضبط هل مس بسبب الحسد هل هي (التابعة) والى ماذا ترمز القطط في المنام؟ انا اتمنى اعرف ايش اللي عندي بالضبط؟
ولك خالص الاحترام والتقدير

يااهلين بأختي (مابعد الضيق الا الفرج)
شوفي يااختي انا انصحك تكلمين الشيخ متعب وتسألينه بنفسك وتناقشين معاه عن وضعك وهو راح يحدد لأنه واضح من كلامك انك تعبانه كثير ياقلبي فالأفضل تاخذين بمشورته او انك تذهبين لراقي يقرأ عليك وتستمرين معاه أوشوفي بخور الشيخ ابو متعب وحقيبته كلميه وهو بيعطيك الحل لاني والله ماادري افتي في حالتك
ونصيحة مني كأخت استمعي للرقية الشرعية (الشهاب الحارق على المس العاشق) واقرأي البقرة يوميا والله تساعدك كثير بس لازم شيخ لحالتك
والله يشافيك ويشافي كل مسلم وبشريني عنك ياختي اذا توصلتي لحل

الف شكر اختى الله يشفيك ويرفع عنك بما يسرك

انا قررت اني اقوم الليل وتهجد ورفع يدي للي مايخلي

الحلم بجماع المحارم يدل على قطيعة بينك وبين هؤلاء المحارم وعداوات...والقطط تشير في بعض الحالات الى مس او سحر لكنها للسحر اقرب من المس.بالتالي ربما وليس جزمايكون عندك سحرمن احد اقربائك اومعارفك.أو مس.وفي الحالتين يجب العلاج...واصلي العلاج بالقران والخلطات فهي مجدية أكتر ان شاءالله...وأقرأي أذكار الصباح والمساء...وكرري(لااله الا الله وحده لاشريك له له الملك وله الحمدوهوعلى كل شيء قدير)مأئة مرة صباحا ومساءا..وتجنبي النوم وحيدة في غرفة وأبدلي فرشتك بواحدة جديدة.ولابأس ان تستعيني بالحبوب من اجل ان تنامي لكن العلاج أولى...واسألي الطبيب لكي لاتصلي الى مرحلة ادمان لها...لكن يمكنك استخدامها اذا ماتعبتي فقط.شفاك الله.