لمن تعرض لنصب المتوسطيه للأستثمارات السياحيه في دبي ادخل حتى تسترد حقك.
 

السلام عليكم ورحمة الله وبركاته .



بدخل بالموضوع على طول . ياجماعه الخير اللي راحت دبي وجاها مندوب إعلانات من المتوسطيه للأستثمارات السياحيه وقال لها انتو فزتوا معانا برحله بس بشرط انكم تحضروا الأجتماع ولما تروحون يعرضون عليكم عرض عشان التايم شير ويبيعونكم اسابيع وياخذون منكم فلوس وبعدها إذا تبي تكنسل أو شي يقولون لك مالك شي عندنا هنا انا كلمتهم وانا من ضمن الناس اللي انصب عليهم وخسرت مبلغ وقدره10000 ريال مع العلم انهم قالوا لنا إذا جيتي تبيعين تقدرين تبيعين على الشركه ولما قلت ما أقدر اكمل معكم يالله اشتروا عقدكم وردو باقي فلوسنا قاموا يتحججون بألف حجه وحجه وبعدها مايردون عليك .


يابنات هنا زوجي كلم واحد في السفاره السعوديه بدبي وخبره على الموضوع وقال له لازم توكل محامي عشان نبدأ بالقضيه هم يحسبون اننا نهدد بس كلام بس والله العظيم أني صادقه هذا واحد عتيبي وواحد شمري بالسفاره السعوديه بس لما ماعطونا فلوسنا هددتهم ولاعليهم منا والحين راح نجمع أكبر تواقيع عشان نرفع عليهم القضيه الأسبوع الجاي راح نروح لمركز السفاره السعوديه في الرياض او في اي مكان انتم تبونه والله شفت عندهم اسماء سعوديين كثير عندهم نصبوا عليهم وماعلينا منهم السعوديه بتدفع اجره المحامي واحنا ماعلينا غير نتجمع ونتفق على مكان واحد نروح فيه ونبدأ نرفع الشكوى لهم حسبي الله عليهم هم خوافين الدليل كلامهم متناقض ما يواجهون ويتهربون من الشخص . بالله عليكم انشروا بالببي وبأي موقع واللي تقدر تحط التجمع ذا بالفيس بوك وتحط الأعلان ذا ياليت تفيدنا الله يجزاها الجنه وتتأكد ان لها دعوه بظهر الغيب وهي ساعدة على نصرة المضلوم الله ينصرها على من ضلمها .



أسالكم بالله انشرو بالبلاك بيري لكل من تعرف ومن لا تعرف عن المتوسطيه للأستثمارات السياحيه الله يشتت شملهم . اللهم امين .


وذا رقم حمود الشراري في دبي اتصلوا عليه

00971503398070



اللي بالسعوديه عليهم ان يتصلوا عليه اولاً وبعدين يعرفوا الخطوات كلها بس تقدم اوراقك وهم بإذن الله را يجيبون لك حقك . بس توكلوا على الله .



هذا هو رابط الخبر
http://forum.hawaaworld.com/showthread.php?t=3255803

منقول

سبحان الله هي حمى النصب في الاستثمارات السياحية...انتقلت عدواها لدبي...مااقول الا لاحول ولاقوة الا بالله,,انا اتنصب علي في بلد اخر غير دبي ...يقولون اشتري شاليه لمدة عشرين سنة كل شهر لك تلاث ايام واحنا ناجره لك خلال هذه المدة لو احببت ونعطيك الارباح...وبعدين والا ارباح ولايحزنون ولما تطلب استرداد الفلوس يوروك شرط جزائي صغير مكتوب في اسفل العقد بخط النمل خصم قيمة 25%في حالة كنسلت العقد....ولماماتلاقي شيء غير الموافقة على هذا الابتزاز وتقول لهم هاتوا الباقي يقولون مافي سيوله الحين وعبي استماره لادارة الشركة تطلب فيها كنسلة العقد....وماتلاقي قدامك حل الا انك تعبيها وبعدين تمر الايام والشهور وهم يماطلون ويتعذرون ان الفلوس كلها في الاستثمار وماعندهم سيولة لحد ما يكرهوك نفسك من كثر المشاوير للشركة ولما تجيب الشرطة يبعثوا معك شرطي او مندوب لهم يحاول يسترد الفلوس...يشربوه عصير ويقولون مافي شرط يتيح لهم مدة معينة في السداد وماعندهم سيولة الحين....وتعطي الشرطي نصيبه فلوس على المشوار ويقول لك ارفع قضية وترفع قضية وياعالم متى يجي دورها ويستدعوهم...ولمايستدعوهم تكون انت خسرت على المحامي والشرطة والمشاوير للشركة والاتاوات قيمة اللي دفعته في الشاليه....وبعدين ياعالم شو اعذارهم بعد وشو علاقة مدير الشركة بالشرطة وناس فيها ...وياعالم وياعالم....تروح على الشرطة السياحية ....وتبهدل الدنيا هناك...ويقول المسؤل والله في شكاوي كتير على هذه الشركة....ورح نجيب الفلوس من حنك ابوهم...وبعدين يبردون وتلاقي نفسك خسرت في كل هذا قيمة الفلوس واكثر ....ويستهزاون فيك اصحاب الشركة ويقولون ماكان التفاهم والانتظار الطويل افضل من كده....وروح خلي الشرطة والسياحة الحين تنفعك...
والحكاية هذة مر بها كثييير سعوديين وسودانييين ويمنيين ....هذولا اللي حضرت عذابهم.واسم الشركة شركة الوادي للسياحة .....
حسبي الله عليهم في كل مكان...
اما دبي الحمدلله الحق فيها مسترد بعون الله ومافي فساد...بس العقد هو الحاكم في المحاكم.....وهم النصابين يعملون له حساب ...ويمكن حاطين بند صغير بخط النمل يعطيهم حق النصب.

أهلاً وسهلاً اختي ميرا بس ماذكرتي لنا وين كانت موجوده فيه هذي الشركه . بس بصراحه الموضوع خطير المفروض الصحافه يحذروا منها عشان محد يتورط معهم . بس الله يهدي الصحافه ويرجع لكل ذي حق حقه .