ندااء للشيخ متعب العتيبي ضروري ارجو المساعده
 

السلام عليكم ورحمة الله وبركاته

ببدي علي طول من غير مقدمات
انا صارلي 3 تشهر تغيرت فوق تحت من ادخل البيت يصير جسمي منمل مثل حركة غريبة مع الااام معده بس احط رجلي علي عتبه باب بيتنا وحتي لما اروح كليتي نفس الشي ومن اشوف رجال الالم الي بمعدتي يزيد مع شويه دوخة وضباب بعيني وكله اشوف خطوط او نقط او دواثر واول الايام ماقدر اشوف اهلي واتكلم معاهم مثل اول لي درجة انه والدي لما يكلمني ما اطالعه ولا اهتم لكلامه ومن يتكلم يزيد الالم ماادري بالظبط كل جسمي حركة غريبة ووالم قوي بالمعده احس برجع هذا كله كان اول شهر*
ثاني شهر بعد ماكنت اسمع سورة البقرة يوميا تغيرت عندي الاعراض كان التنميل اكثر شي برجلي اليسار الحين انتقل يمين دغدغه مو طبيعيه بعد ما اقرا قران ليه درجة اني اطق رجلي بالطوفة وبس ابجي طول الليل ماقدر انام منها والله تعبت انا ادري انه فيني جني بس ابي اعرف شنو نوعه خادم سحر ولا جن عاشق*
نسيت اقول اول شهر حلمت اني قاعده بالبيت اتغدا ويا والديني وطق جرس الباب رحت انا فتحته ولا حية عند عتبة الباب ملتفة علي نفسها لونها احمر قامج وتقول خايقة خايفة خايفة ونقزت علي ودشت ورا ظهري*
علي فكرة اللبس الي لابسته وانا نايمة نفسه اهوا بالحلم حتي حسيت بالحية واهيا تدخل بظهري وقعدت من النوم مفزوعه وكله احلم بعيون اكبار اطالعني وناس طويلة او قصيره حيل ومرة حلمت اني اقرا طلاسم بس مو انا الي ماسكه الورقة كان شخص غريب ماسكها ويقرا بس انا اشوف الورقة وكلام عربي مو مفهوووووووم وبعدين اهوا بعد ماقرا الطلاسم اختفي ومرة حلمت بشايب يطالعني من بعيد وانا كنت خايفة واحاول انحاش منه
لا والحلم الي صج قعدت مستغربة اني كنت امشي مع واحد بالسوق ماسك ايدي وشكله كان انقليزي بس يكلمني عربي ورحنا وقفنا عند الاصنصير فتح وكان فيه عايلة بنت سفور مع امها وابوها ويقول لي روحي معاهم قتله مابي ولا يقول هذيل اهلج روحي لهم وبالحلم ماعرفهم !!!!!!!*
والحين الله لا يواريكم بس اقعد ويا اهلي ساكته من يكلموني اعصب واتهاوش وانا قاعدة كله بس اتمني الموت وعيوني ادمع وتخنقني العبرة بس مابجي جدامهم صارلي اسبوع علي هالحال والله تعبت تعبت*
انا شنو فيني بالظبط سحر ولا جن عاشق*
انا اتاثر بكل انواع الرقية واكثرهم الجن*
انا طبعن بعد الي صار فيني ماقمت انام بروحي فكنت نايمه عند اختي عاد مرة تعبت تعب مو طبيعي هذا اليوم الي عقبها صارت الاعراض باليمين مع طنين بأذني اليمين يومها جسمي حركة قوية قوية الي فاتحة عيوني وماقدر اتكلم واحس كانه احد يقرصني باذني اليمني لما اكلم اختي وفجاة ولا اسمع صرخة بغرفتي طبعن الاصوات وانا عند اختي اسمعها يوميا بعدها كتبت ايه الكرسي والفاتحة والمعوذات علي اوراق ولصقتهم بالغرفة بعدين خفت الاصوات شوي فيه بعد وايد اشيا صارتلي لو اقولها ما اخلص بس هذا الاهم*

الحين الي ابي اعرفه هل الي فيهم جن عاشق يشوفون خطوط بعينهم ولا بس الي فيهم سحر*
انا احترت كل الاعراض فيني قاعدة اوسوس تعبت*
وبليز ابي تفسير حق حلمي الحيه الحمرا الي عند الباب يعني شنو سحر ؟ وحلمت بعد بقطة سودة عند الباب تناظرني ولما طلعت شفت بكل زاوية بحوش بيتنا قطوة سودا وكان فيه قطوة وحدة ضعيفة لونها ابيض علي بني شلتها وحذفتها برااا عند الشارع وبقوة*
ابي علاج حق رجلي اليمين اذبحتني ماقدر انام كنت ارش عليها ماي مقري يزيد العوار واتم ايام ماقدر انام وغير الحركات الغريبة الي بالجهاز التناسلي مسويتلي حساسية مو طبيعية

ماعليكم امر ابي شيخ يرد علي*
جزاكم الله خير*

يا شيخ طلبتك فسر لي حالتي شنو بالظبط اعراضي غريبة جدا وكل ابكي ابي اعرف الحل وسؤالي الاخير هل العمرة علاج وراح يطلع الجن ولالا مايطلع بعد العمرة انا قلت حق اهلي الي يصير فيني بس يجذبوني مو مصدقين عشان جذيه ماقدر اروح عند شيخ يساعدني ويطلع الخبيث من جسمي حسبي الله ونعم الوكيل عليه*
الله العالم بحالتي والله اني مو مرتاحة بدنيتي والجني كرهني عيشتي محد حاس فيني بالبيت احس اهلي مايحبوني ولا يفكرون بحالتي كل مالها وتطور اقول حق اهلي يقولون صلي واقري قران وراح تروح عنج هالافكار!!! ياليت افكار وبس*
املي فيك ياشيخ بعد ربي مالي غيرك يساعدني والله العظيم ياشيخ اكتبلك وانا ابجي مالي غيرك يقولي شنو الي قاعد يصير فيني جزاك الله خير ناطرة منك الرد*

هلا خيتو خلي املك بالله قوي ولازم يكون عندك اراده عشان تتعالجين انسخي موضوع هذا باحد العياذات وراحلا يرد عليك الشيخ الله يسلمك

هلا فيج والنعم بالله الله يقوي ارادتي ان شاءالله
مشكورة اختي ويزاج الله خير

وعليكم السلام ورحمة الله وبركاته

واضح انك تعانين من سحر طلسم ويصاحبة مس شيطاني

لا حول ولا قوة الا بالله الله يعينك ويخفف عنك وعن جميع المسلمين

يارب توقعت انه سحر
يزاكم الله خير
ومشكورة علي هالدعوة

الى حين ما تدخلي لعيادة الشيخ متعب ويعطيك برنامج تمشين عليه.


حلي بطنك بالملح الانجليزي ملء ملعقة طعام يذاب في كوب ماء ساخن ويترك ليبرد ثم يشرب لمدة ليلتين قبل النوم.

لا تشربي الا ماء مرقي وطريقة القراءة انت تقرئين الرقية مع آيات السحر وتنفثين في الماء بعد كل آية.


وبالشفاء والعافية.

بس شلون سحر احنا ماعندنا خدم اندونيسيات
كلهم من سريلانكا واثيوبيا شلون ايي السحر معقولة يكونون من الاهل ؟!
وااايد من اهلي حاسدينا وحاقدين علينا
بس مستحيل توصل ليه السحر
علي فكرة انا السنة الي طافت بدايتها شهر واحد صار فيني تسمم وحرارتي اوصلت 42 اغمي علي وهالسنة بدايتها دخل فيني مس وسحر واعاني من نزيف قوي ماله علاج الا بالحبوب واذا تركتهم ارجع انزف مرة ثانية صارلي سنتين النزيف مايوقف الا بحبوب تنظيم الدورة
ومرتين حلمت انه باب بيتنا كأني افتحة واشوف العتبة واصكر الباب وبالحلم كان بيتنا قبل البنيان والله احلف اني ماكنت اتذكر حوش بيتنا وشفته بالحلم وتذكرته
السحر موحقي بروحي اختي الحيا الي تحلم فيها بالحلم صفرا خواتي واخواني كلهم فوق الثلاثينات ومايفكرون يتزوجون اقول حق امي كلميهم تقول مالي شغل فيهم حتي ابوي نفس الكلام وكل اهلي مرت عليهم الحالة انه لما يدخلون البيت يتهاوشون ومايرتاحةن الا لما يطلعون برا والم في المعدة اذا ادخلو البيت

مشكورة خيتي ان شااءالله انا دخلت عيادة الشيخ ماذكرً اسمه بس بحريني ومايرد علي من ايام

الظاهر انو السحر شامل لجميع الا بالمنزل الله يفرج عنكم

أسأل الله العظيم رب العرش العظيم أن يشفيكِ
أسأل الله العظيم رب العرش العظيم أن يشفيكِ
أسأل الله العظيم رب العرش العظيم أن يشفيكِ
أسأل الله العظيم رب العرش العظيم أن يشفيكِ
أسأل الله العظيم رب العرش العظيم أن يشفيكِ

امين