دار الرقية الشرعية - ساخذ نصيحتكم سبب بعد الله لحل مشكلتي

السلام عليكم

صراحة لا اعلم من اين ابدا ... انا املي في الله كبير بان ينصر المظلوم...
اختي ارتحت لاسمك جدا احسسني بان رحمة الله قريبة مني...
انا لن اشكوا حالنا لكي فالله وحدة هو المستحق بالشكوى ...وانا اشكوه ان يرفع الظلم عنا ..

سابدأ بمشكلتي وهي حقيقة ليست مشكلتي شخصيا ولكنها مشكلة تخص اختي التي تصغرني باربع سنوات ... وهذة المشكلة ارقت مضاجعنا انا واهلي

لنا جيران نعرفهم من 22 سنة ... الاب صديق ابويا الروح بالروح ... اجى في يوم يكلم ابويا يبغى اختي لحفيده من بنته... ولان اختي كانت تحب الولد ابويا وافق لانه يعرف الرجل صديقه من زمان ... بعد الزواج صارت المشاكل اللي ما توقعناها ... ابويا كتب المؤخر 100 الف ما حب يبالغ بالمؤخر لاعتقاده انها زواجة العمر ... اول ما تزوجت اختي ابتدت حماتها تهينها وتعايرها بالمؤخر وانها بترجعلها هو بالجزمة .. اعذريني على الالفاظ بس والله هذا اللي صار... واتفاجات بزوجها يكلم بنت بالجوال ثاني يوم عرسها ... والاهانات من حماتها ما تنتهي ... ليوم اكتشفت ان زوجها يشرب الخمر لا حول ولا قوة الا بالله .. راحت تشتكيه لامه .. ردت حماتها عليها ابني مربى ويا ويلك تحكي كذا على ابني ... ولا يصلي ومعاه شله فاسدين... اختي اشتكت لزوجها ان امه تهينها قالها ولا يهمك اعطيكي حقك بس لا تكلمي اهلك بشي... اختي غلطتها انها سكتت وامي كانت دائما تقولي اختك مو مرتاحة بزواجتها شوفي كيف صاير جسمها نحيل ووجهها اصفر ... ليوم امي سالت اختي وين الذهب حقك ... ولما ابتدت امي تحاصرها بالاسئلة اختي انفجرت من البكاء وابتدت تحكي لامي على كل شي... طبعا هذا صار بعد ما اختي اخذت مننا انا وامي وابويا فلوس كدين علشان زوجها قال بيشتري قطعة ارض ... هو مدين لنا بقرابة 17 الف ريال سعودي غير الذهب حق اختي... المهم .. ابويا لما عرف اللي صار لاختي قرر ينقلها لبيتنا اللي ابي بناه .. تخيلي لما نقلنا غرفة نومها لاقينا في سحر في دولابها ... هذول الناس يتعاملوا بالسحر لا حول ولا قوة الا بالله... حسبي الله عليهم ونعم الوكيل... طبعا اتصل عم اختي لابويا ويقوله الغرفة هاذي انا دفعت فلوس فيها رجعها .. ابويا رجعها ... المهم اختي قعدت مع اهلي وكانت تدرس واهل زوجها سافروا السعودية ... فقعدت عندنا .. المهم في يوم اجت تبكي وتورينا رسالة بجوالها من زوجها يسب ويشتم امي وابويا وكلنا .. وبعدين طلقها ... احنا فكرنا وقلنا حنخليها لغاية ما اهلي يسافروا ويشوفوا حل معاه ... ابويا اخذ اهلي وسافروا للسعودية واخذ اختي معاه كمان وهناك الولد قرر يرجع اختي ومن اصرار اختي ولانها قالت لابويا خلاص يا ابه نعطيه فرصة ثانية يصلح غلطته ابويا وافق وبشروط .. يكون لها شقة جمب شقة اهلي ... وفعلا سوى شقة وكمان كتب على نفسه ورقة بانه يرجعلنا فلوسنا وذهب اختي ... ابويا اعطاه عرض انه يشتغل معاه .. الولد رفض ... وراح اشتغل بشركة .. واخذ سيارة تقسيط .. وخرج من الشغل وكان يرجع اخر الليل ما ندري عنه وين يروح ... اختي حملت وجابت ولد ... هذا كله وما يصرف على زوجته ابدا .. تاكل وتشرب هي وزوجها ببيت ابويا ... حتى ولادتها بفلوس امي ... يوم الولادة راح المستشفى وما عنده ريال .. ومو عامل حسابه ... متوكل علينا بكل شي... والان ما اعطى زوجته وابنه ولا ريال ... اهله نزلو يشوفوا النونو .. وبعد كذا قرروا ياخذوا ابنهم للرياض معاهم لان اهلي في جدة ... تخيلي شال عفش البيت معاه للرياض وحتى الشقة ما دفع ايجارها ... ويطلب من اختي تطلع معاه .. وطبعا احنا ما وافقنا لان اختي شافت منهم الويل وهي اصلا دخلت عمرة .. يعني مجهولة ... ما ينفع تطلع ... وهم مصرين ياخذوها ... الان ما رضى يضيف الولد لجواز امه ... يفتكر انه يعاقبها .. ولا يصرف على الولد .. كل المصاريف ابويا يدفعها .. والان يكتبلها ايميلات ويقولها انه مراقب ايميلاتها وانه شاف كل شي احنا كاتبينه لها ... ويهددنا انه راح يفضحنا بين الاهل ... عجزنا ما ندري كيف نتعامل معاه .. والله انه لما كان عندنا في اليمن تخاصم مع امه وطردته من البيت وفتحناله بيتنا وكان مثل واحد من اخواننا .. والان شوفي ايش صار لنا منه .. (( طبعا حكاية الفضيحة اللي مهددنا فيها ... هو في يوم تضارب مع واحد كان زميل اختي في الجامعة _اختي الثانية .. اعرف ان اختي غلطت واتعرفت عليه وجلس يهددها وما ادري ايش وهو التم مع اصحابه وضربوه )) والحين يهددنا انه يفضحنا قولي لي كيف نتعامل معاه واذا رجعناله زوجته بيفتركنا ضعيفين وبيبهذله اكثر من اول واحنا صا\راحة ما نامنهم على اختي ... يا ريت لو تعطيني حل .. طبعا هو يقول انه يعرف يدخل على ايميل زوجته حتى ولو غيرت الباسوورد .. انا طلبت من اختي تستخير .. وتستغفر كثير .. بس خايفين لو سوى اللي براسه يمكن يفضحنا وانا يمكن علاقتي بزوجي تتدمر ... لانه بيسمع انه اختي كذا وكذا ... والله احنا ناس ملتزمين وما احنا حق مشاكل ... بس وش نسوي الحمد لله ربنا اراد لنا نكون لعبة بيد واحد مثل هذا لا يخاف الله ولا معاه اهل كانوا ناجحين بتربيته... مستنيه ردك يا ريت يكون مفصل ... وجزاكي الله عنا الف خير