معآناه تقهر ولا حول الله
 

السلام عليكم ورحمة الله وبركآته

مشكلتي بقولها بآختصار (المريض أخوي)

أول شي انه مآ يجي الاقارب ولا يحبهم أبدا

لا يصلي بالمسجد أبدا خصوصا المسجد القريب من بيتنآ

هذي هي المشكله لا يحب وظيفته ما يروح أبدا

هالمشكله صار لها 8 سنوات

صرآحه احنا نعرف منهو المتسبب حسبي الله عليه اذا كان هو

الله لآ يوفقه ولا حول ولا قوة الا بالله

قهر والله العظيم قهر حرمه من اهم شيئين بالدنيا

المهم قبل سنه رحنا له وكلمناه وعلمناه بالمشكله لاننا قبل شاكين بالوضع
وبالقوه خليناه يجي للبيت ويقرا على اخوي
بعد ما قرا عليه صراحه مره يطول صوته ومره يقصر ما نسمع شي

بعدها بأسبوع تقريبا أستفرغ وتعافى الحمدلله ويذهب للمسجد ويزور الاقارب وكل شي تمام
المهم هذا الشخص يوم جاء يقرا على اخوي قال خلوه يجيني بعدين
بعدها بـ 6 أشهر بالضبط رآح اخوي لحاله له وانا صراحه ما كنت عارف انه بيروح

وبعدها جاء 3 ايام من بعد ما علمنا انه راح له يقول رحت له وشفته عند محل
بسلم عليه بس مثل ما قال لي يقول اول مانزلت من السياره بروح له يقول ويجيني شي يمسكني
ما اقدر اروح له وهو يشوفني بعدها من الخوف رجع للبيت أخوي وهو مريض مثل اول

مع العلم انه يوم تعافى علمنا بالمشكله كلها يقول انه مره مسكني وانا عند بقاله
واخذ من شعري يقول بعدها مدري وش صار فيني يحاول يتذكر مافيه امل

والحين رحنا له للمره الثانيه وقرا عليه بس في بيته وازعجنا يقول أخر مره تجوني
بس لما قرا عليه صأر اخوي يقرا قرآن الحمدلله ويصلي بس بالبيت
اما المسجد والاقارب للحين ما يقدر يقول تجيه ضيقه
يمال المرض اللي يأخذه ولا فيه فايده ابد ماهو فآك شي انا وش اسوي

تكفون عطوني حلولكم مع العلم اني ما اقدر اشكيه حاولت بس ما اقدر
يبون شهود وانا صراحه اذا فكرت اشكيه أمرض هذا الشخص مسيطر على قريه كامله
والله العظيم ما احد يفكر فيه الا يمرض خوافين الناس اللي عندي


الله يوفقكم عطوني حــل والله تعبت الشكوى لغير الله مذله

لكن الحل قريب وانا عاجز أعرف شنو هالحل

دمتم بحفظ الله وكفآكم شر الناس

يعني هو ساحر؟؟وساحر القريه ؟؟

الله العالم
بعد ما اشتكو اهل القريه منه وبدا يخاف انتقل لقريه قريبه منا
لكن حسبي الله عليه ابيه يفك اللي مسويه لخوي
تكفون انصحوني أروح له لبيته وأهدده ولا وش اسوي له

لولا غلات امي رحت له بس امي مو راضيه

استخير افضل

لا اظن ان فيه فآئده
ومثل ما قلت الشكوى لغير الله مذله

جزيت خيرا لا تدعو غير الله

رجآئي الموضوع يحذف وششكرآ

لا استطيع حذف الموضوع الا الموجودة بقسم السحر والعين والحسد
فرج الله كربك