دار الرقية الشرعية - من هول ماشفته وقف شعر راسي

هذه القصيدة للشاعر نمر منور السحيمي قبل وفاته بعدة ايام ،، رحمة الله عليه

جاني وانافي وسط ربعي وناسي

جاني نشلني مثل ماينشل الناس

مني نشل روح تشيل المآسي

تشكي من ايام الشقا تشكي الياس

أثر الالم في سكرة الموت قاسي

ماهالني مثله وانا انسان حساس

جابوا كفن ابيض مقاسه مقاسي

ولفوا به الجسم المحنط مع الراس

وشالوني اربع بالنعش ومتواسي

عليه ومغطى على جسمي لباس

وصلّوا علّي وكلهم في مآسي

ربعي ومعهم ناس من كل الاجناس

ياكيف سّوى عقبنا تاج راسي

وامي الحبيبة ويش سوّى بها الياس

اسمع صدى صوت يهز الرواسي

قولوا لها لا تلطم الخد ياناس

قولوا لها حق وتجرعت كاسي

لا تحترق كلا يبي يجرع الكاس

اصبحت في قبري ولا به مواسي

واسمع قريع نعولهم يوم تنداس

من يوم قفوا حل موثق لباسي

وعلي رد الروح انا صوت الاجراس

هيكل غريب وقال ليه التناسي

صوته رهيب وخلفه اثنين حراس

واقف يقول ان كنت يانمر ناسي

هذي هي اعمالك تقدم بكراس

ومن هول ماشفته وقف شعر راسي

وانهارت اعصابي ولا ارد الانفاس

ياليتني فكرت قبل انغماسي

بالغفلة اللي منتهاها للافلاس

وفزيت من نومي على صوت ناسي

واصرخ واقول ( الموت) واحّذرالناس

ياليتنا نعتبر قبل أن يصرعنا الموت ...وتقدم لنا الصحائف