|
قل ( عيدك مبارك ترى الليله العيد ),,, عيد الفطر ما
[align=center]
العيـــــــــــــــــــد
قل عيدك مبارك ترى الليله العيد
عيد الفطر ماهوب عيد الضحيـه
وش ينبغى بالعيد مادامـك بعيـد
وش ينبغى به وانت زعل ٍ عليـه
حب العرب ينقص وحبي لك يزيد
حبك صواب وحب غيرك خطيـه
اسهر الى نامت عيون الاجاويـد
مير الله اقوى ياالعيـون الشقيـه
لاتحسب اني سالي ٍ يااتلع الجيـد
تطري عليه كل صبـح وعشيـه
وحياة رفاع السما مروي البيـد
انـي عليـل وعلتـي باطنـيـه
ذبحتني ياحـول يافاتـن الغيـد
اثرك خـوي ٍ مايراعـي خويـه
لولاي اداري الهرج وادرا المناقيد
من خوفتي لايكثر الهـرج فيـه
لانهبك في غفلة عيون الحواسيد
واسكن انا واياك بارض ٍ خليـه
تبي الصراحه ياصدوق المواعيد
الحال من عقبـك تراهـا رديـه
عز الله انك ظبي من شرّد الصيد
واتعبت سادة قنـص وبوارديـه
لايامهددنـي بالابعـاد تهـديـد
يكفي التفاته منك تحسـب هديـه
بالله عايدني ترى الليلـه العيـد
عيد الفطر ماهوب عيد الضحيـه
للشاعر فهد المفرج التميمي -- أبو مشهور
[/align]
|