اختي اسأل الله لك الهدايه ..
واحب اقولك ان انا مريت بنفس قصتك ..
تعرفت على شاب بالشات وقلت له كلمه وحده هزته وهي من غير قصد ..قلت له ..طلبتك ارجوك لاتنسى فلانه >>اقصد نفسي
وتعلقت فيه وصرنا نتكلم بالمسن .. ومستحيل يمر العيد مايكون هو اول واحد اعايد به قبل الاهل ..تمر علينا اكثر من 9 ساعات ع النت
حب عظيم ..تقدرين تقولين انه عوضني الحنان والحب اللي فاقدته من اهلي ..
كان يرسل لي كلام اجلس لي اكثر من نص ساعه اقراه فيه مجلدات من الكلام والشوق والسوالف عن نفسه واهله ..
حبيته حب جنووووني بمعنى الكلمه ..
لكن كنت اخر شي افكر فيه اني اكلم اي شاب بالجوال ..
مريت علينا سنين على هالحال...
وجاء اليوم اللي اقول فيه لنفسي كفايه ذنوب كفايه ووهم اعيشه ..
حب من وراء شاشه .. ويش بستفيد ؟ وشنو نهايته؟ اي حب بالحرام نهاية مغلقه.. مالها غايه اوصل لها ..
كتبت له رساله واعتذار كتب له اني راح انسحب من حياته..واعتذر عن اني ما اقدر اكمل المشوار ..(ما اخفي عليك اني كذا مره حاولت مثلك وارجع له ثاني لكن في اخر مره احسمت الامر ) ارسل لي رسايل يتسائل ويحلف لي بحبه ويحلف انه قام يبكي علي ومن هالكلام اللي ماله اخر .
لكن سبحان الله رجع عقلي لراسي ..وجلست افكر يعني معقوله نت بطول وعرض ماراح يكلم غيري ؟ يعني اقلها يغير النك ويسولف مع اي وحده ..ما اعتقد بيدخل نت الا واكييد فيه بنات غيري ..وما اظن انه انا بس اللي مافي مثلي ..الا فيه الافضل
حاول فيني بكذا رسايل..لكن خلاااااااااااااااااااص قضي الامر
وعلشان احسم الامر لازم اسوي شي ..
شنو سويت ؟
حذفت المسن من جهازي بالكامل ..مابي اتكلم مع احد وقمت اشارك بمنتديات نسائيه ومش دايم ..دست على قلبي علشان ما اسوود وجه اهلي لان الشيطان شاطر وزي ماخلاني اني اتعرف على شاب بالمسن مش غريبه راح اتجرا واكلمه جوال .واهلي عائله محافظه..
المهم بعدها تزوجت وقلت هذا الزوج وصل واللي راح يعوضني بخير منه
لكن للاسف زوجي عنده جفاف وقحط عاطفي..رجعت للمعاناه اللي كنت اعانيها .. لكن والله مستحييل اني ارجع اكلم شاب او اتعرف بالمسن لاني راح استحقر نفسي ..
اختي اتمنى انك تستفيدي من قصتي ..واتركيه والله يعوضك بافضل منه ..
ووالله ثم والله حياته ماراح تتوقف عليك وراح يلقى غيرك وبينساك ...لكن لازم انتي تنقذين نفسك منه ..ولاتصدقين كل شي هو يقووله ..يمكن تقولين هو غير وصادق .. لكن هذا غير صحيح ..والشاطر من اتعظ من غيره ومايخلي نفسه عظه للغير
والله يسعدك ويوفقك ويهديك
|