دار الرقية الشرعية - عرض مشاركة واحدة - ايش أسوي مع أمي الله يسامحها الا نكدت علي العيد

الملف الشخصي · 24-Sep-2009, 11:31 AM

وردتنا

نفسي أعرف ياورد ليه كل الناس نظرتهم إن الحلوه هي الا حتتزوج وحتعيش سعيده ...... الخ
ياورده ترا كلنا واحد ما بيننا فرق الا بالتقوى أهم شيئ اخلاقك وسمعتك الجمال هذا شيئ زآآآآآآآآآآآآآئف وذاهب طال الزمان ولاقصر واقول للي تتمنى تكون جميله وتعمل عمليات تجميل وتغير خلقه الله من اجل كلمه حلوه أسألوني انا (إسئل مجرب ولا تسئل طبيب )والله ما استفدت منه ولا فائده غير جاب لي مشاكل انا مو قدها وإنتي أحمدي ربك ياورده على النعمه الا إنتي فيها والله لو تذوقي شوي من الا ذقته لاتكرهي الجمال تخيلي نفسك في كل مكان الناس تأكلك بعيونها أنا اكره هذا الشيئ مرررره وأحس نفسي غير مرتاحه ومرتبكه وكاني مراقبه ...... الحمد لله على كل حااااااال وإنا ياورد ابغى اقرا الرقيه الشرعيه واداوم عليها لكني اتضايق جدا منها وان شاء الله بعود نفسي عليها لاني شاكه في امري

دعواتك

ورد ....شاكره لك مرورك العطر

مشاكس

صدقت أهم شيئ رضى ربي اما الناس فرضاهم غايه لاتدرك انا ذليت نفسي لصاحباتي لأن مااقدر اجلس لوحدي تعرفو الجامعه اوقات طويله فاضيين اجلس مع مين ؟؟ ولما لقيت مانفع معهم برضهم يقولوا لي

يا........ ترى حتجني ثمره هذا التكبر )تركتهم وسرت اجلس في المصلى مع خالات قلوبهم نقيه وطيبه الله يعين والله إني شايله هم بداية الدراسة واقول هذه اول سنه لي في الجامعه تعذبت كل هذا العذاب النفسي الله يستر في الثلااثه السنين الجايه ماذا تخبئ لي الاقدار من اسرار

مشاكس شاكره لك ردك الطيب

شموخ

لا مااتوقع إن أبوي قايل لامي شيئ انا ملاحظه من زمان امي تغار مني وكانت دايما تقولي أبوك يعجبه الشعر الطويل لا تطلعي شعرك قدامه وانا اسمع كلامها واغطية عنه هيا من اول تغار لكن ماتبين الحين سارت تصرح وعلى فكره ترا امي عادي تخلي الشغاله تيجي قدام ابوي وتخليه يتفرج على التلفزيون هذا الا قاهرني يعني الغيره بس مني انا وأبوي ما ينخاف عليه رجل صاحب مبدأ وعاقل وكبير في السن (في الخمسينات )

وعن اللبس أنا لبسي دائما ساتر وغير شفاف

شموخ
شاكره لكم مروركم الطيب ونفسي اطنش وارتاح مثل ماقلتي لاكن قلبي حاااااار مااقدر

منتظره رحمه الله

انا ما اظن انها تغار مني انا متأكده ولا ايش تفسري كلامها هذا !!
وبعدين يا أختي انا اعتب عليك كيف ما تبغيني أقول للعميده والبنت مصورتني ! يعني أنتظر صوري تنزل في النت ولا اشوفها في البلى الملوث (البلوتوث )وبعدين أروح أقول للعميده

يا منتظره رحمه الله نحن في السعوديه تعرفي يعني ايش يعني عندنا مقوله تقول (البنت سمعه )يعني السمعه اهم شيئ وعندنا البنت الا تتصور وتنشر صورها والعياذ بالله سمعتها تروح في التراب جعلني الله اموت قبل هذا واكون نسيا منسيا احمد الله ان ارشدني لهذا الفعل ولا كان اش حالي الحمد لله وإذا كانت الا بتحافظ على سمعتها وعلى نفسها متكبره ومغروره فشرف لي ان اكون متكبره

منتظره

أنا أحس من لهجتك إنك مانتي من السعوديه صح ؟؟؟

المهم

وفوق هذا نحن عائله محافظه جدا جدا وعندهم النساء شيئ خطير فبالله كيف تبغيني أسكت واروح اتفاهم معاها لو لا سمح الله أنكرت مثل ماقال الاخ مشاكس و هربت ذيك الساعه فين أدورها هي وجوالها واصلا ماكان يمديني اتكلم في ذاك الوقت انا ما سمعت الكلمه من البنت الا قالت لي الله يستر عليها دنيا واخره انفجرت باكيه بصوتي أنا ما اتوقع إنك تنقتنعي بكلامي وتستشعري فداحة هذا الامر إلا إذا كنت من اهل السعوديه فكم وحده اعرفها تطلقت بسبب جوال كاميرا وكم بنت دمرت حياتها بسببه تدرين إن ابوي تنوم في المستشفى أرتفع عنده الضغط وانا تعالجت عند طبيب نفسي انا لما مسكوا البنت مجرمه متلبسه وصادروا الجوال وكسروه قدامي هانت علي هذه المصيبه وسرت احمد الله انها مارسلت الصور لأحد لكن لما رحت البيت ولقيت القوات المسلحه يخاصموني وكإن لي ذنب كلهم اخواني الاربع وامي وابويا كلهم يقولون لي انتي ماتنتبهي لنفسك طول عمرك على نياتك ماتصحصحي وجالسين يخاصمون
الله يسامحهم تعبوا لي نفسيتي

شاكره لك مرورك العطر

jjj jjj

الله يسعدك كما اسعدتيني ماتدرين قد ايش انا فرحانه فيك وفي دعائك لي في ظهر الغيب وبإذن الله لك بمثله والله مره فرحت الله يطيب خاطرك ويرفع قدرك ويبارك فيك
اختي
انا حافظه للقران الحمد لله لكن اسير داعيه مستحيل لان شخصيتي خجوله جدا وما تساعد وانتي صادقه مايعيش في هذا الزمن الا الاقوياء لكن ايش اسوي شخصيتي كده هادئه وضعيفه الحمد لله على كل حال مع اني بنت وحده في وسط 4 اولاد
jjj jjj

شاكره لك مرورك الطيب

ودي *_*

ميره

أبدا الوالده ماتمزح واضح من عيونها الجد والوالده الله يسامحها سويه لكن غيرتها غير سويه وعلى قولك العالم مليئ بالتعساء امثالي انا يوم العيد قلت لامي طيب ابوي يشوف كل شيئ في التلفزيون قالت لي : في فرق بين من هي خلف الشاشه ومن هي امامه في الواقع ووالله ياميره إني خائفه ان اكون جاحده لكن والله هذا الواقع وماذكرته لكم هو غيض من فيض ولا المشاكل الا القاها من هذه النعمه يشيب لها الراس لكن ماودي أغثكم بكلامي خليكم مبسوطين الله يسعدكم ويهنيكم

شاكره لك مرورك العطر

أم فهد

أنا اعمل بنصيحتك واحاول ما اتزين كثير مراعاه للحساد وضعاف النفوس والا معترضين على خلق الله وما يبغو احد احسن منهم بشيئ مع اني بغض النظر عن شكلي كمثلي من الفتيات مفطوره على حب الزينة فهذه فطرة النساء كما قال الله تعالى في سوره الشورى او الزخرف (أومن ينشؤا في الحلية وهو في الخصام غير مبين ) لكني خالفت فطرتي مراعاة لهم وأكتفيت بالقليل واسال الله ان يجيرني في مصيبتي ويخلف لي خير منها وصادقه والله الا مايخافوا الله كثير الله يرد كيدهم لنحرهم هي هذه البنت اعترفت لي انها صورتني لغرض سيئ لكن الله نصرني عليها ببركه الدعاء وانا كنت ما أبغى اكمل القصه لكم لأني خائفه الشيطان يدل هذه البنت على هذا المنتدى وتقرا القصه وتحسب أني متشمته فيها والله يشهد علي إني مااتشمت في احد الحمد لله لكني تحمست معاكم وبكمل لكم وش سار بعد ما انتهى موضوع التصوير انا كانت نفسيتي تعبانه غبت اسبوعين وبعد الاسبوعين لما رجعت والله طول ما امشي كإنهم متشمتين فيا اوقف عند المقصف اسمع ناس يتكلموا عني(هذه الا صوروها ) اطلع المصلى اسمع ناس يتكلموا فيا ويأشروا علي وواضح هذا لو حاولوا انهم يخبوا ماقدرت اتحمل وسرت دائما أدعي على هذه البنت الا صورتني والله كنت ادعي من أعماق قلبي وانا ساجده وأبكي واقول حسبي الله ونعم الوكيل واشعر ان جسدي كله يهتز ويقشعر عند هذه الكلمه كنت ادخل جو في الدعاء لدرجه اني انسى انا جالسه فين في المصلى ولا في غرفتي وكنت اكرر كثير حسبي الله ونعم الوكيل واشعر براحه بعدها وادعي بحضور قلب إن الله ينتقم لي منها والحمد لله بعد فتره عادت المياه الى مجاريها ورجعت انا لجامعتي والبنات ساروا ما يهرجوا عني الحمد لله ونسيت هذه البنت الا صورتني ويوم كنت جالسه كعادتي في المصلى دخلت هذه البنت (الا صورتني ) <<< شوفوا عظمة الله وإنتقامه من الظالمين ونصرته لدعوة المظلوم دخلت وحضنتني وجلست تبكي وتقولي سامحيني يا ....... وتبكي وتقول سامحيني طبعا اختكم في الله انا ما اتحمل هذه المواقف جلست ابكي معاها واقول لها ايش فيك جلست تبكي وقت طويل بعدين قالت لي : ايمن طلقني ........ ماكملت اسبوع متزوجه وطلقها الحمد لله الذي عافانا مما ابتلاها به وفضلنا على كثير ممن خلقهم تفضيلا أنا اتذكرت ايام ماكنت امشي معاها كانت دائما تحكيني عن خطيبها ايمن وانه يحبها وهي تبادله نفس الشعور والحين طلقها بعد زواجهم بأسبوع تقولي الفرح كان يوم الثلاثاء الثلاثاء الا بعده مباشره كانت عند اهلها وأنا كان نفسي أسئلها عن السبب لكن خفت تقول متشمته فيا فما سئلتها عن السبب لكن مصيبتي اهون بكثير والحمد لله فانا لم يتكلم احد في عرضي لأن هذا التصوير شيئ خارج عن إرادتي اما هي فطلقت بعد زواجها بأقل من أسبوع فالكل سار يتكلم عنها ويقولوا مافي رجال عاقل يطلق زوجته الا دافع لها مهر ومسوي زواج وتكاليف الا انه وجدها ........... يالطيف
شوفوا سبحان الله (وكذالك أخذ ربك إذا أخذ القرى وهي ظالمه إن اخذه اليم شديد) وفي الصحيحين عن أبي موسى رضي الله عنه قاال قال رسول االله صلى الله عليه وسلم

إن الله ليملي للظالم حتى إذا أخذه لم يفلته )فحذاري حذاري من الظلم واتقوا الدعوه التي ليس بينها وبين االله حجاب
ووالله اني حزنت عليها حزن شديد واسال الله ان يعوضها خير منه وأن يجيرها في مصيبتها ويخلف لها خير منه وانا صراحه امقت بنات هذه الجامعه عطشانين هرج بس ينتظروا حدث يسير خير ولا شر ويهرجوا فيه الله يصلحهم

(اللهم أخرجني من هذه الجامعه الظالم أهلها )

ام فهد

شاكره لك مرورك الرائع ونصيحتك الاروع

إحصائية مشاركات »
عدد المواضيـع :
عدد الـــــــردود :
المجمــــــــــوع :	144