اخوي عزيز الروح انا بعد ولادتي طفلي الثاني والحمل فية جا بعد حملي الاول بشهر ونص صلر عندي حالة غريبة صرت كاني في حلم وما احس اني متزوجة ولا كاني جبت اولاد واحس فية شي ثقيل على راسي او كاني اختفيت بس اراقب تصرفاتي والمرض يتطور بسرعة فظيعة بعد فترة صرت اشوف العالم غريب والناس من حولي كانهم اشباح كان مافية وجود لهذي الحياة يعني زي ماتقول احس اني جايه من عالم ثاني وصرت اشوف كل شي غريب حتى ملابسي مو كان انا اي اشتريتها واحيان اقول ليه الناس تلبس ملابس وليش ياكلون 000واشياء كثيرة ماتحظرني الحين ونسيان فضيع كاني فقدت الذاكرة ومافية ترابط بين ايامي ولا بين ماضية وحاضري اخوي ما ابغى اطول عليك انا رحت عند طبيب نفسي واعطاني زيبريكسا وديباكين كرونو وزادت الطين بله صارت حياتي نوم×نوم وهلاوس اذا خشيت في مرحلة النوم الاولى وبعد شهرين ماحسيت باي تحسن ورحت له وطلبت انه يعطيني جدول ونقصت العلاج بالتدريج لين ماقطعته نهائيا لكن حالتي من سئ الى اسوء وبعد عشر شهور تقريبا رحت لطبيبة ثانية وقالت عندي اكتئاب مابعد الولادة واظطراب وجداني ثنائي القطب واعطتني ايفكسور150 وليمكتال50 وسيروكسات20 ومنظم لظربات القلب ومنوم وتعبت من المنوم وقالت لي وقفية وانت يمكن عارف تكلفة هذي الادوية غير اضرارها على الجسم وباقي قدامي مشوار طويل من العلاج انا احس بتحس كبير عن قبل لكن احيان ترجع الحالة من جديد واروح لطبيبة وتزيد الجرعات او تضيف ادوية ثانية انا الي مضايقني اذا طلعت الشارع او ركبت السيارة احس ما كاني طلعت احس اني محبوسة جوات نفسي والله معرف كيف وكل الناس يستغربون من هذا الوصف لكن هذا الي حاصل معي الاحساس الثاني احيان احس ماني انثى احساسي بنفسي يتغير المشكلة كل شي اسوية نفس زمان يعني على اني انثى والف حمد وشكر تفكيري بالجنس مايكون شاذ وقتها كل شي طبيعي احيان احس انها مجرد وساوس واحيان احس اني مخلوق غريب لاذكر ولا انثى والله ياخوي هالاحاسيس مدمرة حياتي نفسي ارجع نفس اول احب اولادي واهتم فيهم لاني الحين لو واحد منهم لاسمح الله يموت قدامي ماتتحرك فية شعره مع اني كنت انسانه حساسة وعطوفه جدا اخوي يعني معقوله الاكتئاب يسوي كل هذا؟واذا كان نعم ممكن اتشافى باذن الله وارجع زي ماكنت اسفة طولت عليك لكن قلت اكتب معانتي وافضفض لان حتى اقرب الناس ملوا من كثر ما احكيلهم عن احاسيسي
وشكرالك
|