12-Jan-2011, 07:06 PM
|
رقم المشاركة : ( 11 )
|
|
عضو جديد
|
مزون
تدرين وش المشكله
اني ما ابين هذا الشي واكتمه ولا اقول لاحد ابدا
بعض الاحيان من الالم احس مافيه بكره
وبعض الاحيان احس اني ماحب اي شي
ودائما الكتمه واذا اشتدت اتسبح بمويه حاره جدا تخفف علي والله انها ابرد من اللي بصدري
طيب انا ابي اعيش مابي اموال مابي اولاد مابي شي
ابي بس اعيش براحه متى تكون الراحه يمكن اذا مت يمكن اذا انتهت حياتي كيف بتنهي حياتي باقي كثير كثير
وين كنت ووين صرت وماادري ليه هل انا اموت
او احتظر ولو الكلام صح ليه ما مت لين الحين
ابي اعيش لو كم يوم براحه
تخيلي اروح اصلي اروح النادي اطلع مع الشباب اشتري ملابس اطلع اكل استمتع باي شي
احس اني ماطلبت كنز قارون اشياء بسيطه جدا جدا
والله اني اشوف اهلي يروحون ويطلعون واقول ماشاء الله
هل انا تعبان او هم فيهم نشاط غير عادي
ولكن كل الناس فيها نشاط اذن انا تعبان
مزون نصيحه لا تقولين لاحد همك لانك بتتعبين عالفاضي
بس اذا جا يوم القيامه ابسال ربي ليه صارلي هذا الشي بعدها بتطمن واعرف وش صار
لانه خلاص ابقرا قران بجاهد نفسي بالصلاه ابحاول اعيش لاني خلاص انا اعتبر ميت
المشكله عمري صغير وش حيله العمر الجاي وشس اسوي به اختي الكبيره تقول انت بعد سنتين بتصير عجوز كان عمرك 70
واختي اللي تحت تقول ماراح يوصل عمرك ال30
بس يارب ابي اعيش ماابي اروح لساحر او مشعوذ عشان يشوف وش فيني لاني متوكل عليك ومن توكل على الله كفاه
والله ما اخفي عنكم ودي اتصل بساحر واقوله بس وش فيني بس اذكر ربي واقول
كيف استعين بواحد دايس عالقران ومنجسه ويلعن الدين ولا يعترف بالاديان وغير ذلك انه يعبد الشيطان
اترك ربي وارح للشيطان تناقض غريب لكن اللي مريض يبي الخلاص باي طريقه
لا تلوموني باني فكرت لاني كنت بحاله مايعلمها اللي اللي خلقني
الواحد يفكر باي شي عشان يطيب لكن اذا كان الشي متعلق اني التجي بساحر نجس قذر واترك الله
هذا شي ما ارضاه ابدا ابدا ولو كنت ادري اني بموت اجل اصبر كل هذا وبعدين يطير كلأني ماسويت شي
وبعدين وش الدنيا الا اختبار وابتلاء ويمكن اكون اتوقع ان هذا من انواع الابتلاء
انا مابي شي ابي بس اعيش عيشه طبيعيه جدا جدا
مابي قصر وساره فخمه وزوجه ورصيد بالبنك
ابي بس اعيش بدون الم بدون وهم وهم
ادري ربي يبتلي اللي يحبهم لكن لا يكلف الله نفسا الا وسعهاا
سبحانك ربي ارحمني انا واختي بالله مزون انك احن على الام على ولدها يا حنون يا غفار يا عليم اللهم انك تعلم ماتخفي الصدور يا منان امنن علي برحمتك قبل غضبك وبرضاك علينا انا ومزون ربي ان كانت الحياه خيرا لي فاحيني وان كانت شرا لي فامتني
يابديع السموات والارض انك انت الاول والاخر اعوذ بسلطانك القديم من الشيطان الرجيم
اللهم انك انت من خلقت فينا الالم والمرض والحزن والهم اللهم ازله منا
اللهم انك خلقت فينا هذه الاحاسيس لحكمه تعلمها ونجهلها اللهم ان كانت خيرا لنا فاختار ما تختاره اللهم لا اعتراض
اللهم ارحمنا وازل عنا همومناا اللهم بقدرتك وانك قادر عزيز اللهم انك عفو تحب العفو فاعفو عنا
اللهم اني لا ادري اغاضب انت علي ام لا
اللهم ان كنت غاضب فانب استغفرك بقوتك وعزتك وجلالك انت ترحمني
اللهم لا تكلني لنفسي طرفه عين
لا اله الا انت اني كنت من الظالمين
يامن نجيت موسى باليم وحفضته وطيبت خاطر امه يامن عافيت ايوب من الابتلاء يامن حفظت يونس في بطن الحوت يامن نجيت محمدا حين نسجت خيوط العنكبوت يامن قلت ادعوني استجب لكم
دعوناك ورجوناك واني اعلم انك على المؤمنين رحيم غفور اللهم اغفر لي ذنبي ويسر رزقي وابعدني عن الهم والغم بقدرتك استقدرك انك انت التواب الرحيم
|
|
التعديل الأخير تم بواسطة العقرب الفضي ; 12-Jan-2011 الساعة 07:16 PM
|
|
|
|