|
ناسٍ تنام مدهنة بزيت مقري
البارحه يوم اكثر العالم ارقود
عادت علي اللي تجي منين مدري
الضيقه اللي كل ماراحت تعود
مكانها مابين قلبي وصدري
ناسن تنام مدهنه في دهن عود
وناسن تنام مدهنه بزيت مقري
لاواهني اللي حلاله من الذود
تسعين وضحه كل ماضاق يسري
يسج معها كل ماهبت النود
يتبع مسيل السيل ف القاع يجري
ماهوب مثلي من اقرب انسان مجحود
الله يساامح من طعني بضهري
لو تستحي من فعلها ايامي السود
كان استحت مبطي ولاطال صبري
قدمت بالموجود لخاطر الجود
لين التفت ولابقا شي حدري
عطيت من عمري ولاشفت مردود
يالأسف للناس ضيعت عمري
اذا فرحو واجد على طيحت العود
هذا دليل انه فعل شي يغري
بوقف لحالي لخاطر الطيب والزود
اشره علي ان صغر الوقت كبري
والضيقه اللي كل ماراحت تعود
مصيرها عن داخل الصدر تسري
ابتدهن مثلهم في دهن عود
وان ضقت عندي لضيقتي زيت مقري
|