17-Aug-2011, 10:26 PM
|
رقم المشاركة : ( 5 )
|
|
عضو جديد
|
مرحبا، معقولة ياخوان سحر، لا مستحيل ومب مصدق ومن بيسحرني ياكافي وكيف اتأكد ان اللي فيني سحر، عاد انتو تقولون مأكول بعد وانا صدق عندي مشاكل كثيرة في المعدة راجعت اكثر من ثلاثين طبيب ومالقوا سبب طبي لحالتي ويعطوني ادوية واستفرغها وانا اصلا استفرغ حتى من السوائل احيانا واليوم بعد الفطور بعد ماكليت لقمتين وقمت وصليت ودخنت ورجعت البيت وحيست بثقل على المعدة وهي اصلا لقمتين وكوب عصير واستفرغت اللي اكلتة تكرمون ودائما احس بثقل في المعدة واستفرغ من دون سبب في الاسبوع مرتين اقل شيء، وازيد على هذا كلة احس بلوعة دايما والام في ضلوعي كن ضلوعي منرضة بدون سبب وظهري عموما والعمود الفقري متقوص بدون سبب وفيه الآم اسفل الظهر وطقطقة دايم اسمعها او اذا كنت منسدح وقمت ممتد الألم الى الرقبة، لا لا من يعني اللي بيسحرني حتى كنت قبل ماخذ احتياطي بشدة مفرطة من الشغالات اللي يشتغلون عندنا لاني اصلا كنت عصبي عليهم واهلي اذا بيسفرون شغالة يودونها السوق ويجن خواتي الكبار ومايخلون مغز ابرة في اغراضها الا ويفتشونه حتى اخر وحدة البنقالية حسبي الله عليها والله يانا توطيت في بطنها وكانت مسترجلة بنت اللي ماني بقايل بغت ترفع ايدها على امي جان اجي والعن والديها، الشغالة هاذي لقينا معها جوالي فاقدة من يوم جاتنا الجوال والشريحة ولقوا ذهب معها وملابس ماخذتها دون استئذان والجوال لقينا فيه فضايح تستاهل الجلد علية كانت اذا طلعنا كلنا من البيت الصباح للدوامات مدارس وعمل وامي نايمة الصباح ماتصحى الا 11 واختي الصغيرة في الروضة، كانت تدخل العمال حقين البلدية وتمارس الفاحشة معهم وحنا ولا دارين والله يانصدمنا صدمة شنيعة ومن عقبها صرت اذا شفت ابن امة بنقالي ولا غيرة حقين البلدية مسوي بريء وينظف عند الباب اجية وامسكة مع حلقة واقوله قسم بالله اذا شفتك هنا جلدتك لاعاد تنظف ولاشوفك انقلع حتى تمشكلت مع مهندس البلدية وعلمتة السالفة والشريحة كانت شريحتي سوا ومخلين الرقم تمرير مكالمات يعني تكلم 24 ساعه ببلاش ويوم شغلت الشريحة الا انواع الاتصالات عشرين الف رقم يكلم فكرت استدرجهم بس سحبت عليهم وانا ناقص< حنا وش دخلنا في السالفة ذي!!!ههههه(Talkative)، معليش بس احس بفراغ اجتماعي وودي اسولف، المهم (مس) ممكن الله يشفيني ويشفيكم يارب طيب بما انكم تقولون واصل مع راقي انا ودي انكم تدلوني عليه في الرياض ارجوكم، انا كنت اقرى على روحي قبل رمضان بس احس بتعب وصرف عن الرقية وانشغل وحاولت اقرى سورة البقرة بس طويلة واحس براحة كمان بس مادري شنو اللي يمنعني انا ابي راقي تكفون دلوني عليه في الرياض شرق الرياض السلي ولا النسيم ولا الروابي والربوة عموما مووجود بالشرق، وبالنسبة للحجامة انا متواعد مع حجام من البحرين بيجيني الرياض في شهر شوال إن شاء الله، شكراا لكل اللي رد عـ الموضوع وتعاطف معي جعل ربي يعافية ويشفية واسف على الاطالة في الموضوع.
|
|
|
|
|
|