اخوي العقرب
شدني كلامك :
المشكله عمري صغير وش حيله العمر الجاي وشس اسوي به اختي الكبيره تقول انت بعد سنتين بتصير عجوز كان عمرك 70
واختي اللي تحت تقول ماراح يوصل عمرك ال30
والله الذي لا اله الا هو سبحانه اهلي يقولون كأنك شايب وانا ع 25 التعب ارهقني ولا ادري ماهذا التعب
خالي في عمري يقولي كأنك شايب عيال اعمامي نفس الشي واصحابي نفس الشي
انا اعاني من الصداع وفقدان الوعي من سادس ابتدائي بدأت معي واول ما اغمي على كنت بالطابور الصباحي وكل مالها تزود ويزود التعب الى اليوم زادت الى دوخه ودوار وعدم اتزان من 4 سنوات كل الاطباء اللي رحت لهم قالو سليم ولله الحمد يشخصونها بأنها سبب اظطراب الدوره الدمويه يعطوني نفس العلاج مهدء للدوخه الى الان وانا اكتب الرد وبهالسنه جاني ضغط وقولون واملاح بالمثانه وتدميع العين بكثررره بدون سبب وارتفاع انزيمات الكبد التحاليل كلها سليم ولله الحمد لكن ارتفاع انزيمات الكبد بسبب دهون موجوده على الكبد الان استخدم حبوب الكرسترول لأزالة الدهون وتسهيل حركة الدم .
كل فتره يطلع لي شي اسوي رياضه اقول يمكن لأني ما اتحرك لكن اسوي رياضه قليله جدا ماتذكر اتعب من الدوخه ونفس الشي ممنوع من الجهد لأن عندي الكليتين على جهة اليمين سليمه ولله الحمد لكن ممنوع من الجهد .
انا مثلك اخوي العقرب انا عمر 25 والله تجيني اشياء لا ادري ماهي تعب ارهاق خمول تنميل يمشي من اطرافي على جسمي كله من فوق الى تحت احس دائما بالاغماء ماقدر اوقف 10 دقايق لا استطيع ابدا رغم ان المفروض بهالعمر الواحد مايشتكي الا من كتب الله عليه مرض او عارض .
عظامي تؤلمني اعصابي متوتره احس برجفات ونبضات داخليه ربما الاعصاب لا اعلم ماهي مابي اتزوج علشان ما اظلم بنت الناس معي لأني تعبان وظروفي الصحه تمنعني لا استطيع عمل اي شي بسبب الدوخه والارهاق والخمول والكسل .
الصلاة اصليها وانا جالس من الدوخه .
الراقي يقول لي انت فيك عين قويه وربما قديمه انا احلم احلام غريبه الفتره الاخيره احلم بثعابين تلدغني .
اذا جو اهلي يقوموني من النوم اقوم مفزووووع اكثر الاوقات احيان رجلي تهز بقووووه وانا نايم واقوم بسرعه
. الحمدلله الحمدلله الحمدلله
اللهم اجعل تعبنا ومصيبتنا وصبرنا على مصائبنا خيرا لنا اللهم امين
اللهم اجعل صبرنا هذا رفعة لنا بالدنيا والاخره اللهم امين
اللهم إنـا نعلم ان من احببته ابتليته ولترى مدى صبره على مصيبته اللهم انك تعلم بأننا ضعفاء وفقراء لانتحمل المصائب فخفف علينا وفرج همنا اللهم إنـــا نستغيثك ونترجاك ونطلب رضاك ورحمتك اللهم عوضنا بصبرنا رفعه وخير ورزق ورحمه ومغفره بالدنيا والاخره اللهم امين ...
|