13-Mar-2012, 03:24 PM
|
|
|
جزاك الله خير على الرد والله بكيت عندما قريت ردك
انا كنت في السابق استمر على اي برنامج علاجي يعطى لي احيانا شهر او اكثر لكن مع الوقت وصلت الى مرحله تركت كل شئ حتى الصلوات تكاسلت فيها خصوصا الفجر اصحى بدون منبه على الوقت بالضبط لكن ما اقدر ارفع راسي من على الوسادة احيانا احس بخوف واحيانا كسل
اتشجع يوم يومين واحس بنشاط والتزم بالسنن والعبادات ولما اوصل اليوم الثالث افتر واترك كل شئ تخيل حتى الدعاء ما اقدر ادعي احس بلخبطه وقت الدعاء احس ان دعائي ناقص والله ماراح يتقبله مني لاني اخلط بين العامي والادعية الماثورة
بالنسبه لزوجي كنا ماننام الا في حضن بعض بعد فترة صار يتهرب يقول ما احب احد يلزق فيني احس بالحر حتى في الشتاء بعد كذا صار ينام في غرفه ثانية بعذر انه عنده دوام والاطفال يزعجونه فصرت احط فراشنا عنده واروح في غرفه ثانية ولما ينامون الصغار اخذهم واروح عنده فلما يصحى واحد منهم ياخذ فرشته ويروح غرفه ثانية ومن فترة صرنا ننام في مكان واحد الى البارح اخذ فرشته وراح غرفة النوم لان البنت مارضت تنام وهو وراه دوام بدري
في الجماع ما اقدر استمتع الا اذا رحت في الخيال وطبعا لازم اغمض عيوني ولما اطالع فية ما استمر شوي وارجع اغمض والحين لنا فترة موقفين لان البنت صارت ماتنام وتضل صاحية الى وقت متاخر وزوجي حدة الساعة 2 وينام وكانها مسلطه علينا هي واخوها يصحون في نفس الساعة اخوها بالليل ينام بدري وهي ماتنام الا اذا نمنا انا وابوها ليش ما اعرف
بالنسبه لزيت الزيتون انا في منطقة تبوك وزوجي يبغى يجيب زيت من المعاصر اللي هنا لكن كل يوم يقول بكره ويرجع يجيب من البقاله لانه يستخدم الزيت بشكل كبير لان عنده اصابه في الظهر وانا استخدمه في السلطات وكل ماخلصت علبه يقول خلاص ماراح اجيب من البقالة ويرجع بعد فترة يجيب مع ان المعاصر قريبة مره
سورة البقرة انا كنت اقراها كامله في جلسة وحدة بعدين انقطعت ولما ارجع ما اكملها لو اكون متحمسة اقرى شوي واوقف او احس بالنوم والملل
انا نفسي احافظ على الصلوات الخمس مع اني احاول وصرت اصليها مع السنن لكن الحين صرت اترك بعض الاحيان سنة الظهر والمغرب وصلاة العشى كانها جبل على صدري احس رجولي ماتحملني لها اصلي بسرعة بعض الصلوت
اول ماصابني المرض شكيت انها عين لاني انجبت مرتين ورى بعض مافية فرق بين الحمل الاول والثاني الا شهرين وانا مرضت بعد ولادتي الثاني والطفل طلع عنده مشاكل صحية فعلشان كذذا اللي حولي يقولون يمكن صدمة لان الطفل طلع مريض او لاني حملت بسرعة بعد الاول فانا مو عارفه هي عين ولا صدمه نفسية
حاليا يجيني شعور بعدم الرغبة في العلاج ادري شي غلط بس ما اقدر اقاومه
يعني ممكن تكون عيون متجمعة من وانا صغيرة لاني في صغري شفت مرتين شي غريب ما احد شافه غيري مع اني اكون مع اطفال كثير لكن ما احد شاف الشي اللي شفته اشوف اشخاص اعرفهم وهم يكونون موجودين فعلا في المكان اللي انا فية لكن في غرفه ثانية اشوفهم يخترقون الباب ويدخلون وكانهم طايرين مو ماشين على الارض وكانهم خيال اجسامهم شفافه فانا كنت صغيرة ومو مستوعبة الشي اللي جالس يصير
انا ان شاء الله بحاول قد ما اقدر اقرى سورة البقرة اليوم وراح اكتب الاشياء اللي حسيت فيها
ربي يجزاك الفردوس الاعلى وشكرا لك على سعة صدرك
|