دار الرقية الشرعية - عرض مشاركة واحدة

الملف الشخصي · رقم المشاركة : ( 1 ) 07-Feb-2007, 03:53 PM

بقولكم موقف صار معاياهوه عن الجن الناس يخافون وانا اضحك لان الموقف صج يضحك

انا وحده مدمنه اغاني ما افارقهم<<الله يهديني<<<
المهم في مره كنت شابكه<<اللي يقولك مو كل يوم اشبك<<قتلكم الله يهديني>>
شوفو انا كنت قاعده بالصاله اللي فوق وداري قريبه ......
عاد كنت مخليه المسجله شغاله واذكر كانت اغنيه انجليزيه<<الثقافه مقطعتني سمله>>>

عاد اقولكم حسيت ان الصوت عالي رحت وقصرت ما مداني اطلع من الدارولا الصوت العالي رد!!!
شالسالفه ؟؟ قلت يمكن من الريموت مافيه بطاريه قام يخرف

بعدين رديت قصرت مره ثانيه ورديت مكاني ...
توني قعدت ولا الصوت رد !!!
انا هني عرفت الغمنده يعني اللي تعرفونهم

المهم رحت وشلعت الواير عشان الصوت العالي امله يرد <<ذكيه>>
عاد قعدت تقريبا صارت دقايق والصوت رد!!!! انا هني خليت كل شي شغال وركضه تحت

رحت ولا مافي غير الخدامه قعدت عندها والديانه بدت هني ؛ماخليت ايه ما قريتها ارتحت شوي....
وبعدين الخدامه قالت بروح الفرع

شنو الفرع هئ هئ
قتلها قعدي تخليني بروحي ..اهني صادتني قالت ماما الحين ييجي=امي الحين تيي...
قتلها عدي ما تروحين ,,قالتلي ليش كوف=خوف... قتلها نطري امي ...
المهم قعدنا نشوف فلم سيلاني وانا مثل المسبهه ولا شي فاهمه!!!!
وبعدين كوت الملابس وقالت بوديهم فوق ؟؟؟؟فوق لا يا معوده تقول فوق هههههههه
قالت تبي ييجي تعالي =تبين تيين تعالي ....
شسوي رحت ؛؛؛؛
والله يا جماعه المسجله شغاله ونفس الاغنيه !! انا هني ضحكت الا مت من الضحك

جان تقولي الخدامه كبله=خبله <<لسانها طويل >>>
عاد قتلها لا شفت فلم يضحك هههههههه<<الحبيبه رقعت السالفه>>>>
وجان زين تبت لا صرت مدمنه اكثر وكل ما اسمع الاغنيه اتذكر السالفه <<صج ينانوة اخر زمن>>
حتى الجن صارو مدمنين اغاني علمتهم عليها<<الحلوه مدرسه فاشله>>>
وهذي صتي ادعو الله يهديني

إحصائية مشاركات »
عدد المواضيـع :
عدد الـــــــردود :
المجمــــــــــوع :	27