جزى الله خيرا من ساعدني

بسم الله الرحمن الرحيم
الحمدلله رب العالمين والصلاة والسلام على أشرف المرسلين سيدنا وحبيبنا محمد وعلى آله وصحبه ومن سار على نهجه إلى يوم الدين
هذه أول مشاركة لي في هذا المنتدى,وأرجو من الله أن يرشدني إلى ما هو خير , بكتب عن الحالة اللي أنا فيها من 4 أو 5 سنوات....وجزى الله خير اللي يساعدني ويدلني على الطريق الصح,أنا من تتزوجت صار لي 11 سنة أول 6 سنوات ما كان فيني شيء كنت زوجة عادية تهتم بنفسها وبزوجها وبعيالها والحمدلله كنت أقرب من الله عن وضعي الحالي,لكن اللي صار انقلبت الموازين كلها لا عدت أهتم بنفسي ولا بزوجي ولا بعيالي(إهمال فظيع) ولا ببيتي لدرجة إن اللي يدخل البيت ما يتوقع إنه أحد عايش فيه!!! صرت أتهرب من اللي يبي يزورني , ولا عدت أزور أحد , عيالي تصير لهم حوادث تضطرني أوديهم للمستشفيات بسم الله عليكم , وكنت دايما أستغرب من حالتي وياهم وأقول أكيد أنا مذنبة ذنب عظيم, وأطلع صدقات عنهم ولله الحمد , بس ما لاحظت إنه الحالة خفت!!!! وأهلي دايما ينصحوني برقيتهم, لكن أنا ما أرقيهم وبصراحة ما كنت أحب أحد يكلمني عن الرقية , أو التحصينات أو قراءة القرآن وخاصة قراءة القرآن أحس بضيق بس مجرد ما أنوي بالقراءة, لاحظت من فترة بسيطة وأنا قاعدة مع عيالي عند التلفاز وكان الشيخ سعود الشريم يقرأ, بضيق غريب ما قدرت أتحمله , فطلعت من الغرفة وقعدت مكان بعيد فحسيت براحة, لو أقولكم إن خلال هالسنوات الخمس ما مسكت القرآن إلا في رمضان ولا قدرت أختمه أبدا, وصلاتي دايما أأديها في الوقت الضايع يعني صلاة الظهر قبل ما يأذن العصر والعصر قبل المغرب بدقايق والمغرب بعد ما تظلم الدنيا وهكذا بتقولون يمكن أكون مشغولة في شيء أبدا أكون جالسة ما عندي شغل بس أقول في نفسي طيب بعد شوي بقوم اصلي .....من غير الكسل والخموووووووول شيء مو طبيعي طبعا و الحالة النفسية حدث ولا حرج ضيق بدون قياس أحب الوحدة والعزلة وإذا طلعت مع زوجي وعيالي بسرعة أمل وأطلب من زوجي يرجعني, صرت عصبية جدا ما أتحمل أحد , والمصيبة صرت أدعي على عيالي بالموت عشان أرتاح وبعدين أندم وأخاف عليهم وأستغرب كيف دعيت عليهم والله الشاهد إنهم مؤدبين وخدومين عمرهم ما غلطوا علي, بس ما أتحمل لعبهم مع بعض أو أحيانا مشاجراتهم , وبكلمكم عن بنتي , في المدرسة ما تحب تلعب مع أحد ولا تستجيب للمعلمة, فنادوني وكلموني عنها وقالوا لي بتنك غريبة الطباع وكأنها جايه من العصر الحجري , ما تعرف شيء أبدا كل ما يسألونها عن صورة لأي شيء تعطيهم انطباع إنها اول مرة تشوف هالشيء, وديتها عند كذا دكتور, وقالوا لي بنتك سليمة ما فيها شيء, بس لازالت الحالة فيها شكيت إنه يكون فيها (توحد) بس الحمدلله ما فيها , هذي البنت يوم كانت صغيرة كانت إذا بكت يزرق وجهها وما تقدر تتنفس, وفي مرة أغمى عليها, وإذا ناظرت عيونها تشوف العينين مش طبيعية يعني كل سواد لوحده مثل الحول مع إنه عينها طبيعية ما فيها حول , والمشكلة اللي جدت الحين وخلاني أشترك في هالمنتدى الطيب هو اثنين من بناتي بدا يطلع لهم خراج بشكل يخوف في كل جسمهم مش حبة أو اثنين لا..... حبوب ما يعلم بها إلا ربي وديتهم أطباء جلديين بس ما عرفوا السبب ولا حصلت عندهم علاج!!! والله قلبي يتقطع عليهم من الألم اللي يحسوبه وأنا مش قادرة أخفف عنهم........ الشكوى لله سبحانه وتعالى بس أنا أبغي أحد يدلني ويش أسوي........وهل هو عين صابتنا أو سحر أو مس؟؟؟ في وحدة من أهلي يوم كانت في مكة حلمت بيتي وكانوا يورونها علبة يطلع منها شعر وأشياء وقالوا لها هذاسحر في بيت فلانة(أنا) واللي جايبتنه فلانة(وحدة من معارفنا) وهذي فلانة الاخيرة لازالت تجيني البيت والغريب أن بنتي اللي يطلع لها الخراج شافتها في المنام وهي تسوي أشياء غريبة في بيتنا ويطلع منها صوت غريب يخوف ومسكت اخوانها عن يروحون لها وتقولهم(بنتي) لا تروحون عند فلانة هذي تسوي أشياء غلط!!! مع إنهم في الواقع يحبونها, وكان حلمها يوم الجمعة ولما كلمتني عن الحلم انجرح ولدي جرح غزير وعملوا له خياطة والله المستعان

أختى فى الله عليك بالرقية الشرعية



سماع القرآن الكريم ,ادعية كثيرة يدهب الله البأس



هناك اشياء لايمكن للإنسان أن يعرف مابه


عين شريرة حسد وبغض من أخرين


وهناك سحر وهناك جن وضرر كل شيء ممكن


ولكن الحمد لله على نعمة الإسلام ـ إقرئى القرآن بنية طرد الشيطان


وبنية فك السحر ، وبنية طرد شر العين والله المستعان



والسلام عليكم ورحمة الله وبراكته

اسأل الله العظيم رب العرش الكريم أن يشفيك