دار العجزة هل هو نكران للجميل ؟

size=4]دار العجزة هل هو نكران للجميل ؟[/size]



السلام عليكم


دار العجزة ظاهر منتشرة .. مثيرة للجدل بصورة واضحة

وأغلب المجتمعات حاليا تثير الاستنكار ....


كثير من الناس يرفضونها معتبرينها شكل من اشكال العقوق للوالدين ...


وطبعا وجهة النظر هذه مرتبطة بالقيم الاجتماعية والدينية الموروثة بمجتمعاتنا


ونعتبر كلنا أن رعاية الوالدين عند كبرهما جزء من رد الجميل


وجزء ثاني من المجتمع يقول :


إن مبدأ دار العجزة يساعد كبار السن على مشكلة الهرم التي من الممكن ألا يتحملها الأولاد وتشكل عبء كبير لهم و زوجاتهم



الأن ...... وبعيدا عن وجهات النظر جميعها ....

انت ماهو رأيك وبصراحة ؟؟؟


* هل تعتقد أن فكرة دار العجزة عقوق للوالدين ؟


* أم أنها حل عملي يبتعد عن الكلام والنظريات ؟


* هل ترى أنه نكران للجميل أم تصرف طبيعي ؟
*************
قصيدة
تقول فيها الأم لابنها


وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك*** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك ***ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك ****واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك*** هذا جزا المعروف وهذا جزايـا

يـا ليتنـي خدامـة بيـن اياديـك ****من شان اشوفك كل يوم برضايـا

مشكور يا ولدي وتشكر مساعيـك*** وادعـي لـك الله دايـم بالهدايـا

حمدان يا حمـدان امـك توصيـك*** اخاف من تلحق تشوف الوصايـا

اوصيت دكتور المصحه بيعطيـك*** رسالتي واحروفهـا مـن بكايـا

وان مت لا تبخل علـي بدعاويـك*** واطلب لي الغفران وهذا رجايـا

وامطر تراب القبر بدموع عينيـك*** ما عـاد ينفعـك النـدم والنعايـا


منقول

تسلمين بارك الله فيك
واصلي تميزك

جزاك الله خيرا

اخي

الشاعر نت