اعراضي وش تدل عليه بالله ساعدوني

انا فتاه ابلغ من العمر18سنه
مشكلتي متعبتني مادري وش اللي فيني بالظبط اولا حساسه مره وماحب اتكلم مع الناس بسبب ارتباكي واحمرار في وجهي وثانيا انا مخطوبه واحب خطيبي مررره بس لما اقابله او اكلمه او ارسله احس اني اكرهه كره شديدوأندم على رسايلي ومكالماتي والحين رفضت اكلمه او اشوفه ولا احب احد يقولي زوجك بيجي او يتكلمون عنه احس بضيقه او اذا فكرت بليلة زواجي تجيني برودة وحكه بظهري وبيوم الشوفه كنت مستعده وفرحانه اني ابشوفه بس لما دخلت عليه تغيرت صوت
نفسي صار قوي قرب مني قمت ارتعد ابيه يبعد عني لأني تضايقت...مع اني والله احبه حب قوي بس مادري وش السبب هذا اللي يخليني اتضايق منه بالله ساعدوني وقولولي وش السبب نفس او عين وبعدين اذاصليت وخلصت تجي دقات قلبي قويييييييييه واحس بضيق تنفس واعجز اقرأ قران اتضايق عند قرائتي له واذا نمت احس بثقل بظهري وايديني...والله يعلم انه غصب علي...واكره جلوسي مع خواتي المتزوجات او اتحدث معهن وانا ماكنت كذا ابد كنت اجتماعيه احب الناس ملتزمه ولله الحمد ولكن الشكوى لله ثم لكم

بسم الله الرحمن الرحيم
اولا انا مادري وش هذي الاعراض بالضبط بس حبيت اقولك حاولي تقرين الرقية وراح تحسين نفسك احسن
ثانيا دامك تحبين خطيبك لا تبيني لة شي والله يخليك تمسكي فية ولاتخلينة ابد عشان ماتندمين بعدين
ثالثا وسواء كان عين او نظرة اوحتى مرض نفسي مافية احسن من القران
وربي انشالله يوفقك وتتزوجين وتنسين كل هذي الاشياء وربي يرزقك بالذرية الصالحة ويسخرلك زوجك
واسفة اذا ماقدرت افيدك

مشكلة يقع فيها معظم المرضى الاهتمام بالتشخيص وترك العلاج يا ابنتي نصيحة لك لاتبحثي عن التشخيص في المنتديات فالتشخيص لايتم الااثناء الرقية وملاحظة الراقي للمريض عند اي الايات يتأثر اما اسئلة تشخيص الحالة فهي تقرب نوعا ما للراقي التشخيص .

ابدئي بالتوكل على الله والاستعانة به
ثم برقية نفسك الشغله سهلة ومافيها عقد اطبعي الرقية الشرعية الايات والدعاء واقرئيها على نفسك بنية الشفاء وانفثي على ماء وزيت اشربي من الماء المرقي وتدهني بالزيت
التزمي بالرقية يوميا
واقرئي سورة البقرة يوميا وصلي وادعي واستغفري
ودائما حصني نفسك بعد صلاتي الفجر والمغرب بالمعوذات وآية الكرسي
وتوكلي على الله وان شاء الله مافيك الا العافية .

يااختي الغاليه :

اسأل الله العظيم رب العرش العظيم ان يشفيك ومرضى المسلمين

اختي اهم شي توكلي على الحي القيوم والزمي الاستغفار والدعاء والتحصن صباحا ومساءا وعند النوم

واهتمي بالأذكار المكانيه والزمانيه .

اذكر وحده مثل قصتك يوميا تقرأ البقره وماشاء الله تم زواجها على خير

انتي ادعي بدعاء الهم والحزن واسألي الله من فضله وابدئي بقراءة سورة البقره

بس احرصي تقرئينها بصوت وانفثي بماء واشربيه راح ترتاحين

ولو تابعت مع راقي بعد الاستخاره يكون افضل الله يتمم لك زواجك على خير ويسعدك يارب..

حبيبتي انا كنت مثلك وبالفعل اموت بخطيبي ويموت فيني لكن كنت احيانا اتعب واحس بمشاعر غريبه وخوف وما اتخيل ليلة الدخله وواظبت على سورة البقره والاستغفار فتره وتحسنت وتركتهم بعدين تعسرت اموري وانفصلنا وتزوجت غيره وتعب زوجي وانفصلت بعدين انتبهت لنفسي اني لازم التزم بالرقيه واكتشفت اني مصابه بحسد وعيون وطبعا مس والحمدلله قاعده اتعالج مع الشيخ متعب واسأل الله ان يجزيه عني كل خير فقد كان ولازال خير معين لي على نفسي يتابع حالتي ويرقيني والحمدلله انا ماشيه عالرقيه
واملي فالله كل خير