السلام عليكم

مشكلتنا والدي يااستاذه

والدي صاحب شخصيتين مناقضتين واعذريني عالاطاله لان المشكله طويله ومشبكه ومتسلسله

والدي طلع عالدنيا يتيم الام وعاش هنا وهنا ..وزوجه ابوه كانت تطرده دايم ..فعاش اغلب حياته ومن صغره لوحده ..كان ينام بالبر ..بأي مكان يفرش وينام ..
انا اقول كذا لاني اشك انه طبيعي

وكبر وهو صاحب مشاكل الكل يشتكي منه تصرفاته كلها اذيه للي حوله وقبلها نفسه
وتزوج امي ونفس الشي حاله هو حاله صاحب مشاكل


يكذب يفتري ينصب يلف ويدور ماتقدرين تعرفين صدق كلامه

مع انه متعلم ويفهم زين صاحي يعني بس يستخدم الاساليب الملتويه دايما ومتعبنا معه
يضرب نفسه اذا عصب لدرجه يوجع نفسه يكسر الاغراض لو قلنا خربت او محتاجه تصليح مثلا"ويقطع الفلوس


واول موقف شافته امي حرق نفسه وللحين اثره موجود فيه

يهدد دايم يتقل نفسه مره المسدس بفمه ومره سكين ببطنه

قدامنا كلنا لدرجه اننا تعودنا ع المواقف هذي ..لانه جبان بس يخوفننا

حتى قدام احفاده يلكم نفسه ..مفشلنا

لوبالشارع مسكت مره منزل اخوي الصغير عندالاشاره وخانقه ..كذا من النوع هذا

كلنا لنا ذكريات معه

مايحب نجاحنا لازم كل واحد فينا يحاول يخرب عليه البكالوريا عشان يقول فاشلين


ومرات لا يحبنا ويحاول يرضينا وطبعا "كل شي عنده بالفلوس ينحل

يسولف علينا عندالناس بكلام ماصا راننا نكره نضربه تخيلي يااستاذه

ينقل اخبار البيت ويقول انتم اللي تسولفون

يصف مع اعداء لنا ضدنا
زوجنا رجال موكفوا عشان الفلوس بس

مع انه مقتدر


كان وحنا صغار يؤذي نفسه اكثر وان زعل احدمنا يأخذه يرضيه بعدين

اما االحين

بخيل مره
مايصرف علينا الاغراض البيت احيانا لا

الي كان بالكراتين يجيب لنا

كل هذا مومهم
الحين حنا بنات من بيتزوجنا وهو كذا تصرفاته وش بنقول لهم عنه

وهو يحرشهم علينا ويتكلم كلام ماينقال والغريب بيصدق بيقول ابوهم يقول عنهم كذا اننا نضربه ونكره واننا مو زينين وامنا هي اللي تحرشنا عليهم انا الحين مطلقه واختي بعد بسببه

كان نظيف الحين لوتوه متحمم له ريحه قويه تفشل ثيابه وسخه ومقطعه ليه وانت عندك ؟؟

لو جلستي معه وسمعتيه تقولين مسكين ظالمينه عياله

وهومايرضى نخدمه يزعل

انا احس انه موطبيعي

مع العلم انه مايسكو من لاسكر ولاضغط

وعمره قرب للستين

ويضرب نفسه

ويسب وصار يقول كلام وسخ
واذا حاولتي تهدينه يزود

واذا طنشنا يسكت ويهدأ بعد شوي



يا استاذه تخيلي انه يشرب من موالمغاسل اللي موصحيه ؟؟ليه ويأكل خبز معفن ..ليه

والله اني ماابالغ

مع انه بالاماكن زي المحاكم يطلع عاقل ومحترم ويمسك نفسه عن حركاته


وش الحل معه ؟؟وش مرضه


ولمتى واحنا كذا معه؟؟

بسم الله الرحمن الرحيم

السلام عليكم ورحمة الله وبركاته

اختي الغالية ساراان مشكلة والدك تحتاج وبسرعة الي تدخل سريع من خلال وحدة طب نفسي ( مستشفى صحة نفسية) ويعمل له اختبارت نفسيه وتحديد العلاج الكيميائي والنفسي والاجتماعي والسلوكي .

اعلمي ان اي تاخر ممكن يكون فيه خطورة عليكم وعلى والدك لان والدك وصل الى مرحلة لايمكن التحكم في افعاله الا من خلال معالجة نفسية مكثفة .