أي سؤال أو أستشارة في الطب النفسي وعلاجه أدويته تفضل هنا

السلام عليكم انا ام بدر صديقه جديده...............................احيكم على جهودكم

السلام عليكم ورحمةالله وبركاته
[frame="1 80"][marq="3;right;3;alternate"]هل مازلت يا اخ عزيز في خدمة الاستشاره ؟؟؟؟؟؟؟؟؟[/marq][/frame]

السلام عليكم ورحمة الله وبركاته
ودي تساعدني في مشكلتي عندي حالة نتف الشعر وماقدرت ابتعد عنها
انتف شعر راسي لما افكر ولما اغضب صارت عندي عادة
صار شعري خفيف واستحي مااقدر اخلي حد يشوفوا والحين مااقدر اطلع للمناسبات الا وانا مغطاه شعري بشي او واضعة باروك

يسلموووو احس بتوتر مااقدر اضبط وضعي واكره الروتين وكل دقيقه اغير حياتي واحس بتوتر ثم اغير وضعي واحس بتوتر ك دقيقه اطفش من نفسي

السلام عليكم ياخوي
حبيت استشيرك في مرض الرهاب الاجتماعي
جاني فجأه وانا الحمدالله انسانه اجتماعيه احب اخالط الناس
وماعمري شلت هم الزحمه والتجمعات
الحين صرت اتوتر وعظامي تتنافض مااقدر اضبط روحي اببببببببببد
يدي تعورني من فتره لفتره وبعد رجولي نغس الشي تعورني
وقالوا لي زميلاتي يمكن فيك فقر دم
سويت تحاليل قالوا لي سليمه
وبعدين عرفت من خلال تصفحي النت ان هالحاله رهاب اجتماعي
كيف بالله اقدر اتخلص من هالمرض
بعض المرات الغي مقابلاتي مع الصديقاتي بسبب هالشي
وصرت اكرهه سالفه الزواج
لو احد قالي في احد بيخطبك ارفض مقابلتهم لاني عارفه اني بتنفشل بسبب هالنفضه
ياليت يكون فيه علاج سريع لحالتي الله يرضى عليك

انا دايم مكتئبه ومتضايقه على الرغم من ادائي للعبادات وحفظي للقرآن..
اصبحت اكره زيارة احد لناااااااا
واتكاااااسل عن الخروج لاي مكااااااان
وسبحان الله شكلي الخارجي لايظهر ذالك
لاكني تعبت من هالشعور واسأل نفسي دايما ليه اصبحت كذا؟؟
لااعرف هل مشكلتي نفسيه ام روحيه؟؟

ابي حل لمشكلتي ابوي الموسوس كل يوم يتخيل اني امي تخونه بالفراش وبالحمام مع رجل ويحلف



انه شاف الرجل, ويقفل الابواب على امي مايخليها تطلع.

ابوي عمره60سنةوفيه سكروضغط ولايصلي ولايسيرعلى احد بس يغيرقفول البيت هذا شغلته



شننوالحل؟بانه يتخيل ان رجال داخل على امي و<يفعل الفاحشة> اعذرني على صراحتي ودي اوديه طبيب نفسي بس موراضي ؟؟

مشكووور كثييير احس بقلق وتوتر وعصبيه وكره وملل وكسل وخمول كل وقتي كذا ومخي يشتغل 26ساعه ابغى اي حبه تريحني اسمها وين القاها الف شكر

اقتباس:
المشاركة الأصلية كتبت بواسطة بارقة
السلام عليكم ورحمة الله وبركاته
ودي تساعدني في مشكلتي عندي حالة نتف الشعر وماقدرت ابتعد عنها
انتف شعر راسي لما افكر ولما اغضب صارت عندي عادة
صار شعري خفيف واستحي مااقدر اخلي حد يشوفوا والحين مااقدر اطلع للمناسبات الا وانا مغطاه شعري بشي او واضعة باروك



حاولي تسيطرين على اعصابج يوم تحسين عمرج معصبه قبل ما تنفعلين عدي من 1 يلين 10 كل مره سوي كذا برمجي عقلج على العد بعد العد تعوذي من الشيطان أشربي كليل جبل كل يوم صبح مساء يساعد على الأسترخاء تحصليه عند
اي عطار لو مانفع وياج هالأسلوب مب عيب تراجعي دكتور أعصابي بس لا تتورطين في الادوية نفسية أنصحج بطارق حبيب لو أنتي من سعودية يعالج من غير ادوية

اقتباس:
المشاركة الأصلية كتبت بواسطة هجير نمر
يسلموووو احس بتوتر مااقدر اضبط وضعي واكره الروتين وكل دقيقه اغير حياتي واحس بتوتر ثم اغير وضعي واحس بتوتر ك دقيقه اطفش من نفسي


كل شخص كل انسان منا كان سليم ولا غير سليم يتوتر يحس بملل روتين حط هدف في حياتك أشغل نفسك بالك في هذه الهدف أسعى لتحقيق هذه الهدف راح تنسى لانه لما مخك يشتغل في أمور ثانيه راح يتبرمج على تفكير في امور اهم من الروتين لو حاب تراجع دكتور اعصاب راجع يساعدك على تفكير الأيجابي لأنه لا تورط نفسك بالأدوية نفسية تدخلك في دوامة دوم توكل على الله حاول تسافر تغير جو لو تقدر

اقتباس:
المشاركة الأصلية كتبت بواسطة ربي حبيبي
السلام عليكم ياخوي
حبيت استشيرك في مرض الرهاب الاجتماعي
جاني فجأه وانا الحمدالله انسانه اجتماعيه احب اخالط الناس
وماعمري شلت هم الزحمه والتجمعات
الحين صرت اتوتر وعظامي تتنافض مااقدر اضبط روحي اببببببببببد
يدي تعورني من فتره لفتره وبعد رجولي نغس الشي تعورني
وقالوا لي زميلاتي يمكن فيك فقر دم
سويت تحاليل قالوا لي سليمه
وبعدين عرفت من خلال تصفحي النت ان هالحاله رهاب اجتماعي
كيف بالله اقدر اتخلص من هالمرض
بعض المرات الغي مقابلاتي مع الصديقاتي بسبب هالشي
وصرت اكرهه سالفه الزواج
لو احد قالي في احد بيخطبك ارفض مقابلتهم لاني عارفه اني بتنفشل بسبب هالنفضه
ياليت يكون فيه علاج سريع لحالتي الله يرضى عليك



أنصحك تسيري عن شيخ تقي لاني اعتقد الله اعلم عندك حسد قوي تتخلصين من مرض في تحدي مرض في حال شيوخ ما ساعدونك يعني تحدي مخاوفك لانه ما أنصحك بالادوية نفسية طبعا تحدي مخاووفك عن طريق انه يكون حد يساعدك يدعمك من أصدقاءك وأهلك يعني لو سرتي اي مناسبة سيري معاهم وشوي شوي تغلبي على مخاوفك بتدريج مب دفعة وحده لو أنتي من سعودية أنصحك بدكتور طارق حبيب أبعدي الوساس من راسك لا تمي تفكري بالموضوع تعوذي دوم من الشيطان مثل ماذكرت لأخ فوق في حالة توتر قوي خذي نفس عدي من واحد لعشره
لو تتصفحين في المنتديات لا تشوفين الناس إلى تبكي دم من الأدوية نفسيه إلى سببت لها أمراض نفسية أكثرو أكثر مب قادره تتركها ولا قادره تكمل معاها تشوفين كل يوم يغير المريض من دواء لدواء في أدوية لقلق توتر اعتقد تفيدك خفيفة الأدمان ممكن تتركينها

مثل دواء دوجماتيل
بس طبعا راجعي دكتور ما أقدر اقولك من عندي انا مب دكتور انا همي أكثر من هموم كل الموجودين أنا ياأختي كنت فار تجارب عند ناس ماعندها ضمير من كثر قراءتي بحثي في طب نفسي روحي طب العضوي بحث عن علاج لي اكتسبت الخبرة الحمدالله
لكن بعدني مبتلي والحمدالله الله لما يحب عبد يبتليه بس أعتقد مشكلتك انتي بسيطه بس كثر تفكير في الموضوع صارت كبيرة راجعي دكتور بخصوص يدك ورجلك في دواء غالي سعر الألم بس ينعس سعره غالي اسمه ليركيا أكتبي عن الدواء أقريه هو بعد ممتاز يهدي الاعصاب بس لا تاخذي شي دون أستشارة طبيب

اقتباس:
المشاركة الأصلية كتبت بواسطة الريم
انا دايم مكتئبه ومتضايقه على الرغم من ادائي للعبادات وحفظي للقرآن..
اصبحت اكره زيارة احد لناااااااا
واتكاااااسل عن الخروج لاي مكااااااان
وسبحان الله شكلي الخارجي لايظهر ذالك
لاكني تعبت من هالشعور واسأل نفسي دايما ليه اصبحت كذا؟؟
لااعرف هل مشكلتي نفسيه ام روحيه؟؟



يا أختي سرتي عند شيوخ سيري عند شيوخ يمكن مشكلتك روحية بس لا تكثير منهم عشان ما تدخلي في دوامه كل واحد يقول لك عندك شي شوفي واحد مشهور تقي روحي له يرقى عليج في حال ما طلع عندك شي حاولي تغيري من نمط حياتج أطلعي ليش ما تطلعي قولي أنا مب مريضه هذه كله وسواس من شيطان حاولي سفر تغير جو الحياة يا اختي أعرف نحن زوار في هالدنيا ماهي دايمه أستغل كل دقيقة فيها بالخير لانه الدنيا ماهي غير تذكرة سفر بوابة عبور الحياة الأبدية يا تكسبها تسافر تروح جنة يا نار كم الواحد راح يعيش في هالدنيا ساعة ساعتين يوم يومين شهر شهرين سنة سنتين 100 سنة بعدين خلاص وين ويا أعمالك في القبر يلين يوم القيامة طبعا تنقل لحياة برزخ طبعا حياة روعة للمؤمن الصالح

هالكلام للجميع طبعا أنتي مشاء الله عليج ما مقصره في من ناحية العبادات من ناحية رب العالمين لازم تفكير في هالشي تدخلين سرور بقلبك لا تفكير في كذا كذا وكذا تقولي انا مب ليش مثل فلان وفلان وفلان قولي انا أحسن من فلان فلان فلان شوفي الأيجبايات إلى عندج بخصوص الاكتئاب هذه بيزول لو غيرتي تحديتي أفكارك برمجتي عقلك عرفتي تحصلين مفتاح سعادة رغم اني اشوف متفاح سعادة عندج العبادة الصلاة وراحت بال باقي مايسوى طبعا للنفس بعد حق أنه تكون سعيدة لو ما قدرتي راجعي دكتور طارق حبيبي الوحيد يعالج من اغير ادوية في عشبة أسمها عشبة الجونز عشبة حشيشة القلب أقري عنها في قوقول اكتبيها ما عليها أدمان وللجميع بعد إلى ما تعجبه يحس بتعب وقلق أكثر يتركها

أحسن الانواع تنباع في شركة gnc.com.sa هذ موقع شركة في سعودية غير سعودية تدخلين الأعشاب بتحصلينها أخر وحده لي موضوع كاتبه في المنتدى عنها لو حصلته أرسل لج الموضوع

وسلام علييكم

اقتباس:
المشاركة الأصلية كتبت بواسطة وردة شفايف
ابي حل لمشكلتي ابوي الموسوس كل يوم يتخيل اني امي تخونه بالفراش وبالحمام مع رجل ويحلف



انه شاف الرجل, ويقفل الابواب على امي مايخليها تطلع.

ابوي عمره60سنةوفيه سكروضغط ولايصلي ولايسيرعلى احد بس يغيرقفول البيت هذا شغلته



شننوالحل؟بانه يتخيل ان رجال داخل على امي و<يفعل الفاحشة> اعذرني على صراحتي ودي اوديه طبيب نفسي بس موراضي ؟؟



أخوي أبوك مب موسوس ابوك مريض يعاني مرض أضراب وجداني او الانفصام لازم تأخذ على دكتور نفساني في ناس مثل حالة والدك تشك أنه في ناس تقرابهم أنه في كاميرات تراقبه في كل مكان

الله يحفطه لك ان شاء الله مايشوف شر خذه للطب النفسي

خذ هذه رابط يمكن يفيدك


http://www.alriyadh.com/2010/08/20/article553143.html

اقتباس:
المشاركة الأصلية كتبت بواسطة wildcat
مشكووور كثييير احس بقلق وتوتر وعصبيه وكره وملل وكسل وخمول كل وقتي كذا ومخي يشتغل 26ساعه ابغى اي حبه تريحني اسمها وين القاها الف شكر


أسأل رب العرش العظيم ان يشفيك تحسب لو حصلت هالحبة راح تساعدك راح تريحك كم يوم ولا كم شهر بعدها راح تزيد حالتك سوء حاول ردي لك مثل ردي لأخوان فوق تابع رودوي لهم طبق في عشبة عصبة القلب جربها

الف شكر لك

لكن العشبه القاها ع شكل اقراص

تكون بنفس الاسم

بوووووووركت