مالي غيركم من بعد الله (قصة معاناتي) ,

السلام عليكم ورحمة الله وبركاته ,

كيف حالكم يا اخواني ويا اخواتي ؟ ان شاء الله الجميع بخيرر وعافيه ...

بقولكم على قصة معاناتي وان شاء الله ربي يكتب لي الثواب على صبري وتحملي ,

لكن نصيحه من اخت تحبكم في الله : انسو شي اسمه اخصائي نفسي او طبيب نفسي او عيادة نفسيه
زاااادو الطين بلــــــــه ودخلوني بمتاهات مالها اول ولا اخــر , واقفلت هذا الباب وارتحت منهم .

قصتي بين ايديكم :

منذ سنتين ايام الامتحانات بالجامعه , هذاك اليوم كنت مبسوطه وفرحانه كأي طالبه جامعيه انو خلاص ماباقي الا شوي وتخلص الامتحانات والاجازة تبدا .... الخ .

الكل هذاك اليوم كان يمدح فيني , الله سبحانه ابدع في خلقي وله الشكر والحمد فكنت محط انظار الجميع من دكاتره وبنات .... الخ , الكل يمدح فيني ,

بذاك اليوم دخلت المكتبه بالجامعه لقيت وحده منقبه جالسه جنبي التفتت علي وقالت لي انتي مثل الطفله بكل شي لبس شكل كل شي ..... الخ واذكر انها ماقالت ماشاء الله وانا مبسوطه وعلى نياتي .

بعدها رحت مسجد الجامعه وقريت شوية اذكار وقرآن . طلعت ابوي وصل , بنص الدرب بالسياره حسيت اني بختنق بموت ,, شعرت اني بعالم ثاني اخــر . وصلت البيت جلست ابكي ابكي ابكي وامي تحضني وخاااااايفه علي وانا بس ابكي .. وابوي جا وحضني والكل خااايف علي ,,
نمت ذيك الليله كانت اصعب ليله بحياتي كلها ....

صحيت الصبح ,, يارباااه كاني بعالم ثاني وأسئله تدور بنفسي من انا وكيف جيت هنا ومن هؤلاء وحالة استغراب مع خوف وفزع ,, يااااه يااربي لا تبلي بها احد لا عدوو ولا صديق ..!!

مرت الايام والشهور وللآن سنتين وانا ماذقت طعم الراحه ماذقت طعم النوم وجهي شحب وزني نزززل شعري طااااح كأني عجوز مع اني عمري 21 سنه واحلى سن سن الشباب ماتهنيت به ,, كل شي ماله طعم ,,, ماحس بخشوع بالصلاة زي قبل مااركز بقراءة القرآن .. لدرجة كان ودي اموت لكن الله ربي سبحانه قلت بيغضب علي المسلم يتمنى رفع البلاء والرحمه دايما ,, مو الموت والبلاوي ..

اكتب لكم ودموعي بعيوني تعبت من كل شي تعبت من النفسانيين واللي بعضهم حاول يستغل ضعفي حسبي الله ونعم الوكيل بس , الي يقولي ممكن يصبح فصام زادو الوساوس علي زادو همومي اكثررر زادوها لك الحمد والشكر يالله اني ماتهورت واخذت الدواء ولا ايش كان صار لي .. شكيت للناس والي يضحك علي والي يقول مجنونه والي يقول بلا هبل ..

وشلون اتخلص من هالشعور الغريب ؟!! اشلون .. وين اروح وين اجي احس اني تايهه اني بدوامه وسط البحر واغرق ,,, امد لكم يدي انقذوني ,, لا تتركوني مابي مستقبلي يضيع ابي اعيش حياتي براحه مثل باقي هالناس ,, ابي ترجع ضحكتي ,, ابي ترجع وناستي ,, ابي ارجع زي قبل انكت وانسي الناس همومها واضحكهم رغم آلامهم .. آآه ارحمنــــــــــــــي يا الله ,, ارحمنـــــــــــــــي

سامحوني لو اطلت عليكم ... لكن مازال الأمل موجود بقلبي ومايأست ولا قنطت عارفه ربي بيسخر لي من يساعدني ويطلعني من هالدوامه .. وابي علاجي يكون بالقرآن الكريم ..

هل هذي عين هذيك الحرمه ؟!! ومعقوله عينها تكون قويه لهالدرجة ؟!


دعواتكم لي ...


اختكم في الله

اسال الله الشفاء العاجل لكي اختي العزيزه ولي ولزوجي انا اعاني من نفس الاعراض وما لنا الا اللجوء الى الله سبحانه وتلاوة القران الكريم والاذكار والمعوذات وهناك مواضيع كثيره في المنتدى اسال الله ان تفيدك

جزاك الله الف خير على المرور واسال الله ان يشفينا جميعااااا

الحمد لله رب العالمين
و الله يا أختي نعاني أكثر مما تتصورين
لكن المؤمن صاب
و احتسبي الأجر عند الله و اصبري اصبري
و لما يكتب لك الله الشفاء سوف تشفين
لا عليك الدنيا دار فناء و لم يبق إلا القليل

اسال الله ان يشفيك ويمتعك بشبابك وصحتك

نصيحتي لك يااختي بما اني مجرب هاالمعاناة ولاجل ماتقعي بنفس الخطا اللي انا مريت فيه نصيحتي انك تتوجهي باقرب وقت لراقي شرعي بمنطقتكم ويقرا عليك
لاني اللي فهمت من كلامك ماذكرتي شي عن الرقاة او انك ذهبتي لاحد ولازلتي متوهمه هل ماحصل لك مجرد عين او مرض نفسي وعشان تقطعي الشك باليقين توجهي لها الراقي ومن خلاله راح تعرفي مشكلتك وحالتك بإذن الله لكن الاهم ماتهملي هاالشي او تتراجعي عنه هاالخطوة لازم تخطيها وبالعكس راح ترتاحي كثير وتتشافي بإذن اللي ماتنام عينه
و ع الاقل تعرفي حالتك بالظبط
وانا معك بكل كلمه قولتيها فعلا الاطباء النفسيين زادو المشكله تعقيدا والاسوأ من هذا العلاجات المستخدمه بالطب النفسي كثير منها يزيد المشكلة ويصبح للمريض ادمان ولايستغني عن هذي العلاجات الا ماندر
وانا مقتنع بالطب النفسي والامراض النفسيه لكن ماكل من تظهر عليه هالاعراض اللي انتي ذكرتيها ممكن يكون مريض نفسيا فهنا الخلاف والمشكله اعتقد ذلك
توجهي لاقرب راقي مشهود له بالخير وراح يفيدك باذن الله هذي اهم خطوة تقومي فيها
وبامكانك بها المنتدى المبارك الاستفسار وعرض حالتك والاعراض اللي تحصل معك وراح تشوفي تشابه كثير بحالتك وحالة بعض الاخوة هنا لكن برأيي ان الاعراض تتشابه ولكن الحالات كثير مختلفة عن بعض

اتمنالك التوفيق والشفاء العاجل
وتذكري ((نصف العلاج معرفة المرض))

جزاكم الله الف خيرررر ,,,


أخ أحمد اشكرك على كلامك رفع معنوياتي ,, لكن المشكله الاهل رافضين الرقاه وكل شي يقولون لي تدلعين مافيك شي ,,, انا بديت ارقي نفسي من امس شربت ماي زمزم مقري عليه حفظت كم آيه من القران بنية الشفاء ,, وكنت اتثااوب كثيييييير عند سماع القران وعيوني تدمع هذا الي لاحظته

استمري يااختي الله يشفيك
الاهل والناس والاقارب اكيد لهم دور ايجابي او سلبي وانا كمان كان لهم دور واتوقع مثل حكايتك بالاول اهتمام بس مع الوقت يتلاشى والعيب مو فيهم ممكن يكون فينا حنا ليش لا
استمعي للرقيه وياليت لو تتابعي مع شي يرقيك يكون افضل
وبعدين جربي الحجامه انا الحمدلله افادت معي كثير جربيها مابتخسري شي راح تفيدك ان شالله
وبعد كثير علاجات راح تفيد معك بس ابداي بالعلاج
وانا مع الوقت راح انقلك متابعتي للعلاج والعلاجات اللي استخدمها واتمنى انتي كذلك بس ابدأي بالعلاج ولاتبدأي بقوة حبه حبه ع قولتهم

بادية من امس ,, الله كريم , مع اني لاحظت مع القراءة تخف الحاله ومع الاذكار , بعدها تختفي الحاله وترجع لي مره ثانيه ,, .. لكن هالمره ببدا وبتعالج بالقران بس مسحت شي اسمه طب نفسي من حياتي ... والحمدلله ماتورطت معاهم بالادويه ... اتمنى تقولي العلاجات الي ساعدتك وخففت عنك ... وشكرااا لك اخي

مادمت تريدين علاجك بالقرآن توكلي على الله وافعلي التالي بالضبط :

اقرئي سورة البقرة كل يوم وانفثيها على ماء زمزم كل وجه مرة وبعد الانتهاء من القراءة كاملة بدون انقطاع خذي قبضة من سدر مطحون واضيفي اليها قليلا من الملح الخشن المجروش وقليلا من الشبة وكلها موجودة عند العطار واضيفي عليها من الماء الذي نفثت فيه قبل قليل ولو كمية بسيطة ثم زيدي عليه ماء عادي من البزبوز واغتسلي به لمدة سبعة ايام مع ملاحظة البعد عن الاغاني والافلام وغيرها مما يغضب الله تعالى وفي الليل قبل النوم تشغل اذاعة القرآن او قناة المجد للقرآن الكريم الى الصباح ووافونا بالنتيجة بعد اسبوع.

اسال الله لنا ولكم ولمرضى المسلمين الشفاء والله الموفق.

جزاك الله الف خيررررر ببدا من بكرااااا ان شاء الله واوافيك بالنتيجه بعد اسبوع