بوح

السلام عليكم

لا اعرف كيف ابدا وماذا اكتب وجعي كبير وهمي اكبر
باختصار انا محطمه نفسيا احساسي بالامان بتلاشي صرت لاجد نفسي الا بالاحلام
كل ما اتمناه يقف بيني وبينه مليون حاجز من الالم والخوف والقهر
عمري ضاع بلا معنى شبابي افتقد الاحساس به لثقل ما احمله من اوجاع
ثقتي بالناس شبه معدومه اخاف اصدق احد مشان لا انصدم فيه بظل دائما بقنع حالي الكل كذاب
بتمنى اتزوج واصير ام حلم حياتي اكون أم لكن اذا تقدملي احد برفضه على طول
بقول لحالي لا تغلطي غلطة عمرك وتتزوجي وتربطي حياتك بشخص كل يلي بدو منك يشبع رغباته مو اكتر لا توافقي لانه اذا وافقتي رح يموت حتى الحلم انك تلاقي حب ومشاعر صادقه مو انانيه
يمكن وقت تقرؤا كلامي تفكروني بقضي حياتي بين جدران غرفتي
انا بطلع وبشوف العالم وبحاول اعمل كل شي بحبه وانا مرحه كتير بضحك وبمزح لكن قلبي مافيه فرح
دائما بكتم غصه تخنقني وتموتني ببطء
انا بكره الدنيا وبخاف من الاخره بحب الحياه واخشى الموت اكره الظلام وبحب الهدوء
فيني خوف من المستقبل مرعب كثير على قد ما احلم واسعى ليكون مستقبل رائع على قد ما اخافه وابكي منه
صعب اكون قويه وداخلي مهزم
انا تعبت من حالي وتعبت من كل الحياه
ادعولي احتاج دعائكم