خلاص !!! انتهى وقتك .........!!!!!

السلام عليكم ورحمـة الله وبركااته

أهلا بكم وحياكم الله ... شاكرة لكم دوماً حضوركم المميز

كلنا يمر علينا يوم نمسك فيه ايميلاتنا

او جوالاتنا

ونختار قائمة الاسماء

ونمر على الاسم الاول ثم الثاني ويليها الثالث..

الى ان نصل للاخير

الرقم/الايميل

هذا من شهر ماكلمته

وهذا من شهرين

وهذا خبري فيه من سنه ...

وهذا بجد مادري متى سمعت صوته.. يمكن من ايام الدراسه

لا لا قبل !!!

يمكن في ايام الاجازه

وبرضو تكتشف ان اخر مكالمه/محادثة كانت قبلها بفتره طويله

ولما تحاوول تحسب كم.. تلقاها سنييييييييين...

ولما تنوي تكلم صاحب رقم معين/ايميل معين

تظهر لك مليون شغله وتؤجل المكالمه لوقت غير معلوم..

وبلحظه غفله تجيك رساله..

((انتقل الى ذمة الله صاحب هذا الرقم))

((انتقل الى ذمة الله صاحب هذا الإيميل))

وقتها تقوم مفجوع.. لا مستحيل.. ماصدق..

تكفون قولو ان هالرساله كذب..

مجرد اشاعه ...

تركض تدق.. فلان..؟؟

لا اخووه ..

فلان عطاك عمره..

تسكر مصدووم

وربي كنت بدق عليه.. كنت ابي اكلمه

قسم بالله طرى في بالي ونويت اكلمه

واساله عن اخباره لما تصفحت القائمه..

بس اشغلتني الدنيا عنه..

تتحسف وتتحسر وتعض اصابعك ندم

لانو ماسمعت صوته من فتره طوويله ... ماكلمته

ويبدا معك مسلسل الذكريات..

واااااااااااه يالذكريات...

مؤلمه .. موجعه ... قاتله .... باختصار..

كل من قال انه كلمه قبل وفاته بأيام .. اوجعك قلبك أكثر ..

ليتني اجريت الاتصال ؟؟

ليه انا يوم شفت القائمه مادقيت عليه وتركت اشغالي دقايق..؟؟

ليه اناا بس اللي ماسمعت صوته..؟؟

وش ضرني لو خصصت من وقتي لكل شخص اسال عنه

بمكالمه معدودة الدقائق...؟

اسئله كثيره انتهى وقتها...

وللاسف احبتي...

مانحس بالفاجعه وببشاعة الامر الا بعد فوات الاوان..

مانقدر الشخص إلا بعد مانفقده ............!!!!

في لحظه مافي مجال تجري فيها اتصالك ولاحتى تقابل الشخص اللي تبيه...

.... خلاص ...... انتهى وقتك ........

اتمنى كل شخص يقرأ موضوعي ويطالع قائمة الأسماء ويجري اتصاله ولا يؤخره..

تواصل مع احبابك فالزمن ليس ملك لك

ختاماً: اسال الله العظيم رب العرش العظيم ان يغفر لمن فقدت ويرحمهم وان لايحرمهم لذة النظر الى وجهه الكريم وان يغسلهم بالماء والثلج والبرد.. ويجعلهم من اصحاب الجنان في الفردوس الاعلى مع النبيين والصديقين والشهداء ويجمعنا بهم هناااااك ....... آآآآآآآآآمين يارب العالمين

...