السلام عليكم ورحمة الله وبركاته ..

انا عضوة جديدة وشفت هالموقع وعجبني ...
عندي مشكلة وماقدرت اتغلب عليهاا

تعبت منهاا

خسرت الكثير بسببها


والله تعبت ابي حل جزاكم الله خير

انا احيانا اعصب تعصيب جنوني لدرجة انه يهون عندي كل صعب

يعني ابيع فيهاا كل غالي ماأمسك نفسي بتاتااا

يعني اذا عصبت اصارخ واطلع اللي بخاطري لين اهدى من نفسي وهالطبع مزعجني مرة واخسر فيه اشخاص

صح هم السبب في عصبيتي بس مهما كان المفروض اتمالك نفسي

حاولت كثير ماقدرت

ادري ان الي فيني مشكلة نفسية
بس ابي حل طبيعي يعني أقدر اعالج نفسي بنفسي

ايش اسوي

ابتعد عن مواجهة الناس لفترة معينة

او ايش اعمل ..

مع العلم اني انسانة طيبة القلب ومتعاونة وجميع الصفات الحسنة امتلكها بشهادة الناس مع اني اشوف نفسي العكس .. لكن تشوهني العصبية تخليني اسوء انسانة

اكره نفسي من عصبيتي كيف غيري لما يشوفني, وغالبا اعصب على اهلي واحيانا اعصب على امي وابوي مع اني عندهم الافضل من بين اخوتي لكن غصب اعصب عليهم يستفزوني ضغوط البيت تجيب لي العصبية يعني كل الحمل علي وحدي اي شيء معتمدين علي فيه وهذا السبب اللي مخليني اتنرفز ,, اذا هديت اتحسف وابكي من الي صار وماودي اني اكون عصبية لهالدرجة
..

ابي حل جزاكم الله خير وايش تنصحوني فيه عشان اتخلص من العصبية ..

مع العلم انه نادر اعصب خارج البيت يعني بالجامعة او اي مكان
الا اذا استدعى الموضوع اني اعصب .. احاول امسك نفسي لين هم يضغطون علي ثم خلاص تحل عليهم

يعني اي شيء كنت اجاملهم فيه واقول تحملي كلها كم يوم وترتاحين .. يسوون شغلة خلاص ينفذ صبري
فيها وانفذ فيهم الي كنت مابي انفذه ..

طبع سيء امتلكه اني اذا عصبت اهزء اللي قبالي, طبعا ( خارج البيت ) يعني احاول اهينه و اغيضة بكل الطرق وهذا طبع قبيح الله يخلصني منه
..

اي حد عنده حل لا يبخل .. يتفضل