وش الحل مع صعوبة ومشاكل النوم ؟

انا عندي مشكله مزعجه مره من النوم

احيانا يمر علي عدة ايام ومافيه نعاس او رغبه شديده في النوم
اضطر الى استعمال الادوية التي تسبب النعاس مثل ادوية السعال حتى استطيع النوم
واحيانا ماتفيد !!

طبعا في الليل مايجيني نوم اطلاقا صار لي مايقارب ال10 سنين مانام الا بعد الفجر

قبل 3 سنين كنت استيطع انام في الساعات الاخيره من الفجر يعني من قبل صلاة الفجر بساعتين

بس اخر سنتين تقريبا النوم فالليل يكاد يكون معدوم واذا نمت يكن ساعه او ساعه ونص بعدين ينقطع النوم !!!

مواظب طبعا على صلاة الفجر في المسجد واقرا اذكار ماقبل النوم ومع ذلك الايام هذي انام تقريبا الساعه 8 صباحا او ربما 10 ثم بعد ساعتين ينقطع نومي بدون سبب

طبعا اذا عندي مشوار الصباح سواء مستشفى او غيره مايجيني نوم اظل متواصل
نفس الشيء اثناء السفر يمر علي يومين ثلاثه والنوم شبه معدوم
ماقدر انام خارج البيت او اسافر في الاجازات ابقى وحدي في الرياض ولاسافر مع اهلي
بسبب ان اني مارتاح ولايجيني نوم !!!!!!!!

طبعا عندي اعرض كثيره بس اكثر شيء مزعجني هو النوم المتقطع والشبه صعب ..

مدري وش الحل ؟
انا استعمل دواء نفسي للقلق وللاكتئاب بس ماله علاقه بالنوم يعني مو منوم ...

بصراحه الوضع مزري كثير ابقى في الفراش مايقارب ال 10 / 12 ساعه او ربما اكثر
وفي الاخير يالله اجمع لي ست ساعات بالكثير او خمس اواقل ...

نوم خفيف وحساس مره احينانا اصحو من صوت المكيف كناية عن نومي الخفيف

الام عظام اعلى الظهر واسفل الرقبه صارت تتكرر علي الفتره الاخيره
يبدو لي بسبب كثرة ملازمتي للفراش لساعات طويله والتقلب بدون فائده ؟