السلام عليكم

السلام عليكم ورحمة الله وبركاته
انا كنت عاوزه اقول مشكلة بنت لما كانت صغيره كان بيحصل عندها التباس بعض الاحيان بين الحلم والحقيقه
-كانت تحلم وتصحى متفرقش بين الحلم والواقع ومكنتش تعرف ان الحدث اللي بتحكي عليه كان" حلم"-
وكانت بتحكي الموقف لقرايبها يفتكروها بتكدب ومكنوش فاهمين انه حلم وكانو بيأخدوها على قدر عقلها
والمواقف دي علقت معاها لدرجة لما كبرت بئت خايفه يكون ذكرياتها كانت معظمها احلام
وللاسف كمان لما كبرت مبئتش عارفه كان ايه حلم وايه حقيقه من كتر ما كانت بتفتكر الحلم حقيقة!

الحاجه التانيه :
هي انها للاسف كانت وهي صغيره بتكدب في حاجات فيه منها بقصد وفيه منها من غير قصد
وكئنه كدب مرضي
لما كبرت عقلت وفهمت وتابت وبتحاول تكون صادقه بس غصب عنها
بتخترع مواقف واصلا بتكون ملهاش اي فايده من الكدب او من تأليفها
يمكن يكون فيه مواقف منها عشان تصليح بين اتنين
او عمل محبه بين طرفين
لكن حاجات منهم بتكون بدون مبرر ولا فايده
وترجع تندم وتقول ليه كدبت ولا استفدت ايه؟
وتندم وتستغفر

المشكله هنا بردو تشبه اللي قبلها
ان فيه حاجات كدبت فيها او ألفت فيها وثبتت معاها
لدرجة غصب عنها بتحكيها على انها حقيقه ومبئتش قادره تفرق
مابين الذكريات اللي حصلت او اللي كانت كدبه او حلم

بالله عليكم قولولي ايه رأيكم في أسرع وقت!
هي حسه انها في ذنب كبير وتأنيب ضمير
وفي نفس الوقت محتاجة حل
ياريت تساعدونا
وجزاكم الله خيرا