مالي غيركم من بعد الله (قصة معاناتي) ,

السلام عليكم ورحمة الله وبركاته ,

كيف حالكم يا اخواني ويا اخواتي ؟ ان شاء الله الجميع بخيرر وعافيه ...

بقولكم على قصة معاناتي وان شاء الله ربي يكتب لي الثواب على صبري وتحملي ,

لكن نصيحه من اخت تحبكم في الله : انسو شي اسمه اخصائي نفسي او طبيب نفسي او عيادة نفسيه
زاااادو الطين بلــــــــه ودخلوني بمتاهات مالها اول ولا اخــر , واقفلت هذا الباب وارتحت منهم .

قصتي بين ايديكم :

منذ سنتين ايام الامتحانات بالجامعه , هذاك اليوم كنت مبسوطه وفرحانه كأي طالبه جامعيه انو خلاص ماباقي الا شوي وتخلص الامتحانات والاجازة تبدا .... الخ .

الكل هذاك اليوم كان يمدح فيني , الله سبحانه ابدع في خلقي وله الشكر والحمد فكنت محط انظار الجميع من دكاتره وبنات .... الخ , الكل يمدح فيني ,

بذاك اليوم دخلت المكتبه بالجامعه لقيت وحده منقبه جالسه جنبي التفتت علي وقالت لي انتي مثل الطفله بكل شي لبس شكل كل شي ..... الخ واذكر انها ماقالت ماشاء الله وانا مبسوطه وعلى نياتي .

بعدها رحت مسجد الجامعه وقريت شوية اذكار وقرآن . طلعت ابوي وصل , بنص الدرب بالسياره حسيت اني بختنق بموت ,, شعرت اني بعالم ثاني اخــر . وصلت البيت جلست ابكي ابكي ابكي وامي تحضني وخاااااايفه علي وانا بس ابكي .. وابوي جا وحضني والكل خااايف علي ,,
نمت ذيك الليله كانت اصعب ليله بحياتي كلها ....

صحيت الصبح ,, يارباااه كاني بعالم ثاني وأسئله تدور بنفسي من انا وكيف جيت هنا ومن هؤلاء وحالة استغراب مع خوف وفزع ,, يااااه يااربي لا تبلي بها احد لا عدوو ولا صديق ..!!

مرت الايام والشهور وللآن سنتين وانا ماذقت طعم الراحه ماذقت طعم النوم وجهي شحب وزني نزززل شعري طااااح كأني عجوز مع اني عمري 21 سنه واحلى سن سن الشباب ماتهنيت به ,, كل شي ماله طعم ,,, ماحس بخشوع بالصلاة زي قبل مااركز بقراءة القرآن .. لدرجة كان ودي اموت لكن الله ربي سبحانه قلت بيغضب علي المسلم يتمنى رفع البلاء والرحمه دايما ,, مو الموت والبلاوي ..

اكتب لكم ودموعي بعيوني تعبت من كل شي تعبت من النفسانيين واللي بعضهم حاول يستغل ضعفي حسبي الله ونعم الوكيل بس , الي يقولي ممكن يصبح فصام زادو الوساوس علي زادو همومي اكثررر زادوها لك الحمد والشكر يالله اني ماتهورت واخذت الدواء ولا ايش كان صار لي .. شكيت للناس والي يضحك علي والي يقول مجنونه والي يقول بلا هبل ..

وشلون اتخلص من هالشعور الغريب ؟!! اشلون .. وين اروح وين اجي احس اني تايهه اني بدوامه وسط البحر واغرق ,,, امد لكم يدي انقذوني ,, لا تتركوني مابي مستقبلي يضيع ابي اعيش حياتي براحه مثل باقي هالناس ,, ابي ترجع ضحكتي ,, ابي ترجع وناستي ,, ابي ارجع زي قبل انكت وانسي الناس همومها واضحكهم رغم آلامهم .. آآه ارحمنــــــــــــــي يا الله ,, ارحمنـــــــــــــــي

سامحوني لو اطلت عليكم ... لكن مازال الأمل موجود بقلبي ومايأست ولا قنطت عارفه ربي بيسخر لي من يساعدني ويطلعني من هالدوامه .. وابي علاجي يكون بالقرآن الكريم ..

هل هذي عين هذيك الحرمه ؟!! ومعقوله عينها تكون قويه لهالدرجة ؟!


دعواتكم لي ...


اختكم في الله