ساااعدوني تكفووووووووووون يا اهل الخير

السلام عليكم ورحمة الله وبركاته ..


ساعدوني الله يوفقكم بحل مشكلة اختي اللي بالصف الثالث الابتدائي..
اختي جميله وكانت شخصيتها حلوه ومرحه درجة ان كل القرايب يجون عندنا عشان يسمعون سوالفها ويستانسون..
لكن بعد فتره صارت مشاكل بينا وبين القرايب واختي صارت ماتحبهم ..
وبعد فتره بدأت عليها التغيرات صارت اختي ماتحب تشوف احد اغلب وقتها تلعب لحالها بالحوش او بالابليستيشن او او ....الخ وصارت عدوااااااااانيه والفاظها بشعه وتضرب ومتسلطه وتبي كلامها يتنفذ واذا ماتنفذ تبكي وتطلع من المكان كله وصارت عدوانيه بالمدرسه ومالها صديقات والكل يشكي منها ومن تصرفاتها الوقحه لانها تسوي اشياء وتتلفظ وما تبلش بأحد لاصغير ولا كبير..
وصارت موسوسه وكل فتره على شيء معين مثلا فجأه صارت موسوسه بالنظافه تتحمم كثير وتغير ملابسها وتقول اشم ريحه مو كويسه وماتجلس بجنب احد تقول اخاف تشمون معي ريحه مع العلم ان ريحتها طيبه..
والحين صارت قمه بالقذاره ماتهتم بالنظافه وتستخدم الفاين وترميه بالارض وترفض تشيله وتاكل بطريقه غريبه ..
ولما يجون الناس يشوفونها تدخل وهي خجوله وماتتكلم مع احد وتسوي حركه بعينها غريبه..
واحيانا تكون رايقه وجالسن والوضع عادي فجأه تقوم وتخانق شخص معين بس بالغالب (اختي الكبيره-امي) لانها صارت تكرههم حيل وماتحب تتعامل معهم ابد وتتهمهم بأشياء كثيره مو صحيحه وتقول ان هي جميله وان كل الناس يغارون منها ومن جمالها خصوصا وحده من معلماتها وحده من زميلاتها وامي واختي واحيانا انا تقلب علّي وتقول اني اغار منها..
صارت سيئه مع الكل حتى مع الخدامه ماعدا (انا وابوي) تحبنا عادي ..
وصارت تخاف بالليل وماتنام الا عند ابوي وماتحب غرفتها..
ولكن لاحظت عليها ان دينها زااااااااد يعني صارت تقول لي ابي اصلي وصارت تقرأ قران بصوت عالي وتقولنا انا ادعي عليكم والل راح يستجيب وتقول (اللهم صب عليهم صب عذاب) مع ان كل البيت يدورون رضاها خصوصا لما صارت بهالحاله..
وصارت تقول لخواتي انتن براسكن شياطين وان عقولكن باطله واحيانا لما نكون نسولف مع بعض سوالف عاديه تعصب وتقول راح تدخلن النار ومن هالكلام وتقول ان هي تشوف رؤيا من الله ان ربي راح يجيب السخط لاختي اللي هي ماتحبها..

كلامها كبير وغررررررريب احيانا ابكي من كلامها لما تقول انا ادعي عليك اقولها طيب انا زينه معك تقول احيانا >>مع اني حنونه معها..
واجي اقولها طيب تحبيني تقول ايه..

كل شيء فيها تغير وماندري وش مشكلتها هل هي (حاله نفسيه) لانها تعرضت لاشياء من المجتمع خارج بيتنا..
والا اللي فيها عين والا سحر والا مس..
والا احد من افراد البيت فيه مس وهي متضايقه من هالشي..




أرجوووووووووووووكم ساعدوني فوالله حالة امي وابوي عشانها صعبه


بإنتظاركم
إختكم..