*يـا ليتنـي خدامـة بيـن اياديـك***** أفا اااااااا ..... وين انت يا حمدان أمـك تناديـك

قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)


..اجتمع عليها هم الكبر وهم العقوق ..
أم حزينة بعد هذه السنين من الإخلاص والتضحية لابنها لتلقى جزاءها " دار العجزة "

هذي قصيده مؤثرة لأم تشكي حالها بعد أن رماها ولدها (الله يهديه) للمصحه (دار العجزه)


أو كما يقااال ( دار النسيان)


والبيت أعلاه يبكي حتى القلب القاسي

اترككم مع القصيده



وين انت يا حمدان امـك تناديـك *._.* وراك مـا تسمـع شكايـا وندايـا


يا مسندي قلبي على الدوم يطريـك *._.* ما غبت عن عيني وطيفك سمايـا


هذي ثلاث سنين والعيـن تبكيـك *._.* ما شفت زولك زايـر يـا ضنايـا


تذكر حياتي يـوم اشيلـك واداريك *._.* والاعبـك دايـم وتمشـي ورايـا


ترقد على صوتي وحضني يدفيـك *._.* ما غيرك احدٍ ساكن فـي حشايـا


واليا مرضت اسهر بقربك واداريك *._.* ما ذوق طعم النوم صبـح ومسايـا


ياما عطيتك من حنانـي وبعطيـك *._.* تكبـر وتكبـر بالأمـل يـا منايـا


لكن خساره بعتني اليـوم وشفيـك *._.* واخلصت للزوجه وانا لي شقايـا


انا ادري انها قاسيـه مـا تخليـك *._.* قالت عجـوزك مـا ابيهـا معايـا


خليتني وسط المصحه وانا ارجيك *._.* هذا جزا المعروف وهـذا جزايـا


يـا ليتنـي خدامـة بيـن اياديـك *._.* من شان اشوفك كل يوم برضايـا


مشكور يا ولدي وتشكر مساعيـك *._.* وادعـي لـك الله دايـم بالهدايـا


حمدان يا حمـدان امـك توصيـك *._.* اخاف من تلحق تشـوف الوصايـا


اوصيت دكتور المصحه بيعطيـك *._.* رسالتـي واحروفهـا مـن بكايـا


وان مت لا تبخل علـي بدعاويـك *._.* واطلب لي الغفران وهـذا رجايـا


وامطر تراب القبر بدموع عينيـك *._.* ما عـاد ينفعـك النـدم والنعايـا


(حسبي الله ونعم الوكيــــــــــــــل)

الله يكون في عونها

آميــــــــــــــــن