مشكلتي مع زوجي ارجووكم ساعدوني

السلام عليكم

راح اقولكم مشكلتي باختصار

انا متزوجه وعندي عيال ..والله يعلم قد ايش اني احب زوجي وحريصه على رضاه ..
لكن هو مش حريص على رضاي ..
حتى لو ازعله مايطاوعني قلبي انام الا لين اراضيه..
لكن هو لزعلت انتا عادي عنده انام وانا ابكي وزعلانه

مشكلتي انه ما اسمع كلمة حب من زوجي ..كلمة الله يعطيك العافيه يافلانه ..كلمه حلوه تلذ على قلبي
يعاملني بجفاف..وقساوة وكني واحد من ربعه..
انا تعبت منه وهو عارف طبعي اني عاطفيه..ليش يبخل علي بكلمة حلووه تروي عطشي..
ياما كلمته وقلت له يافلان لاتبخل علي بكلمه طيبه لكن ماعنده اي اهتمام ..
انا اعامله برقه ولين وهو يعاملني بقسوه وجفا..
حتى لو تصير لي مشكله واجلس ابكي وانا منهاره عنده ..ماياخذ بخاطري عادي يشوفني ابكي يروح يطلع ولاينام

جاتني حاله نفسيه تعبت لدرجة اني كرهته..

هو يقول انه يحبني لكن وشفايدة الحب اذا مايعبر عن مشاعره لي ..انا انثى والكلمه الحلوه ترضي غروري واحتاجها منه ..وخاصة طول حياتنا مع بعض كنا نعاني من مشاكل مع اهله ..النفسيه تعبت منه ..والله كرهته..شسووي
هو من الناحيه الماديه والمصرف مش مقصر لكن من الناحيه العاطفيه مقصر كثير

وما اعتقد انه حنا نقدر نهمل هالجانب لانه يعتبر بلسم شافي لمسايرة الحياة ونتحمل مشاكل هالدنيا

احس احيانن اني مجنونه نفسيا صرت زفت .وحتى لو تركته وزعلت عليه مايهتم مني والله..
ليش هالقسوه ...

عطوني حل ينصفني ويكون واقعي ..وارجو انكم تتابعون معي موضوعي..