اين التوانسة ؟؟؟

اخواني مرحبا بيكم لكل .
يا جماعة ا نا واحد مالناس عمري 22 و عشرين و عندي توا مدة في هالدومان بالرغم اني مازلت نقرا .
طلعنا بولات و حجرات مكعبرين في عملية حفر دامت شهرين , ذقنا فيها الويل . الحاسيلو مولا الدار الي تحفرت جاب واحد هو بيدو من طرف واحد على اساس باش يشوفهم , جا السيد و تقابل هو و حسن للرموز( هاذي طليعة مولا الدار) مانعرفش اش صار بالتحديد لكن جاب معاه دبوسة صغيرة فيها مادة حمراء كيف لون الياجور . و قالنا باش ندبراها . ما انطولش عليكم الدبوسة مشات على روحها . و مرة توا عندها شهر لحكاية مشينا لبلاصة متهومة و قصدنا ربي , طلعنا بياسات مكتوب عليهم عبد الحميد , كيف لوجنا قيناه السلطان العثماني عبد الحميد الثاني و الله اعلم . و البياسات فضة من عام 1281 .لكن تفاجئنا بمطبق مبني بالجير و الشهبة تحت البياسات ب شوية الحاسيلو بدينا نكسرو فيه و ولاد الحلال هدو ايا سيدي ليومنا هاذا هاك البلاصة مارجعنالهاش حتى تركح عيون الجيران .
يا جماعة انا عندي برشة بلايص و انحب شكون يعاوني عليهم منهم حمامة , شمس , هلال ,و اشارة الخط و الجرن الجانبي الي هبط الصورة متاعها . منقلة هيا الحجرة لكن ترجع كيف ما كانت .
سلام .