اشارات الدفين والكنز

ومشكور اخوي محشش على المداخلة
وشو برايك الحل مع المتفجرات

السلام عليكم جميعا
اود ان احكي لكم عن تجربتي مع الشيوخ الي بيطلبو اسم الام
كثير من الناس يبحثون عن الكنوز وانا واحد منهم .
انا في حديقة منزلي يوجد بئر روماني على شكل نجاصة طولة 7 امتار
و اربع مغارات علما بان مساحه حديقة منزلي دنم واحد صغيرة نوعا ما
والتفكير يراودني بوجود الكنز وكيفية استخراجه
رحت على شيخ وحكالي انو عندك دفين في الموقع الفلاني ورحت اشتغل وما توصلت لشيئ
وبعدها مع شيخ اخر وحكالي بوجود الرصد وانه حلف الرصد بالخروج من الحديقة طبعا جرى الحديث عن طريق الناظر الذي معه بالقسم اليهودي وعلى بناءانه خرج وقبل الخروج واشتغلنا في وسط صخرتين وحددنا المكان وحفرنا وطلعه بعد نصف متر صخرة ورد الشيخ حضر الجن على الناظر وحكولنا وسعو الحفر وسعنا وظلت الصخرة تلاحقنا وغيرنا ووسعنا تقريبا الى حد ثلاث متر الا انه تبين لنا زي البلاطة متصلة بين الصخرتين وهو بذلك سقف المغارة وبعد ما شفت انو ما فيه جدوى من الشيخ روحتو على بيته وقلتلو بعدها بيومين بطلت اشتغل
وبعدها جبت شيخ وحكالى حكي وبدو يشتغل ولكن في امور شخصية لي لم يصدق بها لم احفر معه حكيت زية زي الي قبلو على الفاضي وااخر شي على شيخ رحت حكالي الرصد موجود وهو يهودي وعندك اكثر من دفين عندك باالول يهودي وثم اتو الرومان ووضعو معه وكمان بيزنطي والتركي في المغارة الثانية الرصد استولى عليه ورصدك صعب جدددددددددددداااااااااااااااا ولا اقدر على فكة عليه ثلاث جدار طلاسم والرصد بيطلعلك في قط لونة اسود وانا لا اقدر على الشغل معك لانه الموت بالشغل وانت في حفرك الاول مع الشيخ الذي بدون نتيجة اصابك مس وانا كنت اعاني من صداع شديد يصاحبني صداع لا يوصف وقد زال على يد الشيخ الاخير علما بانة اخذ اسم امي وانا في ام عيني ارى القط الاسود قبل اسبوعين رايتة والان اختفى يعني بين الحين والاخر يضهر
الشيخ الاخير حبني كثيرا الى درجه انه يحب الجلوس معي الحديث معي وصارحني في امور كثيرة منها انه الجن لايصدق معك ابدا وانه الشيخ يستخدم خبرتة في الدفاين قبل الاستعانه بالجن لانه لا يجدي نفعا قد يكون الجن الذي يتعامل معه صادق لكن حارس الدفين لا يصدق في ادلالة على الدفين لانه يدافع عن روحه ورح يكون شرس جدا
سؤالي الان ما رايكم بالشيخ الاخير رغم انه ياخذ اسم الام ويتعامل مع الجن
على فكرة الشيخ عنده اثار زي مصباح الزيت الفخارى وعملة قديمة و رمح و بئر روماني و تماثيل فخارية
واسعار هذه قليلة يعني مصباح الزيت 150 دولار وهو يهودي والعملة تتراوح بين 50 دولار الى 200 دولار الروماني و البيزنطي واليهودي والرمح 170 دولار
يعني انا انصدمت بالاسعار
ليس لها قيمة ابدااااااااااااااا
وهذا حصيلة 30 سنه بالحفر
يعني كل عمرة بالحفر وعلى الفاضي
انا صرت بشوف انه شغلت الحفر على الفاضي وغير مجدية المجدي هو المعدن الاصفر فقط لا غير
اما الرصد من خلال تعاملي الكثير مع المنقبين لم يستطع احد انه يفك الرصد وحتى بالطرق الشرعية
لانه يتم استخدام الطريقة الشرعية في وقتها يعني قرائة القران بالسنه مرة يقرا لما بدو يحفر بيصير يقرى والصلاة كذلك والايمان الضعيف
يعني الشيخ المتدين القريب الى الله في دينة ودائما يذكر الله وكل الصلاوات يصليها ويزكي ويصيم وغيرها من امور الدين ومخلص بالعبادة الى الله يقدر على فكة بقرائة سورة البقرة سبع مرات اما اي شخص يقراها يمكن ان لا تجدي نفعا تجدي فقط مع القريب من الله
اهم اشي انك تكون قريب من الله والرزقة تيجي لباب بيتك وبعدها روح اشتغل وين ما بدك
انا اكيد طولت عليكم بس اعذروني
خلاصة الكلام
انو شغلة الدفائن شبه وهم
يعني حض وما دام الك رزقة رح توخذها وين ما كان
ويا اخواني انا الان مشكلتي مع الرصد الي في حديقة منزلي ماذا سوف اتصرف معه انا ما بدي ولا دفين ولا شي خلية يوخذ دفينه معو ويروح اهم شي الراحه لانه بتجينا مضايقات منو وانا شفتو وانا بالصغر على شكل رجل عجوز واختفى عندما هربت انا اريد الحل منكم ومن القريبين من الله ومن شيخنا الخزيمة
ما تتصوروا الاحلام المزعجة ورعبة المكان وفوق كل هاد انو الرصد فاتح ديوان عنا هيك حكالي الشيخ وانو الجان الي معو موكلين في شغلات كثيرة بس يخلصو منها بيرجعو عندو يعني زي قاعة اجتماعات
وانا والحمد لله اصبحت عندي قناعة انه اذا الله كاتبلي رزقة رح تجيني حتى لو طاير
واقتراحي لكم انسو هالشغلة واهتمو باموركم الدنيوية والاخرة
والله الرازق
والسلام عليكم

وعليكم السلام ورحمة الله وبركاته
أخي الكريم جزاك الله خيرا ، والله أسأل لك العفو والغفران ، أخي قصتك هذي رسالة لمن أشغلهم البحث عن الكنوز..........وأصابتهم بالمشاكل ..............ولقد اتاني مريض قد أحسن أهله الظن بي ، ولقد كاد أن يقتل أهله ..........بسبب ما أصابه من سؤ ، ولكن الله لطف به وعافاه ، والحمد لله ،........أخي ليت كل وأحد منا يصل لما وصلت إليه قبل فوات الأوان ...............

والله يا خوالده انا شايفلك كل شغلتك على الفاضي
كل الشيوخ ان صح تسميتهم شيوخ اللي بتجيبهم بقلك هاي نحفر معه زبطت زبطت ما زبطت بلاش وهو مش خسران شي
وكل واحد منهم لحتى يقنعك راح يسمعك نفس الحكي لحتى يغريك
انه عندك دفيف وفي رصد وكنز يهودي ومن هالحكي اللي ما بطعمي خبز

لو الشيخ اللي بتحكي عنه عنده المقدره على كشف المستور ما كان احتاج الك كان هو بروح بكشف على دفائن وباخذها اله لشو بده يجي يشاركك من اساسه ولا يعني ما في دفين بالاردن غير في بيتك البلد فيها كتير واذا عنده القدر على الكشف بدور لحاله

تاني شغله استعانتك بالمشايخ زي ايام الجاهليه لما كانوا يستعينوا بالاصنام وبقولوا انها تقربهم من الله زلفى يا اخي هل ربنا بحاجه لشيخ لحتى تستعين فيه ليقرالك سورة البقره ؟ دايما علاقة الرب والانسان هي ال***** الوحيده اللي ما فيها واسطه وما بتحتاج واسطه اذا قريت القرآن وعندك هالفكره ربنا ما بخيب املك

وبعدين في مثل بحكي اللي بخاف من العفريت بطلعله
انا ما شايف بالموضوع رصد ولا ما يحزنون هوسك بالذهب وكثر تفكيرك بالموضوع بخلي عندك وسواس وانه كل شي بالحياه ذهب ورصد وجن
يا اخي عيش حياتك بشكل عادي واذا الك رزقه بتاخدها ولو شو ما كان وما تعملي زي الاخ اللي بقله رزقه بقلي ربنا قال لازم ناخذ بالاسباب !! الاخذ بالاسباب بشغلك وعلمك مش تفني وقتك وعلمك على شي يا بزبط او ما بزبط

واللي بقلك انه الجن فاتح ديوان عندك بجد هاد ضحكني يا اخي
يا اخي اجعل بيتك عامر بذكر الله وذكر الله مش بسورة البقرة وآيات التحصين لا القران كله ذكر الله مش ايات معينه وانا متـأكد ما في شي بصيبك بضرر

وبعدين هدول المشايخ الواحد لما يستعين فيهم مش لازم يثق فيهم
لما ياخد اسم امك ولو لقى دفين بتفكر راح يسمي عليك اكيد بعملك شغله لحتى ياخده كله لحاله احكيلي بتثق فيه 100% هاد الشيخ ؟؟ يا رجال احنا بزمن الواحد ما بثق اخوه اللي من امه وابوه بتروح تجيب واحد دجال وبتثق فيه وبتسلمه دقنك ؟؟ انا اسف بس بدك تتحمل عواقب هالشي اذا ات بتثق بمن هب ودب

سوري على الاطاله بس حبيت اوضح الك ولكل الاخوه اللي عايشين حلم المعدن الاصفر
وربنا يوفقك دنيا واخر

بارك الله فيك اخي ابو سلمى على هذا النقل المتميز والسرد الجميل وهذا ليس بغريب على مثلك تحياتي لك مره اخرى على ماتقدمه من معلومات هامة ومفيدة في آن واحد ....

اضحك الله سنك اخي ابو سلمى فماقلته عين الحقيقة وتفسيري لما حصل ان هذا الرجل من دوله افريقية والله اعلم ولقد عمل سيمياء لمن معه من الشباب واراهم الذهب لمخطط في نفسه لانه سيقول سأذهب الى بلدي لآتي بالدواء المطلوب على حسابي الخاص ولااريد منكم قرشا واحدا وطبعا سيصدقونه وقي النهاية سيقول هذا الدواء اكبر من امكانياتي ويا اهل العون ساعدوني في هذا المبلغ والنهاية معروفة ( نصب واحتيال ) ارجو ان ينتبه صاحب هذا الموضوع لاخيه ولا يتركه فريسة للذئاب الافريقية وغير الافريقية وتحياتي للجميع

نرجو من الله العلي القدير أن يكون الخبر صحيح و يكون الأخ ابوبدر بصحة و عافية و يعود لأخوانه و أهله .و لقد كتبت رسالة خاصة الى الحصاد وسألته من أين يعرف أبوبدر و هل قام بزيارته و كيف عرف بمرضه فلم أتلقى جوابا حتى الساعة .
الحمدلله .

المشاركة الأصلية كتبت بواسطة الخوالخوالده

مشكور اخوي ابو سلمى
شو رايك انا وانت نتعاون على الموقع ونشتغل سوى
وكمان سؤال القط الاسود دائما على ماذا يكون
هل على دير او على ماذا

والله يا اخي الخوالدة اتمنى ذلك ولكن لا استطيع
في هذا الوقت عندي من الاشغال ما لا يطاق ارجو ان تعذرني
القط الاسود عادة يكون من عمار المكان وفي حالات كثيرة يدل على رص سواء كان قط اسود او حية سوداء تظهر دائما في نفس الموقع
عليك بقراءة سورة البقرة يوميا او مرة واحدة كل 3 ايام
ويمكن ان تستخدم المسجل في ذلك
وتستطيع سؤال الشيخ الخزيمة حتى يصف لك اي طريقة للتخلص من الاحلام ووووووووو

يا رب يا رب يا رب يا رب يا رب يا رب يا رب يا رب يا رب يا رب يا رب يا رب يا رب يا رب يا رب يا رب يا رب يا رب يا رب يا رب
ان يكون خبر الوفاة كاذبا
لقد ارسلت رسالة الى الحصاد استفهم فيها الخبر واستحلفته بالله ان يصدقني ولكنه لم يبعث الرد وهذا بعث في نفسي الشك فيه وفي كلامه
اتمنى ان يكون ابو بدر حيا يرزق وان يعود لنا فوالله ان نفسي قد عافت المنتدى في غيابه لولا وجود اخوان طيبين يكثرون السؤال والرسائل لغادرت الى غير رجعة

المشاركة الأصلية كتبت بواسطة m7shesh

وين اليأس بالموضوع ؟
انا قلت انه مش حرباء ولا حتى بتشبه اي اشاره تانيه
وانت قلت انه اشاره وتغيرت
يعني نتيجة كلامك انه ما منها فايده
ونتيجه كلامي انه ما منها فايده

ومع احترامي الك انت والاخ خزيمه كلامكم مش منزل لحتى اذا قلتوا انه اشاره يعني لازم يكون اشاره ! هاد اجتهاد يعني خطأ او صح ولا يعني بالضروره صح
اذا بتعتقدوا انه اشاره تفضلوا احكولنا شو هي الاشاره او بلاش شو هي الاشاره احكيلي بتشبه شو هاي الاشاره من وجهة نظرك ؟؟

اعرف ان كلامي غير منزل ويحتمل الصواب والخطأ وهذا ما اعرفه انا واحترمه في نفسي لذلك لست بحاجة ان تخبرني به لا انت ولا غيرك
العيب ان يطلق الرجل احكاما بدون معنى خاصة اذا كانت احكاما خاطئة لا اساس لها مبنية على الجهل
للعلم انا متابع لكلامك في كختلف المواضيع واشك في شيء سأحتفظ به لنفسي الان وبعد ان اتأكد ساقول ما اعرف بالضبط
يبدو انك جديد على هذا العمل ولست بحاجة ان اناقشك لاني لا املك الوقت
الاخ صاحب الاشارة لا تيأس فاشارتك مهمة لذلك وجب عليك احضار جهاز ذو فائدة فالكلام عنده

المشاركة الأصلية كتبت بواسطة ابو سلمى

اعرف ان كلامي غير منزل ويحتمل الصواب والخطأ وهذا ما اعرفه انا واحترمه في نفسي لذلك لست بحاجة ان تخبرني به لا انت ولا غيرك
العيب ان يطلق الرجل احكاما بدون معنى خاصة اذا كانت احكاما خاطئة لا اساس لها مبنية على الجهل
للعلم انا متابع لكلامك في كختلف المواضيع واشك في شيء سأحتفظ به لنفسي الان وبعد ان اتأكد ساقول ما اعرف بالضبط
يبدو انك جديد على هذا العمل ولست بحاجة ان اناقشك لاني لا املك الوقت
الاخ صاحب الاشارة لا تيأس فاشارتك مهمة لذلك وجب عليك احضار جهاز ذو فائدة فالكلام عنده

يا اخي فلجتنا بخبرتك وفريق عملك
يعني اللي بسمع بقول انه ما في حدى بفهم بالكنوز غيرك حضرة جنابك
وشكك احتفظ فيه لنفسك ما في داعي تقولي ياه
وبرضه ما جاوبت على سؤالي لانه ما بتعرف مش لانه ما عندك وقت تناقش
عندك وقت تعطي محاضرات قيمه وما عندك تشرح الاشاره
بلاش تفيدني انا لاني مش محتاج افادتك فيد الشخص اللي بسألك عن الاشاره ونازل تحكيله اشارتك مهمه
لا والله استفاد لما قلتله اشارتك مهمه وهو مش عارف شو هي ولا بعرف شو حلها
هيك يعني اعطيته امل :d

انا لا اعتقد انها اشارة

مشكور اخوي ابو سلمى
وانا مش مستعجل على الموضوع خليها لما انت تكون فاضي

مشكور اخوي خالد المدنى على المداخلة واتكنا انو الكل يكون على وعي ويستفيد من التجارب
واشكر اخوي محشش على المداخلة
وانا الصراحة لا اقتنع بالمشايخ من هذه النوعية قبل كنت اقتنع لاني كنت اجهلهم الان لا اقتنع بهم والان لدي ايمان انه القران والتقرب الى الله هو الحل والرزقة من الله
والسلام عليكم

أسأل الله أن يعافيه كان حيا أو ميتا وأن يغفر له كان حيا أو ميتا.

أرجو ممن يعرف بريده الألكتروني أن يراسله ويطمننا.