ايش أسوي مع أمي الله يسامحها الا نكدت علي العيد

السلام عليكم ورحمه الله وبركاته





أنا فتاه أنعم الله علي بنعمه لكن مع تعامل أهلي وصديقاتي وحتى أمي أكتشفت أنها نقمه وليست نعمه ااالحمد لله على كل حال هذه النعمه كما يظنها بعض النساء هي نعمة (الجمال ) أنا الله أعطاني مسحة جمال عذبت بها ولا أقول هذا الكلام إعتراض على قضاء الله لا ....... لاكن أكتبه لأني حزينه جدا على حالي وأشعر بالذنب وكأنني أنا من خلقت نفسي فصحباتي في الجامعه يغاروا مني ودايما يقولوا لي إنت مغروره ومتكبره لأنك ........... وأنا والله شاهد على كلامي إني جدا متواضعه لكن مدري ليه صاحباتي يقولوا عني كده ووالله إني ذليت نفسي لهم وأخدمهم وهم يجلسوا وأنا أروح أشتري لهم وفي المحاضرات هم يتكلمو وما يكتبو المحاضرات وانا أكتب وأخر السنه يجو يطلبوا مني الدفتر وأعطيهم هو وأنقهر في نفسي بس ما أبين لهم كله علشان لا يقولون عني متكبره وصبرت عليهم مع أني جدا تجرحني كلمه متكبره كيف ماتجرحني وأنا أقرا حديث االرسول صلى الله عليه وسلم( لا يدخل الجنه من كان في قلبه مثقال ذره من كبر) فقررت تركهم وعدم الجلوس معهم وسرت أجلس مع بنت مره طيوبه وعزيزه على نفسي وأستمرت صحبتنا ترم كامل هي الوحيده إلا أرتحت لها وكنت أقول لها كل أسراري ويوم أخوي تأخر علي وجالسه أنتظره في حوش الجامعة وكنت لا بسه الطرحه والعبايه وجالسه لوحدي لأن الجامعه شبه فاضيه في العصر جأتني بنت وقالت لي : هناك في بنت شفتها تصورك بالجوال خفت وجلست أبكي وقلت لها توريني هي ويوم شفتها هي صاحبتي الا أرتاح لها من دون كل البنات! رحت وأشتكيتها على عميده الجامعه والحمد لله أخذوا منها الجوال في نفس اليوم وهي جلست تبكي للإداره وتقول لهم أنا أبغى أخطبها لأخويا وقالي صوريها علشان كده صورتها !!!! طبعا وصل الخبر لوالدي الكرام وجلسوا يخاصموني أنا وانا مالي ذنب في الموضوع وأبوي قالي لا تمشي مع هذه البنت وقالي كل يوم ماتجلسي في الجامعه إلا بمسفع (طرحه )والترم الثاني كامل وأنا أجلس في المصلى مع الخالات الا ينظفوا الجامعه كإني وحده منهم (كلنا لابسين طرح )وصراحه أرتحت معاهم الحمد لله وأحس كل صاحباتي في القاعه وبنات عماتي حاقدين علي والله طلاتهم فيا ترعب ويكرهوني كلهم يعاملوني معامله واقفه يعني مو زي مايتعاملو مع بعض ودايم تجيني مشاكل لا داعي لذكرها وأتحملها وما أشتكي لأحد إنما اشكو بثي وحزني الى الله لاكن هذه المرة ماقدرت أتحمل هذا الموقف ووالله اني لما سمعت امي تقول هذا الكلام تمنيت إن الله يموتني ويرحهم مني تصوروا أمي تغار مني يوم أمس يوم العيد يوم لبست لبس العيد وكل أخواني كانوا لابسين ومتشيكين لما شافتني أمي قالت لي بالحرف الواحد بنت لا يشوفك أبوك روحي غيري لبسك بسرعه ولمي شعرك ومسحي وجهك تبغي تفتني أبوك إنتي ) أنا كنت فرحانه وكسرت فرحتي الله يسامحها ووالله الا زاد حزني إن لبسي ساتر ومافيه شيئ وكل سنه عادي تخليني قدامه بلبس العيد أما هذه السنه أتغيرت أمي
وإرضاء لها لبست روب وروحت فيه المشهد وانا مره حزينه إن الناس كلها لابسه جديد الا انا وجالسه اقول في نفسي الله ما تقبل مني عمل رمضان علشان كده ما جعلني افرح بالعيد مثل االمسلمين مع إني مشتريه ملابس ....... وبعد المشهد جأت أمي وأعتذرت مني عذر أقبح من ذنب وقالت لي لازم ماتلبسي لبس حلو قدام أبوك عشان لا تخربي بيت أمك قلت لها طيب وأحسب هذا الأمر بس في البيت لاااااااااااااا طلع حتى خارج البيت تبغاني أمي أترك لبس العيد الا لي كم شهر أنتظر العيد عشان ألبسه !!
واليوم أهلي راحوا يعيدوا على جدتي جات امي وقالت لي : يا فلانه إنتي عارفه ابوك بيجلس معانا عند جدتك البسي روب ! وجلست تدعي لي قلت لها : أنا ماني عجوزه أروح أعيد بروب قالت لي : إذن أجلسي في البيت وقولي راسك يعورك ماتقدري تروحي لهم وأنا الان في البيت لوحدي جالسة أذرف دموع حاره مقهوره وجالسه أنتف شعري من غير ما أشعر بنفسي يدي تترفع لرأسي وتنتف وأحس هذا النتف يريحني شوي من الكبت الا انا فيه بالله عليكم قولولي ايش أسوي انا مع امي هذه الا تبغى تحرمني من فرحة العيد
وهذا الكلام الكثير غيض من فيض فما خفي من مشاكل هذه النعمه كان أعظم فأنا أواجه مشاكل مع الجن ومع الإنس


لا تنسوني من دعوااااااااتكم

ولعل هذا هو سبب التسميه بطق طق طق فالمشاكل تطرق باب حياتي متتاليه مشكله تلو الأخرى كما طق طق طق نحمد الله على السراء والضراء


ومعليش سامحوني على الكلام الا مو مرتب فأنا أكتب وأبكي